Jisas Krais Mɨnɨm Tep ak Luk ñu kɨl tɨkak 1:16 - Kalam Minimib

¹⁶ Kɨsen ne Isrel bin bɨ God nop kɨrɨg gɨpal okok koŋai nep mɨnɨm tep ag ñek, God nop, Bɨ Kɨb cɨn, agɨl, nɨŋ dɨnɨgal.

Kalam

¹⁶ Kisen Yisrel biynimb Gor nup kirpay gok kuŋaynep aŋgrep gek, Gor nup Biyomb chin aŋgiy diniŋgambay.

Jisas Krais Mɨnɨm Tep ak Luk ñu kɨl tɨkak 1:16 Iomraidhean Croise

Matyiw 21:32

Jon bɨ ñɨg pak ñeb ak, nɨbi tari tari gem God nop tep gɨnɨgab ak, nɨbep ag ñak ak pen mɨnɨm ne ak ma nɨŋ dɨpek. Bɨ takɨs dɨpal okok abe, bɨ si dep bin okok abe, kɨri Jon mɨnɨm agak ar nɨbak nɨŋɨl, dɨlak. Dɨlak nɨbak nɨbi ke bɨr nɨpek, pen nɨbi ke, Jon mɨnɨm ak dɨl, tap si tap tɨmel gɨpɨm ak tari gɨnɨg nɨg gɨpɨn agɨl, ma kɨrɨg gɨpek,” agak.

Jisas Krais Mɨnɨm Tep ak Luk ñu kɨl tɨkak 1:76

Pen ñɨ yad, nak God Bɨ Kɨb nop wög gek, bin bɨ okok kɨri nɨŋɨl agnɨgal, ‘God Bɨ Kɨb yɨb ar i oklaŋ mɨdeb ak, bɨ mɨnɨm ne agep me ak,’ agnɨgal. Tari gɨnɨg: nak ned amɨl, bin bɨ okok kɨrop ag ñɨ tep gek, kɨri nɨŋɨl Bɨ Kɨb ak nop kod mɨdel nɨŋlɨg gɨ, ne onɨgab.

Jisas Krais Mɨnɨm Tep ak Luk ñu kɨl tɨkak 3:3

karɨp lɨm ñɨg Jodan gol okok okok ajolɨgɨp nɨŋlɨg bin bɨ okok apel, kɨrop mɨnɨm ag ñolɨgɨp, “Tap si tap tɨmel gɨpɨm okok, tari gɨnɨg nɨg gɨpɨn agɨl kɨrɨg gɨl yɨp apem yad nɨbep ñɨg pak ñen, God tap si tap tɨmel gɨpɨm okok nɨŋɨl kɨrɨg gɨnɨgab,” agolɨgɨp.