Jisas Krais Mɨnɨm Tep ak Jon ñu kɨl tɨkak 17:10 - Kalam Minimib

¹⁰ Bin bɨ yad okok ke, bin bɨ nak okok ke mer, bin bɨ cɨr apɨl nokɨm nep mɨdebal me. Kɨri gɨpal nɨbak nɨŋɨl, bin bɨ ognap okok nɨpal, yad bɨ melɨk tep ke sek mɨdebin.

Kalam

¹⁰ Biynimb yand gok key, biynimb nand gok key mer, biynimb chirapiy ak mey, yimb yip dand aranbay.

Jisas Krais Mɨnɨm Tep ak Jon ñu kɨl tɨkak 17:10 Iomraidhean Croise

Jisas Krais Mɨnɨm Tep ak Jon ñu kɨl tɨkak 10:30

Bapi ke, yad ke, mer; cɨr apɨl nokɨm yɨb mɨdobɨr,” agak.

Jisas Krais Mɨnɨm Tep ak Jon ñu kɨl tɨkak 11:4

Pen Jisas mɨnɨm ag yokrek nɨbak nɨŋɨl agak, “Ne tap gɨp pen pɨs nep ma kɨmnɨgab. Pen God ne ke nɨŋɨp rek, ne kɨlɨs ke ne gek, bin bɨ okok God yɨb ne ak abe, God Ñɨ yɨb ne ak abe agel ar amnɨgab, agɨl, gak,” agak.

Jisas Krais Mɨnɨm Tep ak Jon ñu kɨl tɨkak 12:23

Ag ñerek, Jisas agak, “Mɨñi God gek, Bɨ Ñɨ ne Bɨ melɨk tep ke sek mɨdeb ak nɨŋnɨgal ñɨn ak bɨr owɨp.

Jisas Krais Mɨnɨm Tep ak Jon ñu kɨl tɨkak 5:23

Nɨb ak me, bin bɨ kɨri Nap yɨb ne agel ar amnɨgab ak rek, Ñɨ ne yɨb ak abe ak rek nep agel ar amnɨgab. Pen bin bɨ God Ñɨ ne ak nop nɨŋɨl, yɨb ne agel ar ma amnɨgab okok, Nap Ñɨ ne ag yokak ak abe, ak rek nep yɨb agel ar ma amnɨgab.

Aposɨl 19:17

Pen mɨnɨm nɨbak, Juda bin bɨ abe, Grik bin bɨ abe, Epesas mɨdelak okok magɨlsek nɨŋɨl, jel gek pɨrɨkɨl, Bɨ Kɨb Jisas yɨb ne ak nep agel ar amnak.

Galesia 1:24

mɨnɨm nɨbak nɨŋɨl God yɨb ne ak agel ar amolɨgɨp.

Pilipai 1:20

Pen yɨp tep gɨnɨgab ak, yad tap tari tari gɨnɨgain, komɨŋ mɨdenɨgain aka kɨmnɨgain, yad gos sek mɨdɨl mɨb goŋ yad kɨlɨs gɨl Krais mɨnɨm tep ne ak ag ñɨl, yɨb ne ak agen ar alaŋ amek nɨŋlɨg gɨ yad nabɨŋ ma gɨnɨmɨŋ. Ned nɨg gak ak, kɨsen nɨb aknɨb rek nep gɨnɨmɨŋ ak tep.

Kolosi 2:9

Tari gɨnɨg: Krais mɨb goŋ sek mɨdeb ak pen God mɨdeb rek ak, Krais ne nɨb aknɨb rek nep mɨdeb.

2 Tesalonaika 1:10

Bɨ Kɨb apek, bin bɨ sɨŋ ne yɨb nop agel ar amnɨgab; bin bɨ nop nɨŋ dɨpal okok, nop nɨŋɨl kɨb gaul gɨnɨgal. Pen Krais mɨnɨm tep nɨbep ag ñɨnok nɨŋ dɨpek rek, nɨbi ke abe nɨb aknɨb rek nep gɨnɨgabɨm.

2 Tesalonaika 1:12

God Bɨ Kɨb Jisas Krais kɨri apɨl mal nɨbep mapɨn nɨŋɨl dɨ tep gɨpir rek, nɨbi gɨ tep nep gɨlɨg gɨ mɨdem nɨŋlɨg gɨ, bin bɨ okok nɨŋɨl Bɨ Kɨb cɨn Jisas Krais bɨ melɨk tep ke sek mɨdeb ak nɨŋnɨgal. Pen nɨbi Jisas Krais bin bɨ ne mɨdebɨm rek, melɨk tep ke ne nɨbak nɨbep abe pak ñɨnɨgab. Nɨg gɨnɨmɨŋ, agɨl, God nop sobok gɨpɨn.

1 Pita 2:9

Pen God ne ke nɨbep dɨl, yakam ne ke ag lɨp. Nɨbi Kiŋ tap sobok gep bin bɨ ne mɨdebɨm. Nɨbi bin bɨ sɨŋ ne mɨdebɨm. Nɨbi God yakam ne ke mɨdebɨm. Nɨg gɨp ak, nɨbi bin bɨ okok nɨb okok nɨb, God ne tap tep aknɨb ke gɨp ak ag mɨseŋ agɨl, ned kɨslɨm nab okok mɨdɨl, koslam gɨ ajölɨgɨpɨm ak pen God ne gek, mɨñi melɨk tep ne nɨŋɨl tag tep gɨpɨm, mɨnɨm nɨbak mɨseŋ agnɨgabɨm. Nɨb agɨl, yɨb ne agem ar amnɨgab.