Jisas Krais Mɨnɨm Tep ak Jon ñu kɨl tɨkak 16:20 - Kalam Minimib

²⁰ Yad nɨbep nɨŋɨd yɨb agebin, bin bɨ lɨm dai ar wagɨn aul yɨp ma nɨŋ dɨpal okok, tap kɨri ke okok nep gos nɨŋɨl mɨñ mɨñ gɨnɨgal; pen nɨbi mapɨn gek sɨl aglɨg gɨ mɨdenɨgabɨm. Sɨl ag mɨdenɨgabɨm pen kɨsen nɨbi kauyaŋ mɨñ mɨñ yɨb gɨ mɨdenɨgabɨm.

Kalam

²⁰ Nimbip niŋind yimb aspiyn: biynimb yikop gok miñmiñ giniŋgambay; pen nimbip simb gek, siy aŋg mindiy, tip ak tep gakniŋ mindeniŋgambim.

Jisas Krais Mɨnɨm Tep ak Jon ñu kɨl tɨkak 16:20 Iomraidhean Croise

Matyiw 21:38

Ñɨ ne ak amjakek, bɨ wain wög gɨ mɨdenɨgal okok nop nɨŋɨl, kɨri ke agnɨgal, ‘Bɨ wain wög dai nap nɨb ñɨ ne ak apeb aul. Bɨñen kɨsen kɨmenɨgab, tap wög sɨŋ aul ñɨ ne dɨnɨgab. Nɨb ak, nop ñag pak lon kɨmek, kɨsen tap wög sɨŋ aul magɨlsek dɨnɨgabɨn,’ agnɨgal.

Matyiw 5:4

Bin bɨ sɨl agebal okok, God kɨrop ag dɨnɨgab ak me, mɨñ mɨñ gɨnɨmel.

Jisas Krais Mɨnɨm Tep ak Mak ñu kɨl tɨkak 14:72

Nɨb agek nɨŋlɨg gɨ, kɨlokɨl ak kauyaŋ sɨk agak. Sɨk agek, Pita Jisas ned agak, “Kɨlokɨl sɨk omal ma agnɨgab won ak, ‘Yad Jisas nop ma nɨpin,’ agɨl, yɨj omal nokɨm we ñɨnɨgan,” agak mɨnɨm ak nɨŋek, mapɨn gek, sɨl kɨb agak.

Jisas Krais Mɨnɨm Tep ak Mak ñu kɨl tɨkak 16:10

Ne Jisas nop nɨŋɨl, amɨl bɨ ne okok sɨl ag mɨdelak nab sɨŋak amɨl, Jisas komɨŋ mɨdeb nop nɨpin, agek, kɨri pɨs nep kɨmɨb, agɨl, mɨnɨm nop ak ma nɨŋ dɨlak.

Jisas Krais Mɨnɨm Tep ak Luk ñu kɨl tɨkak 22:45

Nap nop sobok gɨ mɨd juɨl amɨl nɨŋak, bɨ ne okok mɨker gɨ dap yapek nɨŋlɨg gɨ, wɨsɨn kɨnelak.

Jisas Krais Mɨnɨm Tep ak Luk ñu kɨl tɨkak 22:62

Nɨg nɨŋɨl, kɨŋam mɨlep gek, molɨl pag apek, söŋ amɨl sɨl agak.

Jisas Krais Mɨnɨm Tep ak Luk ñu kɨl tɨkak 23:27

Pen Jisas nop dad amel nɨŋlɨg gɨ, bin bɨ koŋai nep kɨsen gɨlak. Bin bɨ amelak nab nɨbak bin ognap Jisas nop yɨmɨg nɨŋɨl sɨl agelak.

Jisas Krais Mɨnɨm Tep ak Luk ñu kɨl tɨkak 24:17

Ne kɨrop mal ag nɨŋɨl agak, “Mɨnɨm ak tari mɨnɨm ager ameb?” agak. Nɨb agek, kɨri cɨb gep rek wös gɨ warɨk mɨdlɨg gɨ,

Jisas Krais Mɨnɨm Tep ak Luk ñu kɨl tɨkak 6:21

Nɨbep mɨñi yuan kɨb leb okok, kɨsen yuan ma lɨnɨgab. Gos nɨbak nɨŋɨl mɨñ mɨñ gɨnɨmɨb. Nɨbep mapɨn gek, sɨl magɨl agebɨm okok, kɨsen tep gek nɨŋlɨg gɨ, sɨk agnɨgabɨm. Gos nɨbak nɨŋɨl mɨñ mɨñ gɨnɨmɨb.

Jisas Krais Mɨnɨm Tep ak Jon ñu kɨl tɨkak 16:33

“Pen nɨbep mɨnɨm ag ñesin nɨbaul, yɨp nab adaŋ nep mɨdɨl, kapkap mɨd tep gɨnɨmɨb, agɨl, ag ñesin. Lɨm dai ar wagɨn aul mɨdebɨm rek, nɨbep mɨker ñɨnɨgal. Pen gos sek mɨdenɨmɨb, tap tari tari lɨm dai ar wagɨn aul nɨbep gɨnɨgab ak, yad kɨlɨs nɨbak magɨlsek dɨ talak mɨgan yad ak bɨr lɨpin,” agak.

Jisas Krais Mɨnɨm Tep ak Jon ñu kɨl tɨkak 16:6

Mɨnɨm yad nɨbaul nɨŋem, mɨdmagɨl nɨbep ak pɨŋɨl ñek, gos par nɨŋebɨm.

Jisas Krais Mɨnɨm Tep ak Jon ñu kɨl tɨkak 20:20

Nɨb agɨl, ñɨnmagɨl ur ne ak kɨrop yomɨl, tɨglem pɨs kɨd ne ak yom ñak. Yom ñek Bɨ ne okok nɨŋɨl, ak Bɨ Kɨb nep, agɨl, mɨñ mɨñ yɨb gɨlak.

Aposɨl 5:41

Pen bɨ Jisas mɨnɨm dad ameb okok, cɨnop tari gɨnɨg nɨg gɨpal, agɨl, ma nɨŋlak. God cɨnop Jisas bɨ ne yɨpɨd gɨl, agɨl gek, cɨnop nɨg gɨpal, agɨl, tep gek nɨŋlɨg gɨ, Kansol kɨb nɨbak kɨrɨg gɨl amnɨlak.

Pol Rom bin bɨ kɨrop mɨj ñu kɨl tɨkak 5:11

Pen nɨbak nep mer. Cɨn God eip jɨm ñɨl mɨdobɨn rek, Bɨ Kɨb cɨn Jisas Krais ne nep gek, God eip jɨm ñɨl mɨdobɨn, agɨl, yɨb kɨrop apɨl mal dap ranlɨg gɨ, tep gek nɨŋlɨg gɨ mɨdobɨn.

2 Korid 6:10

mɨker kɨb gɨp ak pen mɨñ mɨñ gɨlɨg gɨ mɨdobɨn; bɨ yɨm gep rek mɨdobɨn ak pen wög cɨn gɨpɨn ar ak bin bɨ koŋai nep bin bɨ gep rek mɨdebal; tap ma mɨdeb rek mɨdobɨn ak pen magɨlsek dɨpɨn.

Galesia 5:22

Pen bin bɨ God Kaun kɨrop gos ñek nɨŋlɨg gɨ gel ameb okok, bin bɨ okok mɨdmagɨl lɨl, mɨñ mɨñ gɨl, cɨbur sain sain mɨdɨl, bin bɨ ognap okok yɨmɨg nɨŋɨl, gɨ tep gɨl, mɨnɨm kɨri ke agnɨgal ak ar nɨbak rek nep gɨl,

1 Tesalonaika 1:6

Bɨ Kɨb golɨgɨp ak nɨŋɨl, cɨn ke golɨgɨpɨn ak nɨŋɨl, nɨbi nɨb aknɨb rek nep gɨ mɨdölɨgɨpɨm. Nɨbi koslam yɨb mɨdölɨgɨpɨm pen Kaun Sɨŋ ne gek, nɨbi Krais mɨnɨm tep ak nɨŋɨl, mɨñ mɨñ gɨlɨg gɨ nɨŋ dɨ mɨdölɨgɨpɨm.

Jemis 1:2

Ai mam sɨkop. Mɨker tari tari onɨgab, gos par ma nɨŋnɨmɨb; mɨñ mɨñ gɨlɨg gɨ nep mɨdenɨmɨb.

Jud mɨj ñu kɨl tɨkak 1:24

Mɨñi nɨbep God ñɨnmagɨl ar ak lebin. Ne nɨbep kod mɨdek nɨŋlɨg gɨ, ma ap yap paknɨgabɨm. Kɨsen nɨbep dɨl, ne ke melɨk tep ke sek mɨdeb sɨŋak lek, bin bɨ asɨŋ ma mɨdeb ne mɨdɨl, mɨñ mɨñ yɨb gɨnɨgabɨm.

Repelesin 11:10

Bɨ God mɨnɨm agep nɨb omal, bin bɨ lɨm dai ar wagɨn aul mɨdebal kɨrop mɨker kɨb ñɨ mɨdölɨgɨpir rek, pen paj agɨl, tap kɨb ñɨblɨg gɨ, tap tep pen ñek pen ñek gɨnɨgal.

Repelesin 18:7

Tap koŋai nep dɨnɨm, agɨl, yɨb ne ke dap ranɨb rek ak, nop pen yur mab aknɨb ke yɨb ñek, yɨmɨg yɨb gɨnɨmɨŋ. Gos ne ke nɨŋɨl agɨp, ‘Yad bin kwin sɨŋaul bɨsɨg mɨdebin. Yad bin kaŋɨl ma mɨdebin; mɨker ognap yɨp dɨnɨmɨŋ rek ma lɨp,’ agɨp.