Jisas Krais Mɨnɨm Tep ak Luk ñu kɨl tɨkak 1:53 - Kalam Minimib

⁵³ Bin bɨ yuan lɨp okok, God kɨrop tap nonɨm lek ñɨbel kogi gɨp. Pen bin bɨ tap koŋai mɨdeb okok kɨrop yokop ag yokek ambal.

Kalam

⁵³ Pen biynimb yiwan gip gok kuyip niŋiy, tap ñimb; biynimb tap kuŋay mindip gok niŋiy, yikop aŋgyokek ambay.

Jisas Krais Mɨnɨm Tep ak Luk ñu kɨl tɨkak 1:53 Iomraidhean Croise

Matyiw 5:6

Bin bɨ, God agak rek nep gɨnɨgabɨn agɨl, nɨpal okok, God kɨrop kod mɨdenɨgab ak me, mɨñ mɨñ gɨnɨmel.

Jisas Krais Mɨnɨm Tep ak Luk ñu kɨl tɨkak 1:54

God ne apɨs based acɨk cɨn okok kɨrop mɨnɨm agak ak saköl ma gɨl, cɨnop Isrel bin bɨ per cɨb nɨŋɨl kod mɨd tep gɨp.

Jisas Krais Mɨnɨm Tep ak Luk ñu kɨl tɨkak 6:21

Nɨbep mɨñi yuan kɨb leb okok, kɨsen yuan ma lɨnɨgab. Gos nɨbak nɨŋɨl mɨñ mɨñ gɨnɨmɨb. Nɨbep mapɨn gek, sɨl magɨl agebɨm okok, kɨsen tep gek nɨŋlɨg gɨ, sɨk agnɨgabɨm. Gos nɨbak nɨŋɨl mɨñ mɨñ gɨnɨmɨb.

Jisas Krais Mɨnɨm Tep ak Luk ñu kɨl tɨkak 6:24

“Pen nɨbi bin bɨ mani tap koŋai mɨdeb okok nɨŋ tep gɨnɨmɨb. Tap nɨbi dep rek ak, lɨm dai ar wagɨn aul bɨr dɨpɨm.

Jisas Krais Mɨnɨm Tep ak Jon ñu kɨl tɨkak 6:35

Agelak, Jisas agak, “Yad nep me bred komɨŋ mɨdep bred nɨbak. Bin bɨ yɨp onɨgal okok, kɨrop kauyaŋ yuan ma gɨnɨgab. Bin bɨ yɨp nɨŋ dɨnɨgal okok, kɨrop kauyaŋ ñɨg nen ma gɨnɨgab.

1 Korid 1:26

Ai mam sɨkop. Nɨbi ke nɨŋɨm! God nɨbep sɨk agak ñɨn ak, nɨbi bin bɨ tigep rek mɨdebek nɨbep sɨk agak? Bin bɨ gos nɨŋeb apal okok, bin bɨ kɨb okok, bin bɨ yɨb mɨdeb okok, nɨbep koŋai sɨk ma agak.

1 Korid 4:8

Gos nɨbi ke nɨpɨm ak, cɨn ke tap magɨlsek bɨr dɨpɨn; tap sɨkol alap ulep ma gɨp, agɨl gos nɨŋebɨm. Gos nɨbi ke nɨpɨm ak, cɨn ke bin bɨ gep rek bɨr mɨdobɨn; bɨ alap cɨnop gos ognap ma ag ñɨnɨgab, agɨl gos nɨpɨm. Gos nɨbi ke nɨpɨm ak, cɨn ke kiŋ rek bɨr mɨdobɨn, agɨl nɨpɨm. Pen gos nɨbi nɨpɨm ak, Jisas mɨnɨm tep dad ameb bɨ okok kiŋ rek ma mɨdebal, agɨl gos nɨpɨm. Pen nɨbi nɨŋɨd yɨb kiŋ mɨdebkep, cɨn mɨñ mɨñ gɨl nɨbep eip kiŋ mɨdobnop.