Jisas Krais Mɨnɨm Tep ak Luk ñu kɨl tɨkak 2:13 - Kalam Minimib

¹³ Ejol nɨbak nɨb agek nɨŋlɨg gɨ, dai ejol seb kab ar alaŋ sɨŋak nɨb koŋai yɨb nep apɨl ejol ned nɨb ak eip mɨdɨl, God yɨb ne ak dap ranlɨg gɨ aglak,

Kalam

¹³ Kun aŋgakniŋ, enjol kuŋay yimb nep semb biyoŋ nimb apiy, Gor nup yimb ak dand aranyiŋg aŋgyak,

Jisas Krais Mɨnɨm Tep ak Luk ñu kɨl tɨkak 2:13 Iomraidhean Croise

Jisas Krais Mɨnɨm Tep ak Luk ñu kɨl tɨkak 15:10

Nɨbak rek me, bin bɨ nokɨm alap, tap si tap tɨmel gɨpin okok tari gɨnɨg nɨg gɨpin, agɨl, kɨrɨg genɨgab ak, seb kab ar alaŋ sɨŋak God ejol ne okok nɨŋɨl mɨñ mɨñ gɨnɨgal,” agak.

Jisas Krais Mɨnɨm Tep ak Luk ñu kɨl tɨkak 2:12

Nop am pɨyo nɨŋɨl nɨŋnɨgabɨm, nonɨm nop walɨj kom kam gɨl, dɨ kaj sipsip tap bep kɨsad kas ak tɨk dap lel ñɨbelɨgɨpal mab kɨnaŋ mɨgan ak lek mɨdenɨgab. Nɨbi am nɨŋɨl, agebin rek gɨnɨgab ak, nɨŋɨd agɨp, agnɨgabɨm,” agak.

Jisas Krais Mɨnɨm Tep ak Luk ñu kɨl tɨkak 2:14

“God yɨb ne i ar oklaŋ mɨdeb; ne bin bɨ an an cɨb nɨŋɨl dɨ tep gɨnɨgab okok, cɨbur sain sain gos mɨdmagɨl ar nokɨm lep magɨl ak kɨri eip mɨdenɨgab,” aglak.

Epesas 3:10

God gak nɨbak, mɨñi Krais bin bɨ ne karɨp lɨm ar wagɨn aul mɨdebal okok genɨgal nɨŋlɨg gɨ, ejol seb kab ar alaŋ kod mɨdebal okok, God bɨ gos nɨŋ kɨd yɨk nɨŋɨp ak nɨŋnɨmel, agɨl gak.

1 Timoti 3:16

Nɨŋɨd nep, God mɨnɨm ne ageb ak mɨnɨm nɨŋɨd yɨb ageb: Krais Jisas bɨ mɨb goŋ lek, bin bɨ nop mɨseŋ nɨŋlak. God Kaun, Jisas gɨ tep yɨb nep gɨp, agak. Ejol seb kab ar alaŋ sɨŋak nop nɨŋlak. Bin bɨ karɨp lɨm tɨgoŋ tɨgoŋ ajɨl, mɨnɨm tep ne bin bɨ okok kɨrop ag ñɨlak. Bin bɨ karɨp lɨm ke ke okok nop nɨŋ dɨlak. Nap ne nop dɨ melɨk tep aknɨb ke sek seb kab ar alaŋ sɨŋak dad amnak.

Hiybriw 1:14

Nɨb ak, ejol okok tari rek mɨdebal? God kɨrop ag yokek, nop wög gɨ ñɨlɨg gɨ, bin bɨ Krais dɨ komɨŋ yokek seb kab ar alaŋ sɨŋak God eip per nep komɨŋ mɨdenɨgal bin bɨ okok kɨrop gɨ ñɨbal.

1 Pita 1:12

Pen Krais Kaun ne gos ñek God mɨnɨm agep bɨ okok nɨŋɨl mɨnɨm agelak nɨbak, God kɨrop nen agɨl ma agak; nɨbi mɨñi mɨdebɨm ñɨn aul nep agɨl agak. Mɨnɨm tep agelak nɨbak me, God ne Kaun Sɨŋ seb kab ar alaŋ nɨb ag yokek apɨl bin bɨ ognap kɨrop gos ñek, kɨri pen nɨbep Jisas Krais mɨnɨm tep ak agel nɨpɨm. God gek nɨbi mɨñi tap tep tep tari tari nɨpɨm ak, ejol okok, cɨn abe nɨŋɨn, agɨl, ma nɨpal.

Repelesin 5:11

Pen dai nɨŋ damɨl kauyaŋ nɨŋɨl nɨŋnek, ejol ñɨn juɨl ñɨn juɨl, tausan tausan koŋai yɨb nep mɨnɨm agelak. Sea kiŋ nɨbak abe, tap komɨŋ omal omal okok abe, bɨ kɨb mɨnɨm tɨg bɨlokep okok abe, kɨrop pɨŋɨl kɨs kɨs gɨ mɨdelak.