Hiybriw 3:15 - Kalam Minimib

¹⁵ God Mɨnɨm dai agesin ak ageb, “Ñɨn aul God mɨnɨm peyɨg nɨŋenɨmɨb ak, mɨnɨm ne ak nɨŋ dɨnɨmɨb. Napɨs nased sɨkop bɨrarɨk nep, God ne cɨnop tari gɨnɨgab, agɨl, mɨnɨm yad ak ma nɨŋɨl, gos kɨri ke nep nɨŋɨl gel amolɨgɨp. Napɨs nased sɨkop gɨlak rek ak, nɨbi God mɨnɨm ma ag junɨmɨb,” agak.

Kalam

¹⁵ Baybol buk ak tikiy aŋgyak: “Miñiy Gor minim nup ak niŋiy, yiruk ma niŋnimimb. Wosrey minim nup niŋiy diyokpik rek, ma ginimimb aŋgyak.”

Hiybriw 3:15 Iomraidhean Croise

Hiybriw 10:29

Nɨb ak, bin bɨ God Ñɨ ne ak nep aleb aleb ñenɨgal ak, God bin bɨ mɨnɨm kɨb agnɨgab ñɨn ak kɨrop mɨnɨm kɨb agɨl, kɨrop pen yur tɨmel ñɨnɨgab. God Ñɨ ne nop aleb aleb ñenɨgal nɨbak, Krais lakañ ne ke cɨnop God eip dɨ jɨm ñɨl lɨnɨm agɨl yokak ak, kɨrop tap yokop rek lek, nɨg gɨnɨgal. Pen God Kaun kɨrop yɨmɨg nɨŋɨp ak, nop ak rek nep aleb aleb ñɨnɨgal.

Hiybriw 10:38

Pen bin bɨ komɨŋ tep yad okok, yɨp nɨŋ dɨl komɨŋ mɨdenɨgal. Pen bin bɨ ognap yɨp kɨrɨg genɨgal ak, yɨp tep ma gɨnɨgab,” aglak.

Hiybriw 4:7

Nɨb ak, bin bɨ mɨnɨm ne nɨŋɨl kɨrɨg gɨlak okok kɨmel, mɨ koŋai nep yɨnek, based acɨk Depid God Mɨnɨm ñu kɨl tɨkɨl, mɨnɨm won mɨñi nep agesin ak agɨl agak, “Ñɨn aul God mɨnɨm peyɨg nɨŋenɨmɨb ak, mɨnɨm ne ak nɨŋ dɨnɨmɨb. God mɨnɨm ne nɨŋenɨmɨb ak, yɨrɨk gɨp agɨl ma yo nɨŋnɨmɨb,” agak. Pen God kauyaŋ, “Ñɨn aul” agak ak me, cɨn nɨpɨn, ñɨn ne bin bɨ dɨnɨgab ñɨn ak ma owɨp; mɨdep nep mɨdeb.