Jisas Krais Mɨnɨm Tep ak Luk ñu kɨl tɨkak 22:31 - Kalam Minimib

³¹ Jisas ne Pita nop agak, “Saimon, Saimon, nɨŋan. God ne Seten nop yau agek, nɨbep bɨ, wid magɨl soŋ gel soŋ gel, magɨl yɨb ak ke lɨl, dai dai ak ke lɨl gɨpal rek ak gɨl, nɨbi gɨ tɨmel gɨnɨgabɨm aka mer agɨl gɨ nɨŋnɨgab,” agak.

Kalam

³¹ Jiysis Piyta nup aŋgak, “Saymon, Saymon. Niŋan! Gor Seytan nup ‘Yaw’ aŋgek, nimbip wiyt maŋgiy soŋgey soŋgey, maŋgiy yimb ak key ay, day day ak key ay gipay rek ak giniŋgamb.

Jisas Krais Mɨnɨm Tep ak Luk ñu kɨl tɨkak 22:31 Iomraidhean Croise

Matyiw 26:30

Nɨb agɨl, bɨ ne okok eip God yɨb dap raneb kɨmep alap aglɨg gɨ, Olip Dɨm amnɨlak.

Matyiw 4:10

Agek, Jisas Seten nop agak, “Nak ke okok amnoŋ! God Mɨnɨm ak ñu kɨl tɨkɨl aglak, ‘God Bɨ Kɨb yɨb nop ak nep agem ar amnaŋ; wög nop nep gɨnɨmɨb,’ aglak,” agak.

Jisas Krais Mɨnɨm Tep ak Luk ñu kɨl tɨkak 10:41

Agek, Jisas agak, “Mata, Mata, nak tap koŋai nep gos par nɨŋeban ak tep mer.

Aposɨl 9:4

Sol kaj hos ar alaŋ nɨb ap yap lɨm eyaŋ pakek nɨŋlɨg gɨ, mɨnɨm alap nop agak, “Sol, Sol, yɨp tari gɨnɨg gɨ per gɨ tɨmel gɨpan?” agak.

1 Korid 5:5

bɨ nɨbak nop ag gem, nɨbep eip mogɨm ma gɨnɨmɨŋ. Seten eip nep ajɨl me, mɨb goŋ ne tɨmel gek, gos kɨsen nɨb nɨŋɨl, Bɨ Kɨb mɨnɨm kɨb agnɨgab ñɨn ak, kaun ne komɨŋ mɨdenɨmɨŋ rek lɨp.

2 Korid 2:11

Pen mer ak, Seten cɨnop Krais bin bɨ ne ognap gek, ap yap pakjɨn rek lɨp. Seten per nep, gen ap yap paknɨmel, agɨl nɨŋɨp ak, bɨr nɨpɨn.

1 Pita 5:8

Pen per per gɨ jɨn gɨlɨg gɨ mɨdɨl, nɨŋ tep gɨlɨg gɨ mɨdenɨmɨb. Kaual maual bɨ nɨbi ak kɨjeki, kain kɨb layon mɨnɨm kɨb agɨp rek tɨgoŋ tɨgoŋ amɨl, bin bɨ alap su ñɨŋin, agɨl, pɨyo nɨŋlɨg gɨ ap ran ap yap gɨ ajeb.

Repelesin 12:10

Pen mɨnɨm kɨb alap seb kab ar alaŋ sɨŋak nɨb agɨl agak, “Mɨñi God ne bin bɨ okok dɨ komɨŋ yoknɨgab. Mɨñi God ne kɨlɨs ne dɨl, bin bɨ karɨp lɨm tɨgoŋ tɨgoŋ magɨlsek Kiŋ kɨb ke yɨb mɨdenɨgab. Mɨñi God Krais ne ak nep, Bɨ Kɨb kɨlɨs ke yɨb mɨdɨl, bin bɨ karɨp lɨm tɨgoŋ tɨgoŋ magɨlsek kod mɨdenɨgab. Tari gɨnɨg: Seten ne God udɨn yɨrɨk ne sɨŋak mɨdɨl, pɨb nab, kɨslɨm eyaŋ, ai mam cɨn okok tap si tap tɨmel tari tari gɨpal okok agolɨgɨp ak, nop lɨm dai wagɨn eyaŋ dɨ yoklak.