Jisas Krais Mɨnɨm Tep ak Luk ñu kɨl tɨkak 1:76 - Kalam Minimib

⁷⁶ Pen ñɨ yad, nak God Bɨ Kɨb nop wög gek, bin bɨ okok kɨri nɨŋɨl agnɨgal, ‘God Bɨ Kɨb yɨb ar i oklaŋ mɨdeb ak, bɨ mɨnɨm ne agep me ak,’ agnɨgal. Tari gɨnɨg: nak ned amɨl, bin bɨ okok kɨrop ag ñɨ tep gek, kɨri nɨŋɨl Bɨ Kɨb ak nop kod mɨdel nɨŋlɨg gɨ, ne onɨgab.

Kalam

⁷⁶ “Pen ñi yand. Nand woŋg giniŋgamban rek niŋiy, aŋgniŋgambay, Gor Biyomb yimb ak, bi minim aŋgep nuk aŋgniŋgambay. Yenen, nand nind amiy, biynimb gok kuyip aŋgrep gey, Biyomb anup kond mindyakniŋ, nuk winiŋgamb.

Jisas Krais Mɨnɨm Tep ak Luk ñu kɨl tɨkak 1:76 Iomraidhean Croise

Matyiw 21:26

Pen, ‘Jon gos ne ke nɨŋɨl apɨl gak,’ agenɨgabɨn ak, bin bɨ okok cɨnop kabiam junɨgal. Gos kɨri ak, Jon ne bɨ God mɨnɨm agep bɨ alap owak,” aglak.

Matyiw 3:11

Nɨbi tap si tap tɨmel gɨpɨm ak, tari gɨnɨg nɨg gɨpɨn agɨl, kɨrɨg gem me, yad nɨbep ñɨg nep pak ñɨnɨgain. Pen bɨ yɨp kɨsen onɨgab ak, ne yad rek mer; ne bɨ kɨb yɨb, yad bɨ sɨkol. Yad nop nɨŋen nabɨŋ gɨnɨgab. Tob wak ne dad ajenɨm rek ma lɨp. Yad nɨbep ñɨg nep pak ñebin, pen bɨ nɨbak ne apɨl, nɨbep Kaun Sɨŋ ak pak ñɨl, mab mɨlaŋ pak ñɨl gɨnɨgab.

Matyiw 3:3

Jon kɨrop mɨnɨm ag ñolɨgɨp nɨbak, bɨ God mɨnɨm agep Aisaia bɨrarɨk nep gɨnɨgab agɨl, ñu kɨl tɨkak rek nep gak. Aisaia mɨnɨm nɨbak ñu kɨl tɨkɨl agak, “Bɨ alap, karɨp lɨm bin bɨ koŋai ma mɨdebal, mɨñ mab kab nep mɨdeb nab sɨŋak am mɨdɨl, sɨk agɨl agnɨgab, ‘Bɨ Kɨb ak apeb! Kanɨb mak kɨlan kɨyan gɨ mɨdonɨmɨŋ okok, dɨm gol pɨlɨs gɨ mɨdonɨmɨŋ okok, pɨŋɨl pag tep gɨ mɨdenɨmɨb,’ agnɨgab,” agak.

Jisas Krais Mɨnɨm Tep ak Mak ñu kɨl tɨkak 11:32

Pen cɨn agnɨgabɨn, ‘Jon gos ne ke nɨŋɨl kɨrop ñɨg pak ñak,’ agnɨgabɨn ak, cɨnop tari gɨnɨgab?” aglak. Pen tari: bin bɨ okok magɨlsek, God agek, Jon wög ne golɨgɨp ag gos nɨŋölɨgɨpal ak me, Juda bɨ kɨb nɨb okok pɨrɨkɨl mɨnɨm ke alap ma aglak.

Jisas Krais Mɨnɨm Tep ak Luk ñu kɨl tɨkak 1:32

Pen ne bɨ kɨb yɨb mɨdenɨgab. Bin bɨ nop agnɨgal, Bɨ Kɨb yɨb adek i alaŋ mɨdeb Ñɨ ne, agnɨgal. God Bɨ Kɨb genɨgab nɨŋɨl ne nɨsed acɨk Depid kiŋ kɨb mɨdolɨgɨp rek, mɨdenɨgab.

Jisas Krais Mɨnɨm Tep ak Luk ñu kɨl tɨkak 1:35

Agek, ejol nop pen agak, “Kaun Sɨŋ ak nep apɨl, Bɨ Kɨb yɨb adek i alaŋ mɨdeb kɨlɨs ne nep kob ñɨnɨgab. Nɨg gek, ñɨ sɨŋ tɨk donɨgan ak, bin bɨ nɨŋɨl agnɨgal, ne God Ñɨ ne, agnɨgal.

Jisas Krais Mɨnɨm Tep ak Luk ñu kɨl tɨkak 6:35

Nɨb ak, kaual maual nɨbi okok mɨdmagɨl lɨl, kɨrop gɨ tep gɨl, tap abramek ñɨnɨmɨb. Cɨnop pen ñɨnɨgal, agɨl, gos ar ak ma nɨŋnɨmɨb. Nɨg genɨgabɨm ak, God kɨlɨs yɨb ar i alaŋ mɨdeb ak, ñɨ pai ne mɨdenɨgabɨm. Ne geb rek gɨnɨgabɨm ak me, nɨbep saköl ma gɨl, pen tep ñɨnɨgab. God ne bin bɨ tap si tap tɨmel gɨpal okok abe, bin bɨ nop, tep gɨp, ma apal okok abe, kɨrop ak rek nep gɨ tep gɨp.

Jisas Krais Mɨnɨm Tep ak Jon ñu kɨl tɨkak 1:23

Agelak, Jon kɨrop agak, “Yad mɨñi gebin aul, bɨ God mɨnɨm agep Aisaia ned agak rek nep gebin. Ne agak, ‘Yad bɨ alap karɨp lɨm bin bɨ koŋai ma mɨdebal, mɨñ mab kab nep mɨdeb nab sɨŋak am mɨdɨl, sɨk kɨb aglɨg gɨ agebin, “Per Bɨ Kɨb apeb, agɨl, kanɨb lɨg gɨ tep gɨnɨmɨb,” agebin,’ agak. Yad Jon mɨñi gebin me ak,” agak.

Jisas Krais Mɨnɨm Tep ak Jon ñu kɨl tɨkak 1:27

Bɨ nɨbak ne yad kɨsen onɨgab pen ne yad rek mer; ne bɨ kɨb yɨb, yad bɨ sɨkol. Yad tob tɨrɨp ne ak nag wɨsɨbnɨm rek ma lɨp,” agak.

Jisas Krais Mɨnɨm Tep ak Jon ñu kɨl tɨkak 3:28

Nɨbi ke nɨpɨm yad nɨbep agnek, ‘Yad Krais mer; God agek yad yokop kanɨb ne ak lɨg yɨpɨd gebin,’ agnek.

Aposɨl 16:17

Cɨn amonok nɨŋlɨg gɨ, pai nɨbak cɨnop kɨsen gɨlɨg gɨ agak, “Bɨ sɨŋ aul, God ar i oklaŋ mɨdeb ak nop wög gɨpal. God titi gɨl nɨbep dɨ komɨŋ yoknɨgab, mɨnɨm ar nɨbak nep nɨbep ag ñebal,” agak.