Hiybriw 10:18 - Kalam Minimib

¹⁸ Nɨb ak cɨn nɨpɨn, God ne bin bɨ magɨlsek tap si tap tɨmel gɨpal gac ak nɨŋɨl bɨr kɨrɨg gɨp rek, God nop tap sobok gep bɨ okok wög alap ma mɨdeb yɨb.

Kalam

¹⁸ Niŋiy pisnep kirginiŋgamb kun ak, nuk yip jimñiy mindiy mey; tap pik dand apiy simboŋgñiyiŋgipay rek, tip ak ma giniŋgambun.

Hiybriw 10:18 Iomraidhean Croise

Hiybriw 10:14

Krais ne mɨnek nokɨm alap nep kɨmak ak me, bin bɨ tap si tap tɨmel gac kɨri lɨg gɨ yokɨp okok, kɨri bin bɨ sɨŋ ne bɨr mɨdebal. Pen kɨri bin bɨ sɨŋ ne per nep mɨdenɨgal.

Hiybriw 10:17

Pen mɨnɨm alap agak, “Tap si tap tɨmel gɨpal ak nɨŋɨl kɨrɨg gɨl, kɨsen gos nɨŋlɨg gɨ ma mɨdenɨgain,” agak.

Hiybriw 10:19

Ai mam sɨkop. Jisas mɨb goŋ ne ke lakañ ne ke nep sobok gɨ ñɨl yur dɨl kɨmak ak me, walɨj kɨb Karɨp Ñɨlɨk Mɨgan Sɨŋ Ke Yɨb pɨlɨŋ gɨlak ak pɨg gɨ rɨk gek, kɨjoŋ kɨsen nɨb kɨjoŋ komɨŋ ameb alap cɨnop pɨs nep yɨkak.

Hiybriw 10:2

Sipsip tap okok pak God nop sobok gɨ ñel, God tap si tap tɨmel gac kɨri ak pɨs nep lɨg gɨ yokpkop ak, gos par nɨŋɨl, kauyaŋ gɨn kauyaŋ gɨn, agɨl, ma gɨplap; mɨnek nokɨm alap nep gɨl kɨrɨg gɨplap.