Jisas Krais Mɨnɨm Tep ak Luk ñu kɨl tɨkak 20:42 - Kalam Minimib

⁴² Depid ne ke God Mɨnɨm dai Sam alap ñu kɨl tɨkɨl agak, ‘Bɨ Kɨb ne Bɨ Kɨb yad nop agak, “Nak ñɨnmagɨl yɨpɨd ken kɨd yad bɨsɨg mɨdenɨmɨn;

Kalam

⁴² Depiyt nuk key, Kiyŋ yomb key yimb ak nup minim aŋgiy, Baybol buk day ‘Sam’ apay ak tikiy aŋgak: ‘Biyomb Gor, Biyomb yip ak nup aŋgip, “Nand ñin yipund kind yip okok mindiy,

Jisas Krais Mɨnɨm Tep ak Luk ñu kɨl tɨkak 20:42 Iomraidhean Croise

Jisas Krais Mɨnɨm Tep ak Luk ñu kɨl tɨkak 20:43

mɨd damɨl yad kaual maual nak okok kɨrop gen, tob mok nak okok kɨrop tob tau rɨbɨknɨgan,” ’ agak.

Jisas Krais Mɨnɨm Tep ak Luk ñu kɨl tɨkak 24:44

Pen Jisas kɨrop agak, “Ned yad nɨbep eip mɨdɨl, mɨñi yɨp geb aknɨb rek ak gɨnɨgab, agɨl, nɨbep ag ñölɨgɨpin. Mosɨs yɨp mɨnɨm ñu kɨl tɨkak ak, bɨ God mɨnɨm agep yɨp mɨnɨm ñu kɨl tɨklak ak, God Mɨnɨm dai Sam ak yɨp mɨnɨm ñu kɨl tɨkak ak, yɨp ñu kɨl tɨklak rek nep magɨlsek aknɨb rek nep gɨnɨgab, agɨl, nɨbep ag ñɨ tep gɨnek,” agak.

Aposɨl 1:20

Pita agak, “Depid bɨrarɨk nep God Mɨnɨm dai Sam ñu kɨl tɨkɨl agak, ‘Karɨp ne cög nep mɨdonɨmɨŋ; bin bɨ ognap karɨp ne am ma mɨdenɨmel,’ agak. Depid mɨnɨm alap pen agak, ‘Wög ne ak bɨ alap dɨnɨmɨŋ,’ agak.

1 Korid 15:25

Tari gɨnɨg: Krais bin bɨ okok kod mɨd damlɨg gɨ, Nap gek, kaual maual ne magɨlsek Krais tob mok ne sɨŋak mɨdenɨgal.

Hiybriw 1:13

God Mɨnɨm dai alap God mɨnɨm agɨl agak, “Nak ñɨnmagɨl yɨpɨd pɨs yad sɨŋaul bɨsɨg mɨdek, tap tari tari nep kaual maual rek mɨdeb okok magɨlsek, talak mɨgan nak okok lɨnɨgain,” agak. Pen mɨnɨm nɨbak God ne ejol alap ma agak.

Hiybriw 3:7

Nɨb ak, Kaun Sɨŋ agak rek nɨŋɨn. Ne agak, “Ñɨn aul God mɨnɨm peyɨg nɨŋenɨmɨb ak, mɨnɨm ne ak nɨŋ dɨnɨmɨb.