Pilipai 1:23 - Kalam Minimib

²³ Nɨb ak, yad gos omal mɨdeb, pen kɨmɨl am Krais eip mɨdenɨm agɨl gos nɨpin. Nɨg gɨpkop, yɨp tep yɨb gɨpkop.

Kalam

²³ Kumiy am Krays yip minden, yip tep gipkop ak pen; man ar biy mindiy, nimbip kond minden, mindrep ginimimb aŋgiy niŋbiyn.

Pilipai 1:23 Iomraidhean Croise

Jisas Krais Mɨnɨm Tep ak Luk ñu kɨl tɨkak 12:50

Yɨp yur pak ñɨnɨg gebal ak, yɨp mɨker kɨb yɨb gɨp. Mɨker kɨb nɨbak mɨd dam dam, yɨp yur pak saknɨgal ñɨn ak nep auan amnɨgab.

Jisas Krais Mɨnɨm Tep ak Luk ñu kɨl tɨkak 23:43

Nɨb agek, Jisas nop pen pe agak, “Yad nep nɨŋɨd yɨb agebin, mɨñi ñɨn aul nep nak yad eip am karɨp lɨm tep ak mɨdonɨgabɨr,” agak.

Jisas Krais Mɨnɨm Tep ak Luk ñu kɨl tɨkak 8:38

Jisas kɨrɨg amnɨg gek nɨŋɨl, ne gek kɨjeki kɨyob ñɨlɨk söŋ amnɨlak bɨ nɨbak, nop mɨnɨm neb neb gɨl agak, “Yad nak eip amnɨr,” agak.

Jisas Krais Mɨnɨm Tep ak Jon ñu kɨl tɨkak 12:26

Pen bin bɨ an yɨp wög gɨnɨg gɨnɨgain, agnɨgab ak, ne yɨp sain gɨnɨmɨŋ; yad akal mɨdenɨgain ak, bin bɨ wög gɨ ñeb yad eip mɨdenɨgab. Bin bɨ an wög yɨp gɨ ñɨnɨgab, Bapi yad bin bɨ nɨbak yɨb nop ak dap rannɨgab.

Jisas Krais Mɨnɨm Tep ak Jon ñu kɨl tɨkak 13:1

Ñɨn kɨb Pasopa ñɨŋeb ñɨn ak tol, agɨl, Jisas nɨŋak, Nap nop lɨm dai ar wagɨn aul ag lak ñɨn ak padɨk amnak nɨŋɨl ne adɨk gɨ Nap ameb ñɨn ak maŋ owak. Pen bin bɨ ne ke lɨm dai ar wagɨn aul mɨdmagɨl lɨ mɨdɨl, mɨd damɨl, nop ñag pak lel, ne kɨmɨl Nap ne ker adɨk amnak.

Jisas Krais Mɨnɨm Tep ak Jon ñu kɨl tɨkak 14:3

Yad am kau nɨbep gɨ jɨn gɨl, apɨl nɨbep poŋɨd dɨ dam, yad mɨdenɨgain sɨŋak nɨbi eip kabsek mɨdonɨgabɨn.

Jisas Krais Mɨnɨm Tep ak Jon ñu kɨl tɨkak 17:24

“Bapi! Yɨp tep gɨp ak, bin bɨ yɨp ñɨban okok, am yad mɨdenɨgain sɨŋak eip mɨdɨl, lɨm dai ma gɨ lɨrok ñɨn ak, yɨp mɨdmagɨl lɨl melɨk tep aknɨb ke yɨp ñɨnak ak nɨŋnɨmel.

Aposɨl 7:59

Nop nɨg gɨl pakel nɨŋlɨg gɨ, Stipen Bɨ Kɨb nop sɨk par agɨl agak, “Bɨ Kɨb Jisas, kaun magɨl yad dan,” agak.

2 Korid 5:8

Cɨn gos sek mɨdobɨn. Mɨb goŋ cɨn aul kɨrɨg gɨl, am Bɨ Kɨb eip karɨp lɨm ne seb kab ar alaŋ sɨŋak mɨdojɨn, ag gos ak nɨpɨn.

2 Korid 6:12

Cɨn ned nɨbep mɨdmagɨl lölɨgɨpɨn ak, mɨñi ak rek nep nɨg gɨl nep gɨpɨn ak pen nɨbi cɨnop ned mɨdmagɨl lölɨgɨpɨm nag ar ak pen dam akal yokpɨm?

Pilipai 1:24

Pen gos yad alap mɨdeb ak, mɨb goŋ nɨbaul mɨdɨl, nɨbep gɨ ñek, mɨd tep gɨnɨmɨb ak tap kɨb.

1 Tesalonaika 2:1

Ai mam sɨkop, nɨbi ke nɨpɨm, ned karɨp nɨbep onok ak, yokop ma onok.

1 Tesalonaika 2:13

Nɨbep God mɨnɨm tep ne ag ñon nɨŋɨl, mɨnɨm kɨri ke nep ma agebal, God mɨnɨm ne ke agebal, agɨl, nɨŋ dɨpek. Nɨŋɨd me, mɨnɨm ag ñɨbɨn ak, God mɨnɨm komɨŋ gos mɨdmagɨl nɨbep nab adaŋ gek, magɨl pɨlɨp. Nɨb ak, cɨn per nep God nop tep aglɨg gɨ mɨdobɨn.

1 Tesalonaika 4:17

Kɨri warɨknɨgal nɨŋɨl God ne cɨnop bin bɨ ne komɨŋ mɨdenɨgabɨn okok kɨrop eip ulɨk nab sak gek, seb kab alaŋ ap ran jak amɨl Bɨ Kɨb eip mogɨm gɨnɨgabɨn. Nɨb ak, cɨn Bɨ Kɨb eip per nep per nep mɨdonɨgabɨn.

2 Timoti 4:6

Yad Krais wög ne gen, yɨp mɨñ lel mɨden mɨden, mɨñi pak lon lakañ yonɨmɨŋ, agɨl, yɨp gebal. Nɨb ak, lɨm dai ar wagɨn aul mɨdebin aul, kɨrɨg ameb ñɨn ak ulep owɨp.

Repelesin 14:13

Pen mɨnɨm alap seb kab ar alaŋ nɨb yɨp agak, “Mɨnɨm agnɨg gebin aul ñu kɨl tɨknɨmɨn. Mɨñi mɨker gɨp ñɨn aul, bin bɨ Bɨ Kɨb nop nɨŋ dɨl kɨmnɨgal okok, mɨñ mɨñ gɨnɨgal,” agak. Agek, God Kaun ne agak, “Nɨŋɨd yɨb. Kɨri mɨker dɨlɨg gɨ wög koslam gɨ mɨdebal rek, kɨri ake lɨl, mɨñ mɨñ gɨlɨg gɨ mɨdenɨgal,” agak.