Jisas Krais Mɨnɨm Tep ak Luk ñu kɨl tɨkak 7:38 - Kalam Minimib

³⁸ Jisas mɨdek kɨd ken okok apɨl, tob wagɨn sɨŋak sɨl ag mɨdek. Nɨg gɨl sɨl agek nɨŋlɨg gɨ, udɨn ñɨg ak pɨg gɨ rɨk Jisas tob ar eyaŋ yapek, kɨmkas ne ak dɨ lɨlɨg gɨ yoklɨg gɨ, tob kɨd ne ak bom sɨlokɨl, mɨlɨk ñɨbɨl, ñɨg ki tep owep nɨbak tob kɨd ne ar sɨŋak soŋ gɨ lɨ ñak.

Kalam

³⁸ Jiysis mindek kund okok ken amiy, tomb aŋgin ak bisgiy, siy aŋg mindek. Kun giy, siy aŋg mindakniŋ, siy ñiŋg ak tik Jiysis tomb ar ak yapek, jun kas nuk ak wiykyokyiŋg, tomb kind nup ak wel ayñiy, bom silokyiŋg silokyiŋg mindek.

Jisas Krais Mɨnɨm Tep ak Luk ñu kɨl tɨkak 7:38 Iomraidhean Croise

Matyiw 5:4

Bin bɨ sɨl agebal okok, God kɨrop ag dɨnɨgab ak me, mɨñ mɨñ gɨnɨmel.

Jisas Krais Mɨnɨm Tep ak Luk ñu kɨl tɨkak 22:62

Nɨg nɨŋɨl, kɨŋam mɨlep gek, molɨl pag apek, söŋ amɨl sɨl agak.

Jisas Krais Mɨnɨm Tep ak Luk ñu kɨl tɨkak 6:21

Nɨbep mɨñi yuan kɨb leb okok, kɨsen yuan ma lɨnɨgab. Gos nɨbak nɨŋɨl mɨñ mɨñ gɨnɨmɨb. Nɨbep mapɨn gek, sɨl magɨl agebɨm okok, kɨsen tep gek nɨŋlɨg gɨ, sɨk agnɨgabɨm. Gos nɨbak nɨŋɨl mɨñ mɨñ gɨnɨmɨb.

Jisas Krais Mɨnɨm Tep ak Luk ñu kɨl tɨkak 7:37

bin taun nɨbak mɨdɨl tap si tap tɨmel golɨgɨp mɨnɨm alap agel nɨŋak, Jisas bɨ Perisi karɨp amɨl eip tap ñɨberek. Nɨb ak nɨŋɨl, ñɨg ki tep owep kab barol dɨ tɨm lɨlak alap dapɨl,

Jisas Krais Mɨnɨm Tep ak Luk ñu kɨl tɨkak 7:39

Nɨg gek, bɨ Perisi Saimon ak, gos magɨl nab ne ak nep gos nɨŋɨl ne ke agak, “Bɨ nɨbaul bɨ God mɨnɨm agep yɨpɨd gɨl mɨdobkop, bin nɨbaul ne tap si tap tɨmel gɨp bin tɨmel alap apɨl nop dɨ nɨŋeb ak tɨk dam nɨpkop,” agak.

Jisas Krais Mɨnɨm Tep ak Jon ñu kɨl tɨkak 11:2

Maria me, Jisas nop tob kɨd ne ak wel soŋ gɨ ñɨl, kɨmkas ne dɨ lɨg gɨ yokak bin nɨbak. Nɨmam ne Lasaras tap gak.

Jemis 4:9

Sɨk kɨrkɨr apɨm ak kɨrɨg gɨl, cɨb gek nɨŋlɨg gɨ sɨl aglɨg gɨ mɨdenɨmɨb.