Epesas 4:19 - Kalam Minimib

¹⁹ Tap si tap tɨmel tari tari gɨpal okok kɨrop nabɨŋ ma gɨp. Nɨb ak, kɨri tap si tap tɨmel abramek gɨ dam dam, mɨñi tap si tap tɨmel kɨsen nɨb ognap gɨn, agɨl, tapɨn nep abramek gel ameb.

Kalam

¹⁹ Tap siy tap timey gun aŋgiy, nambiŋ ma diy, tapin monmon gey amjap.

Epesas 4:19 Iomraidhean Croise

Jisas Krais Mɨnɨm Tep ak Mak ñu kɨl tɨkak 7:22

tap okok cɨn rek laŋ, agɨl, bin bɨ ognap gos tɨmel nɨŋɨl, mɨnɨm esek agɨl, mɨnɨm tɨmel agɨl, tap okok cɨn rek ma lɨp, agek, mɨlɨk yapek, bin bɨ ag juɨl, yɨb kɨri ke dap ranɨl, abramek gɨl, tɨmel gep gos nokɨm nɨŋɨl gɨpal.

Epesas 4:17

Nɨb ak, yad Bɨ Kɨb mɨnɨm ne ak dɨl nɨbep mɨnɨm kɨlɨs agɨl agebin: bin bɨ God ma nɨŋ dɨpal okok gɨpal rek nag ar ak rek ma gɨnɨmɨb. Bin bɨ nɨb okok gos kɨri ma mɨdeb.

Kolosi 3:5

Nɨb ak, tap tari mɨb goŋ gos gɨp ak ñag pak lɨnɨmɨb. Bin si bɨ si gɨl, gos tɨmel nɨŋɨl, abramek gɨl, tap si tap tɨmel nep gɨn agɨl, agon kɨlnok kɨbap gol mani tap okok koŋai nep dɨn agɨl gem ma amnɨmɨŋ. Agon kɨlnok kɨbap gol mani tap okok koŋai nep dɨn ag gos nɨpal bin bɨ okok, kɨri bin bɨ tap esek sobok gɨpal rek nep mɨdebal.

1 Timoti 4:2

Bin bɨ kɨjeki mɨnɨm esek ag ñɨbal okok, kɨri nag ar ak tep, nag ar ak tɨmel, agɨl gos ma nɨpal. Gos tɨmɨd won kɨri ak, ak tep, ak tɨmel, apkop, pen gos tɨmɨd won kɨri ak ain mɨlaŋ rek dagɨl yɨnek pɨs nep kɨr gɨp. Kɨri mɨnɨm esek nep ag ñɨbal.

1 Pita 4:3

Nɨbi ned bin bɨ God Mɨnɨm ma nɨŋ dɨpal okok rek gɨ mɨdelɨgɨpɨm. Gos tɨmel nɨŋɨl, bin si bɨ si gɨl, ñɨg kɨlɨs ñɨb saköl lɨl, tap koŋai yɨb ñɨbɨl, abramek gɨl, tap tom God ma sobok gɨnɨmɨb ageb tap okok sobok gɨlɨg gɨ mɨdelɨgɨpɨm.

2 Pita 2:22

Bɨ God Mɨnɨm kɨrɨg gɨpal okok, kɨri mɨnɨm ar omal bɨrarɨk nep agelɨgɨpal ak rek gɨpal. Mɨnɨm omal nɨbak alap aglak, “Kain okok wökɨl, adɨk gɨ apɨl, tap wök lɨpal sɨŋak kauyaŋ opal,” aglak. Mɨnɨm alap pen aglak, “Kaj okok ñɨg pakɨl, dai uleb kolkol gɨnɨgal,” aglak.

Jud mɨj ñu kɨl tɨkak 1:11

Bɨ nɨb okok kɨrop yɨmɨg nɨpin. Adam ñɨ ne Ken gɨ tɨmel gak rek gɨpal. Mɨmɨg mani tap okok nep gos nɨŋɨl, bɨ nak Belam bɨrarɨk nep gak rek nep gɨpal. Nɨb ak, kɨri bɨ nak Kora, God Mɨnɨm tɨb juɨl kɨmak rek kɨmnɨg gebal.

Repelesin 18:3

Tari gɨnɨg: bin bɨ Babilon okok kɨri bin si bɨ si gɨl, gɨ tɨmel aknɨb ke gel gel, bin bɨ karɨp lɨm ke ke okok magɨlsek nɨŋɨl, nɨb aknɨb rek nep gɨpal. Babilon ne ñɨg wain kɨlɨs ne ke ñɨbɨl, bin bɨ karɨp lɨm ke ognap okok kɨrop ñek ñɨbel, ne gɨp rek, kɨri ak rek nep saköl ñagɨl gɨ tɨmel nep gɨpal. Kiŋ lɨm dai ar wagɨn aul okok, ne eip gɨ ajɨl, gɨ tɨmel nep gɨpal. Pen ne tap tep tep okok dɨnɨm agɨl per gos nɨŋɨp rek, bɨ lɨm dai ar wagɨn aul tap sɨkim gɨpal okok mani kɨb dɨpal,” agak.