Jisas Krais Mɨnɨm Tep ak Luk ñu kɨl tɨkak 2:14 - Kalam Minimib

¹⁴ “God yɨb ne i ar oklaŋ mɨdeb; ne bin bɨ an an cɨb nɨŋɨl dɨ tep gɨnɨgab okok, cɨbur sain sain gos mɨdmagɨl ar nokɨm lep magɨl ak kɨri eip mɨdenɨgab,” aglak.

Kalam

¹⁴ “Gor yimb nup ak dand yiy ar biyoŋ aranemb aŋgyak.”

Jisas Krais Mɨnɨm Tep ak Luk ñu kɨl tɨkak 2:14 Iomraidhean Croise

Matyiw 21:9

Bin bɨ okok Jisas nop pɨŋɨl kɨs kɨs gɨlɨg gɨ, amlɨg gɨ, meg mɨgan dap ranlɨg gɨ, aglak, “Nɨŋɨm! Depid tɨkek, tɨk damɨl tɨkɨp ak, apeb me aul. Nop tep agobɨn! Bɨ Kɨb nop ag yokek apeb bɨ nɨbaul me, nop tep agobɨn!” aglak.

Jisas Krais Mɨnɨm Tep ak Luk ñu kɨl tɨkak 1:79

Cɨn bin bɨ an an kɨslɨm okok mɨdɨl kɨmnɨg gɨnɨgabɨn okok, ne gek melɨk magɨl nɨbak cɨnop mɨdmagɨl nab adaŋ melɨk pak ñɨnɨgab nɨŋɨl, cɨn cɨbur sain sain mɨdep kanɨb tep ak pɨyo nɨŋɨl, ar nɨbak nep ajonɨgabɨn,” agak.

Jisas Krais Mɨnɨm Tep ak Luk ñu kɨl tɨkak 19:38

“Bɨ Kɨb ne Kiŋ cɨnop ag yokek apeb aul, God nop dɨ tep gɨnɨmɨŋ! God karɨp lɨm seb kab ar alaŋ sɨŋak, cɨbur sain sain won ak nep mɨdeb. God ne ar i oklaŋ mɨdɨl, ne melɨk tep aknɨb ke sek mɨdeb,” aglak.

Jisas Krais Mɨnɨm Tep ak Luk ñu kɨl tɨkak 2:13

Ejol nɨbak nɨb agek nɨŋlɨg gɨ, dai ejol seb kab ar alaŋ sɨŋak nɨb koŋai yɨb nep apɨl ejol ned nɨb ak eip mɨdɨl, God yɨb ne ak dap ranlɨg gɨ aglak,

Jisas Krais Mɨnɨm Tep ak Luk ñu kɨl tɨkak 2:15

Ejol okok adɨk gɨ seb kab ar alaŋ amel nɨŋlɨg gɨ, bɨ kaj sipsip mɨkep okok mɨnɨm ag nɨŋ ag nɨŋ gɨl aglak, “Bɨ Kɨb cɨnop mɨnɨm agosɨp ak, mɨñi Betlehem am nɨŋɨn,” aglak.

Jisas Krais Mɨnɨm Tep ak Jon ñu kɨl tɨkak 14:27

Yad amnɨgain pen nɨbi kapkap mɨd tep gɨl mɨdenɨmɨb. Mɨnɨm nɨbak bin bɨ lɨm dai ar wagɨn aul okok yokop apal rek ma agebin. Yad ke apɨl gen, bin bɨ kapkap mɨd tep genɨmel rek lɨp. Nɨb ak nɨŋɨl yad nɨbep agebin, kapkap sain tɨkɨl mɨd tep gɨl mɨdenɨmɨb. Nɨb ak, cɨbur gos mɨdmagɨl mɨker nɨŋɨl ma pɨrɨknɨmɨb.

Jisas Krais Mɨnɨm Tep ak Jon ñu kɨl tɨkak 17:4

Wög yɨp karɨp lɨm ar wagɨn aul agnak ak, gɨ damɨl gɨ sakpin ak me, bin bɨ lɨm dai ar wagɨn aul mɨdebal okok kɨri nɨpal, nak Bɨ melɨk tep aknɨb ke sek mɨdeban.

Jisas Krais Mɨnɨm Tep ak Jon ñu kɨl tɨkak 3:16

God bin bɨ karɨp lɨm wagɨn aul mɨdebal okok kɨrop mɨdmagɨl yɨb lɨl, Ñɨ ne nokɨm yɨb ak kɨrop nen agɨl ñak. Nɨb ak, bin bɨ an an Ñɨ ne nɨbak nop nɨŋ dɨnɨgal okok, kɨrop komɨŋ per mɨdep magɨl ak ñek, kɨmɨl ma kɨr gɨnɨgal.

Aposɨl 10:36

Pen God ne cɨnop Isrel bin bɨ mɨnɨm tep ag yokak ak nɨpɨm. Yad ke eip jɨm ñɨl mɨdelaŋ, agɨl, God ne Jisas Krais nop ag yokak. Jisas Krais ne nep me, bin bɨ okok magɨlsek Bɨ Kɨb kɨri mɨdeb.

Pol Rom bin bɨ kɨrop mɨj ñu kɨl tɨkak 5:1

Pen God cɨnop yɨmɨg nɨŋɨl gak nɨbak nɨŋ dɨpɨn ak me, cɨnop bin bɨ asɨk masɨk ma mɨdeb agɨl, dɨp. Nɨb ak, Bɨ Kɨb cɨn Jisas Krais ne gek, cɨn God eip jɨm ñɨl mɨdɨl, kapkap mɨd tep gɨpɨn. Pen karɨp lɨm cɨnop ag lɨp ak amɨl, God melɨk tep ne ak nɨŋɨl, nop eip mɨdenɨgabɨn, agɨl, tep gek nɨŋlɨg gɨ mɨdobɨn.

Epesas 1:6

Nɨb agɨl, Ñɨ mɨdmagɨl ne ak abramek ag yokek apɨl, cɨnop dɨ Nap ñɨnmagɨl ar ne lak ak me, tep gek nɨŋlɨg gɨ yɨb ne ak agon ar amnaŋ.

Epesas 1:9

Pen God ne Krais eip tari gɨnɨg gak ak, tap we gɨl mɨdolɨgɨp nɨbak cɨnop mɨseŋ agek nɨpɨn.

Epesas 2:4

Nɨb ak, cɨn bin bɨ pɨs nep kɨmbal rek mɨdonok, God eip mɨdojɨn rek ma lek, God bin bɨ per nep yɨmɨg nɨŋɨp ak, cɨnop mɨdmagɨl yɨb lɨl, Krais eip dɨ komɨŋ lɨp. God ne nɨbep yɨmɨg nɨŋɨp ak me, nɨbep dɨ komɨŋ yokɨp.

Epesas 2:7

Pen God gak nɨbak, bin bɨ kɨsen tɨk donɨgal okok, kɨri God ne cɨnop nen agɨl, Krais Jisas nop ag yokɨl cɨnop gɨ tep yɨb gak ak nɨŋɨl, God ne bɨ tep ke yɨb, bin bɨ yɨmɨg yɨb nɨŋɨp ak nɨŋnɨmel agɨl gak.

Pilipai 2:11

kɨri magɨlsek mɨseŋ agɨl, Jisas Krais ne Bɨ Kɨb mɨdeb, agnɨgal. Mɨnɨm nɨbak agenɨgal ak, Bapi God melɨk tep ne ak nɨŋnɨgal.

Pilipai 2:13

God ne nep kɨlɨs gɨl mɨdmagɨl nɨbep nab adaŋ gos ñek, nop tep gɨnɨgab ar ak gɨn, agɨl, nɨg gɨpɨm.

Kolosi 1:20

Nɨb ak, tap tari tari lɨm dai ar wagɨn aul mɨdeb abe, karɨp lɨm seb kab ar alaŋ sɨŋak mɨdeb abe, tap okok magɨlsek God eip jɨm ñɨnɨmɨŋ rek lɨp. Ned tap okok God nop kaual maual rek mɨdolɨgɨp. Pen Ñɨ ne, Nap ne ke mɨdeb rek nep mɨdɨl, mab kros bak alaŋ lakañ yapek kɨmɨl, mɨñi tap okok magɨlsek God eip dɨ jɨm ñɨnɨmɨŋ rek lɨp.

2 Tesalonaika 2:16

Bapi God cɨnop mɨdmagɨl lɨl dɨ tep yɨb gek tap tep dɨnɨgabɨn agɨl gos sek mɨdobɨn. Bapi God abe, Bɨ Kɨb cɨn Jisas Krais ne ke abe,

Repelesin 5:13

Pen yad nɨŋnek, tap tari tari God gɨ lek ake lɨpal seb kab ar alaŋ, lɨm dai ar wagɨn aul, lɨm mok epi, ñɨg solwara nab okok magɨlsek kɨmep agɨl aglak, “Bɨ sea kiŋ bɨsɨg gɨ mɨdeb ak abe, Sipsip Ñɨlɨk ak abe, kɨri yɨb ke sek mɨdebir, agɨl, yɨb kɨrop mal agon ar amnaŋ. Kɨri tep ke yɨb mɨdebir, agɨl, yɨb kɨrop mal agon ar amnaŋ. Kɨri melɨk tep ke sek mɨdebir, agɨl, yɨb kɨrop mal agon ar amnaŋ. Kɨri kɨlɨs ke yɨb mɨdebir, agɨl, yɨb kɨrop mal agon ar amnaŋ,” aglak.