Hiybriw 11:12 - Kalam Minimib

¹² Ebraham bɨ bɨr kɨmeb rek mɨdek ak pen ñɨ ne nɨbak tɨkek, tɨk dam dapɨl gel, cɨn bin bɨ koŋai yɨb nep, gap seb kab alaŋ sɨŋak koŋai yɨb nep mɨdeb rek, kab kɨlɨp airan ñɨg gol sɨŋak koŋai yɨb nep mɨdeb rek, wök pag ma nɨpal rek ak, mɨdobɨn.

Kalam

¹² Ñapan nuk kun ak tikek, tik dand amiy apiy giy; gap, kamb kilup, tap okok kuŋay yimb mindek, ma ñin paŋgniŋbay rek ak tikyak.

Hiybriw 11:12 Iomraidhean Croise

Pol Rom bin bɨ kɨrop mɨj ñu kɨl tɨkak 9:27

Pen God Mɨnɨm dai alap, bɨ God mɨnɨm agep Aisaia mɨnɨm bleble gɨl ageb, “Isrel kai kab kɨlɨp ñɨg gol okok mɨdeb rek koŋai nep mɨdenɨgal ak pen Bɨ Kɨb ne yokop sɨkol bad alap nep dɨ komɨŋ yoknɨgab.

Repelesin 20:8

amɨl bin bɨ karɨp lɨm ar wagɨn aul ke ke okok magɨlsek mɨdebal okok kɨrop mɨnɨm esek agnɨgab. Bin bɨ nɨb okok me, Gog eip Megog eip. Seten kɨrop magɨlsek lɨp gɨ dapek, kɨri pen pen gɨnɨg onɨgal. Bin bɨ pen pen gɨnɨgal nɨb okok, kab kɨlɨp ñɨg solwara gol okok koŋai nep mɨdeb rek nep mɨdebal.