Hiybriw 1:13 - Kalam Minimib

¹³ God Mɨnɨm dai alap God mɨnɨm agɨl agak, “Nak ñɨnmagɨl yɨpɨd pɨs yad sɨŋaul bɨsɨg mɨdek, tap tari tari nep kaual maual rek mɨdeb okok magɨlsek, talak mɨgan nak okok lɨnɨgain,” agak. Pen mɨnɨm nɨbak God ne ejol alap ma agak.

Kalam

¹³ Pen Ñinuk nup minim bap sek aŋgak: “Nand ñin yipund kind yand akniy bisiŋg mindey, tap yerip yerip nip miluk niŋbay gok maŋgiysek, talak miŋgan nip okok ayniŋgayn aŋgak.” Pen enjol gok kuyip, Ñinuk nup aŋgak kun ak rek, ma yimb aŋgak.

Hiybriw 1:13 Iomraidhean Croise

Matyiw 22:44

‘Bɨ Kɨb mɨnɨm agɨl, Bɨ Kɨb yad ak nop agɨp, “Nak ñɨnmagɨl yɨpɨd ken kɨd yad bɨsɨg mɨdenɨmɨn me, yad gen, kaual maual nak okok kɨrop tau lɨlɨg gɨ yoknɨgan,” agɨp,’ agak.

Jisas Krais Mɨnɨm Tep ak Mak ñu kɨl tɨkak 12:36

Kaun Sɨŋ ak, Depid nop gos ñek, Depid ne ke ñu kɨl tɨkɨl agak, ‘Bɨ Kɨb ne Bɨ Kɨb yad ak nop agak, “Nak ñɨnmagɨl yɨpɨd ken kɨd yad bɨsɨg mɨdenɨmɨn me, yad bin bɨ kaual maual nak okok kɨrop tob mok nep okok lɨnɨgain,” agak,’ agak.

Jisas Krais Mɨnɨm Tep ak Luk ñu kɨl tɨkak 19:27

Pen bin bɨ yɨp nɨŋɨl mɨlɨk nɨŋɨl, bɨ nɨbak ne kiŋ cɨn ma mɨdenɨgab, aglak bin bɨ okok, kɨrop am dapɨl, udɨn yɨrɨk ar yad sɨŋaul ñag pak lɨm,’ agnɨgab,” agak.

Jisas Krais Mɨnɨm Tep ak Luk ñu kɨl tɨkak 20:42

Depid ne ke God Mɨnɨm dai Sam alap ñu kɨl tɨkɨl agak, ‘Bɨ Kɨb ne Bɨ Kɨb yad nop agak, “Nak ñɨnmagɨl yɨpɨd ken kɨd yad bɨsɨg mɨdenɨmɨn;

Aposɨl 7:55

Pen Kaun Sɨŋ ne Stipen ap ran jakɨl mɨdek nɨŋlɨg gɨ, ne kɨlan gɨ nɨŋɨl seb kab ar alaŋ sɨŋak nɨŋak, God melɨk tep aknɨb ke yɨb ne mɨdek nɨŋɨl Jisas ne God ñɨnmagɨl yɨpɨd pɨs ken ar ne warɨk mɨdek.

Hiybriw 1:3

Nap melɨk kɨb sek mɨdeb rek ak, Ñɨ ak rek nep melɨk kɨb sek mɨdeb. Nap bɨ ti gep bɨ rek mɨdeb ak, Ñɨ ne aknɨb rek nep mɨdeb. Ñɨ mɨnɨm kɨlɨs yɨb ne agek, karɨp lɨm tap okok magɨlsek mɨdep nep mɨdeb. Ñɨ ne apɨl, cɨnop bin bɨ magɨlsek nen agɨl kɨmɨl, bin bɨ magɨlsek okok tap si tap tɨmel gɨpal okok magɨlsek lɨg gɨ ke okok yokɨl, kauyaŋ warɨk ap ran Nap kɨlɨs ke sek mɨdeb ak ñɨnmagɨl yɨpɨd pɨs ken ar ne eip bɨsɨg gɨl mɨdebir.

Repelesin 20:15

Pen bin bɨ per per komɨŋ mɨdenɨgal okok yɨb kɨri ñu kɨl tɨklak mɨj nɨbak, bin bɨ an an yɨb kɨri mɨj nɨbak ma mɨdek, God agek, kɨrop magɨlsek ak rek nep dam mab mɨlaŋ yɨneb cöb eyaŋ dɨ yoklak.