Jisas Krais Mɨnɨm Tep ak Luk ñu kɨl tɨkak 11:49 - Kalam Minimib

⁴⁹ Nɨb ak, God gos tep ke nɨŋɨp ak agak, ‘Bɨ mɨnɨm yad agep okok, bɨ mɨnɨm tep yad dad ameb okok kɨrop ag yoknɨgain, pen kɨrop yo nɨŋɨl, ognap gɨ tɨmel gɨl, ognap pɨs nep ñag pak lɨnɨgal,’ agak.

Kalam

⁴⁹ “Kun ak Gor niŋrep giy aŋgak, ‘Bi minim yip aŋgep gok, bi minim yip dand amemb gok kuyip yokniŋgayn ak pen, kuyip yiruk niŋiy, gunap timey giniŋgambay; gunap pisnep pikayniŋgambay aŋgak.’

Jisas Krais Mɨnɨm Tep ak Luk ñu kɨl tɨkak 11:49 Iomraidhean Croise

Matyiw 22:6

pen ognap, kiŋ bɨ ne okok gɨ tɨmel gɨl, ñag pak lel kɨmnɨgal.

Jisas Krais Mɨnɨm Tep ak Luk ñu kɨl tɨkak 11:48

Gɨpɨm nɨbak, tep nep paklak, agɨl, gɨpɨm. Nased acɨk God mɨnɨm agep bɨ okok ñag pak lɨlak; nɨbi pen cɨp tɨgel kɨrop gɨ lɨpɨm.

Jisas Krais Mɨnɨm Tep ak Luk ñu kɨl tɨkak 24:47

Nɨb ak, mɨnɨm tep ne ak karɨp lɨm Jerusalem wagɨn gɨ ag ñɨl, ag ñɨ damɨl, bin bɨ karɨp lɨm tɨgoŋ tɨgoŋ magɨlsek ag ñel amek nɨŋlɨg gɨ, bin bɨ tap si tap tɨmel gɨpal okok, tari gɨnɨg nɨg gɨpɨn, agɨl, kɨrɨg gɨl, Krais nop cɨg gel nɨŋlɨg gɨ, tap tɨmel acɨr kɨrop ak lɨg gɨ yoknɨgab,’ aglak.

Jisas Krais Mɨnɨm Tep ak Jon ñu kɨl tɨkak 16:2

Pen nɨbep Juda mogɨm gep karɨp okok ag söŋ yokɨl, ‘Kauyaŋ ma onɨmɨb,’ agnɨgal. Pen nɨbak nep mer; kɨsen nɨbep ñag pak lɨnɨg genɨgal ak, nɨg genɨgabɨn God nop tep gɨnɨgab, agɨl gos nɨŋnɨgal.

Aposɨl 1:8

Pen Kaun Sɨŋ ne nɨbep apek, nɨbi kɨlɨs dɨl amɨl, Jerusalem bin bɨ, Judia bin bɨ, Sameria bin bɨ, bin bɨ karɨp lɨm tɨgoŋ tɨgoŋ magɨlsek okok, yad tari tari gɨpin ak kɨrop ag ñɨnɨgabɨm,” agak.

Aposɨl 11:27

Ñɨn nab nɨb sɨŋak, bɨ God mɨnɨm agep ognap Jerusalem nɨb Adiok amnɨlak.

Aposɨl 22:20

Pen ñɨn alap bɨ mɨnɨm tep nak agep Stipen nop kab ju pak lel nɨŋlɨg gɨ, yad bɨ nop pak lelak okok walɨj kɨri tɨg ju lɨlak okok kod mɨdɨl, paj agnek,’ agnek.

Aposɨl 7:57

Stipen nɨb agek, tɨmɨd kɨri ak ñɨnmagɨl dɨ pɨlɨŋ gɨl, dai magɨlsek warɨkɨl, mɨnɨm bleble agɨl mɨnɨm kɨb yɨb agɨl, pɨg gɨ rɨkɨd ag amɨl ne mɨdek amnɨlak.

Aposɨl 8:3

Sol pen, bin bɨ Jisas nɨŋ dɨpal okok gɨ tɨmel yɨb gɨnɨgain, agɨl, karɨp karɨp gɨlɨg gɨ, bin bɨ nɨb okok kɨrop abramek lɨp gɨ dam mɨñ lolɨgɨp.

1 Korid 1:24

Pen God cɨnop Juda bin bɨ ognap abe, Grik bin bɨ ognap abe, bin bɨ yad dɨnɨgain, agɨl ag lak nɨŋɨl cɨn Krais nop nɨŋɨl nɨpɨn, God kɨlɨs sek mɨdeb rek, Krais abe nɨb aknɨb rek nep kɨlɨs sek mɨdeb; God gos kɨd yɨk nɨŋeb rek, Krais abe nɨb aknɨb rek nep gos kɨd yɨk nɨŋeb.

1 Korid 1:30

God gek, Krais Jisas eip jɨm ñɨl mɨdebɨm. Nɨb ak, God gek, Krais Jisas nop nɨŋ dɨl, nop eip jɨm ñɨl mɨdɨl, nop gos nɨŋlɨg gɨ mɨdobɨn ak me, cɨn gos kɨd yɨk nɨŋeb bin bɨ rek mɨdobɨn. Krais eip jɨm ñɨl mɨdobɨn ak me, God cɨnop nɨŋɨl bin bɨ komɨŋ tep yad ageb. Krais eip jɨm ñɨl mɨdobɨn ak me, God cɨnop nɨŋɨl bin bɨ asɨŋ ma mɨdeb yad ke ageb. Krais eip jɨm ñɨl mɨdobɨn ak me, God cɨnop nɨŋɨl tap si tap tɨmel gɨpɨm gac ak Ñɨ yad bɨr lɨg gɨ yokɨp ageb.

Epesas 4:11

Bɨ nɨbak nep bin bɨ ne tap tep tep ñɨl, ognap ag lek, Jisas mɨnɨm tep dad ameb wög ak gɨpal; ognap God mɨnɨm agep wög ak gɨpal; ognap bin bɨ Krais nop ma nɨpal okok kɨrop Krais mɨnɨm tep ak ag ñɨbal; ognap bin bɨ Krais nop nɨŋ dɨpal okok kɨrop kod mɨdɨl ag ñɨ tep gɨpal; ognap bin bɨ ñɨ pai okok kɨrop Krais mɨnɨm tep ak ag ñɨbal.

Kolosi 2:3

Krais nop nab adaŋ nep God gos tep tep magɨlsek we gɨl mɨdeb ak me, ne ke nep God gos tep nɨbak mɨseŋ lɨnɨmɨŋ rek lɨp.

Repelesin 16:6

Bin bɨ nɨb okok nep me, bin bɨ nak okok kɨrop ñag pak lɨl, bɨ mɨnɨm nak agep okok kɨrop ñag pak lɨl gel, lakañ kɨri yowak ak me, nak kɨrop pen ak rek nep lakañ ñek ñɨbebal ak, kɨri ke gɨl dɨpal me ak,” agak.

Repelesin 18:20

“Pen God ne gek Babilon pɨs nep pag jɨsɨpɨk masɨpɨk gɨ yap mɨdeb ak, nɨbi seb kab ar alaŋ mɨdebɨm okok paj agɨl wobi yal yal agɨl mɨñ mɨñ gɨnɨmɨb! God gek, bɨ si dep bin nɨbak pɨs nep ap yap pakɨp ak, nɨbi Krais bin bɨ ne mɨdebɨm okok abe, Krais mɨnɨm tep ne dad ameb bɨ okok abe, God mɨnɨm agep bɨ okok abe, nɨbi wobi yal yal agɨl mɨñ mɨñ gɨnɨmɨb! Ne nɨbep gɨ tɨmel gɨp ak nɨŋɨl, God ne nop mɨnɨm kɨb agɨl, nop pen yur kɨb yɨb ñɨb me ak,” agak.