Hiybriw 4:7 - Kalam Minimib

⁷ Nɨb ak, bin bɨ mɨnɨm ne nɨŋɨl kɨrɨg gɨlak okok kɨmel, mɨ koŋai nep yɨnek, based acɨk Depid God Mɨnɨm ñu kɨl tɨkɨl, mɨnɨm won mɨñi nep agesin ak agɨl agak, “Ñɨn aul God mɨnɨm peyɨg nɨŋenɨmɨb ak, mɨnɨm ne ak nɨŋ dɨnɨmɨb. God mɨnɨm ne nɨŋenɨmɨb ak, yɨrɨk gɨp agɨl ma yo nɨŋnɨmɨb,” agak. Pen God kauyaŋ, “Ñɨn aul” agak ak me, cɨn nɨpɨn, ñɨn ne bin bɨ dɨnɨgab ñɨn ak ma owɨp; mɨdep nep mɨdeb.

Kalam

⁷ Kun ak biynimb minim nup niŋiy kirgiyak gok kumey, simiy kuŋaynep yinek, basind yes Depiyt Baybol buk minim aŋgambun ak tikiy aŋgak: “Ñin biy, Gor minim ak niŋyiŋg, yiruk ma niŋnimimb; aŋgnimuŋ rek nep niŋiy, ginimimb aŋgak.” Pen tip ak, “Ñin biy” aŋgak kun ak niŋbun: ñin nuk biynimb diniŋgamb ñin ak, mindep nep mindip.

Hiybriw 4:7 Iomraidhean Croise

Matyiw 22:43

Agelak, Jisas agak, “God Kaun ak Depid nop gos ñek nɨŋlɨg gɨ, Depid ne Mesaia ak nop ‘Bɨ Kɨb yad’ agak. Depid agak,

Jisas Krais Mɨnɨm Tep ak Mak ñu kɨl tɨkak 12:36

Kaun Sɨŋ ak, Depid nop gos ñek, Depid ne ke ñu kɨl tɨkɨl agak, ‘Bɨ Kɨb ne Bɨ Kɨb yad ak nop agak, “Nak ñɨnmagɨl yɨpɨd ken kɨd yad bɨsɨg mɨdenɨmɨn me, yad bin bɨ kaual maual nak okok kɨrop tob mok nep okok lɨnɨgain,” agak,’ agak.

Jisas Krais Mɨnɨm Tep ak Luk ñu kɨl tɨkak 20:42

Depid ne ke God Mɨnɨm dai Sam alap ñu kɨl tɨkɨl agak, ‘Bɨ Kɨb ne Bɨ Kɨb yad nop agak, “Nak ñɨnmagɨl yɨpɨd ken kɨd yad bɨsɨg mɨdenɨmɨn;

Aposɨl 2:29

Pita Depid agak mɨnɨm nɨbak ag juɨl agak, “Ai mam sɨkop, yad nɨbep mɨnɨm yɨpɨd gɨl agen, nɨŋ tep gɨnɨgabɨm. Based acɨk Depid kɨmek tɨgel gɨlak kau mɨgan ak mɨdeb; kau mɨgan nɨbak mɨñi cɨn ak rek nep nɨpɨn.

Aposɨl 2:31

Depid tap kɨsen gɨnɨgab ak nɨŋɨl, Mesaia ak ne kɨmɨl warɨknɨgab, agɨl, agak, ‘Nop cɨp tɨgel mɨgan ma kɨrɨg gak. Mɨb goŋ ne ki gɨ yap pak ma amnak,’ agak.

Aposɨl 28:25

Pol bin bɨ ma nɨŋ dɨlak okok kɨrop agak, “Bɨrarɨk nep Kaun Sɨŋ ne Aisaia nop goŋ lek, apɨs based kɨri okok kɨrop mɨnɨm nɨŋɨd yɨb agak.

Hiybriw 3:15

God Mɨnɨm dai agesin ak ageb, “Ñɨn aul God mɨnɨm peyɨg nɨŋenɨmɨb ak, mɨnɨm ne ak nɨŋ dɨnɨmɨb. Napɨs nased sɨkop bɨrarɨk nep, God ne cɨnop tari gɨnɨgab, agɨl, mɨnɨm yad ak ma nɨŋɨl, gos kɨri ke nep nɨŋɨl gel amolɨgɨp. Napɨs nased sɨkop gɨlak rek ak, nɨbi God mɨnɨm ma ag junɨmɨb,” agak.