Jisas Krais Mɨnɨm Tep ak Jon ñu kɨl tɨkak 3:28 - Kalam Minimib

²⁸ Nɨbi ke nɨpɨm yad nɨbep agnek, ‘Yad Krais mer; God agek yad yokop kanɨb ne ak lɨg yɨpɨd gebin,’ agnek.

Kalam

²⁸ Nimb key niŋbim; nimbip aŋgnik, ‘Yand Kiyŋ yomb key yimb ak mer; yikop kinjeŋ nup ak, Gor aŋgek pindsipiyn aŋgnik.’

Jisas Krais Mɨnɨm Tep ak Jon ñu kɨl tɨkak 3:28 Iomraidhean Croise

Matyiw 3:3

Jon kɨrop mɨnɨm ag ñolɨgɨp nɨbak, bɨ God mɨnɨm agep Aisaia bɨrarɨk nep gɨnɨgab agɨl, ñu kɨl tɨkak rek nep gak. Aisaia mɨnɨm nɨbak ñu kɨl tɨkɨl agak, “Bɨ alap, karɨp lɨm bin bɨ koŋai ma mɨdebal, mɨñ mab kab nep mɨdeb nab sɨŋak am mɨdɨl, sɨk agɨl agnɨgab, ‘Bɨ Kɨb ak apeb! Kanɨb mak kɨlan kɨyan gɨ mɨdonɨmɨŋ okok, dɨm gol pɨlɨs gɨ mɨdonɨmɨŋ okok, pɨŋɨl pag tep gɨ mɨdenɨmɨb,’ agnɨgab,” agak.

Jisas Krais Mɨnɨm Tep ak Luk ñu kɨl tɨkak 1:76

Pen ñɨ yad, nak God Bɨ Kɨb nop wög gek, bin bɨ okok kɨri nɨŋɨl agnɨgal, ‘God Bɨ Kɨb yɨb ar i oklaŋ mɨdeb ak, bɨ mɨnɨm ne agep me ak,’ agnɨgal. Tari gɨnɨg: nak ned amɨl, bin bɨ okok kɨrop ag ñɨ tep gek, kɨri nɨŋɨl Bɨ Kɨb ak nop kod mɨdel nɨŋlɨg gɨ, ne onɨgab.

Jisas Krais Mɨnɨm Tep ak Jon ñu kɨl tɨkak 1:20

Kɨri Jon mɨdek sɨŋak amjakɨl, nop ag nɨŋɨl aglak, “Nak bɨ an?” aglak. Ag nɨŋelak, ne we ma ñak. Kɨrop mɨseŋ agɨl agak, “Yad Krais ak mer,” agak.

Jisas Krais Mɨnɨm Tep ak Jon ñu kɨl tɨkak 1:23

Agelak, Jon kɨrop agak, “Yad mɨñi gebin aul, bɨ God mɨnɨm agep Aisaia ned agak rek nep gebin. Ne agak, ‘Yad bɨ alap karɨp lɨm bin bɨ koŋai ma mɨdebal, mɨñ mab kab nep mɨdeb nab sɨŋak am mɨdɨl, sɨk kɨb aglɨg gɨ agebin, “Per Bɨ Kɨb apeb, agɨl, kanɨb lɨg gɨ tep gɨnɨmɨb,” agebin,’ agak. Yad Jon mɨñi gebin me ak,” agak.

Jisas Krais Mɨnɨm Tep ak Jon ñu kɨl tɨkak 1:25

Kɨri Jon nop ag nɨŋɨl aglak, “Nak apan, yad Krais mer, Ilaija mer, bɨ God mɨnɨm agep kod mɨdobɨn ak mer apan gö pen tari gɨnɨg bin bɨ okok kɨrop ñɨg pak ñeban?” aglak.

Jisas Krais Mɨnɨm Tep ak Jon ñu kɨl tɨkak 1:27

Bɨ nɨbak ne yad kɨsen onɨgab pen ne yad rek mer; ne bɨ kɨb yɨb, yad bɨ sɨkol. Yad tob tɨrɨp ne ak nag wɨsɨbnɨm rek ma lɨp,” agak.