Jisas Krais Mɨnɨm Tep ak Mak ñu kɨl tɨkak 10:29 - Kalam Minimib

²⁹ Agek, Jisas agak, “Yad nɨbep nɨŋɨd yɨb agebin, bin bɨ yɨp gos nɨŋɨl, mɨnɨm tep yad wög ak gɨnɨg, karɨp lɨm kɨri kɨrɨg gɨl aka, nɨnai nɨmam kɨri okok kɨrɨg gɨl aka, nonɨm kɨri okok kɨrɨg gɨl aka, ñɨ pai kɨri okok kɨrɨg gɨl aka, wög dai kɨri okok kɨrɨg gɨl, wög yɨp genɨgal ak,

Kalam

^29-30 Aŋgek aŋgak, “Biynimb yip gosimb niŋiy, minim tep woŋg ak giniŋg: korip miñmon kiyk kirgiy akaŋ, numam nunay kiyk kirgiy akaŋ, nop nonim kiyk kirgiy akaŋ, ñapan kiyk gok kirgiy akaŋ, tap woŋg kiyk gok kirgiy taŋgeniŋgambay ak; Gor kuyip direp yimb giniŋgamb. Kuyip kond mindek lum ar biy mindeniŋgambay ñin ak, nop, nonim, numam, nunay, ñapan, korip, tap kiyk gok kuŋay yimb mindeniŋgamb. Pen ñin gunap biynimb yikop gok, yip ker mindpay rek niŋiy kuyip timey giniŋgambay. Pen kisen Gor kuyip dand miñmon nuk amek, pernep mindeniŋgambay.

Jisas Krais Mɨnɨm Tep ak Mak ñu kɨl tɨkak 10:29 Iomraidhean Croise

Matyiw 10:18

Nɨbep bɨ yad mɨdebɨm agɨl, lɨp gɨ dam gapman bɨ kɨb akaŋ kiŋ mɨdenɨgal sɨŋak dad amel, nɨbi mɨnɨm tep yad ak, bɨ kɨb okok abe, Juda bin bɨ mer karɨp lɨm par kɨb okok nɨb okok abe, kɨrop ag ñɨnɨgabɨm.

Matyiw 19:29

Bin bɨ yɨp nɨŋ dɨl, karɨp, nɨnai nɨmam, nonɨm nap, ñɨ pai, wög dai, tap tari tari okok kɨrɨg gɨnɨgal okok, God kɨrop yɨpɨn ma gɨnɨgab; tap nɨb okok rek kɨrop pen koŋai yɨb ñɨl, per mɨdep kɨrop ñɨnɨgab.

Matyiw 6:33

Nɨb ak, God bin bɨ ognap dɨl kod mɨdenɨgab ak, cɨnop ak rek nep dɨnɨgab, agɨl, gos ar nokɨm nɨŋnɨmɨb; God ne ageb rek nep gɨ mɨdon, agɨl, gos ar nokɨm nɨŋnɨmɨb; nɨbi nɨg gem amek me, tap ñɨŋeb, ñɨg ñɨŋeb, walɨj tol gep, tap nɨb okok magɨlsek nɨbep ñɨnɨgab.

Jisas Krais Mɨnɨm Tep ak Mak ñu kɨl tɨkak 8:35

Bin bɨ, Jisas nop nɨŋ dɨ mɨdon, tep ma gɨnɨgab agɨl nɨŋnɨgal bin bɨ okok, pɨs nep ap yap paknɨgal. Pen bin bɨ, Jisas nop nɨŋ dɨl, mɨnɨm tep ne nɨŋ dɨ mɨdon, cɨnop gɨ tɨmel genɨgal ak, mɨnɨm ma mɨdeb agɨl gel amnɨgab bin bɨ okok, God gek per nep per nep komɨŋ mɨdenɨgal.

Jisas Krais Mɨnɨm Tep ak Luk ñu kɨl tɨkak 18:29

Agek, Jisas kɨrop agak, “Nɨbep nɨŋɨd agebin, bin bɨ, God mɨnɨm tep ne ak dad ajojɨn, agɨl, karɨp, bin, nɨmam, nonɨm nap, ñɨ pai kɨri okok kɨrɨg gɨnɨgal okok, God kɨrop saköl ma gɨnɨgab.

1 Korid 9:23

Gɨpin nɨbak, Krais mɨnɨm tep ak ag ñɨ tep gen, bin bɨ nop nɨŋ del, ne kɨrop abe yɨp abe dɨ komɨŋ yoknɨgab, agɨl, nɨg gɨpin.

Repelesin 2:3

Yɨp nɨŋ dɨl mɨnɨm yad agem nɨbep mɨker ñel, ma yo nɨŋɨl, yɨp eip cɨg gɨlɨg gɨ nep mɨdebɨm ak, yɨp tep gɨp.