Aposɨl 27:23 - Kalam Minimib

²³ Yad God nop wög gɨ ñeb bɨ ne mɨdebin ak me, mɨñi kɨslɨm eyaŋ God ejol ne alap ag yokek, apɨl yad mɨdesin ulep sɨŋak apɨl yɨp agɨp,

Kalam

^23-24 “Yand Gor binuk ak, nup aŋgniŋyiŋg nep mindpiyn ak mey, miñiy kinambiyn, enjol bap yokek ap yand mindambiyn maŋ siŋak apiy, aŋgip, ‘Pol ma piriknimin! Gor nip kond mindeniŋgamb ma kumniŋgamban. Mindiy, biyomb Siysa mindip ak amiy, kor niŋniŋgamban. Biynimb siyip miŋgan guniy kuyip kunep kond mindek ma kumniŋgambay aŋgip.’

Aposɨl 27:23 Iomraidhean Croise

Jisas Krais Mɨnɨm Tep ak Jon ñu kɨl tɨkak 12:26

Pen bin bɨ an yɨp wög gɨnɨg gɨnɨgain, agnɨgab ak, ne yɨp sain gɨnɨmɨŋ; yad akal mɨdenɨgain ak, bin bɨ wög gɨ ñeb yad eip mɨdenɨgab. Bin bɨ an wög yɨp gɨ ñɨnɨgab, Bapi yad bin bɨ nɨbak yɨb nop ak dap rannɨgab.

Aposɨl 12:23

Pen Herod mɨnɨm nɨbak nɨŋɨl, “Yɨp mɨnɨm nɨbak rek ma agnɨmɨb; God yɨb ne nep agem ar amnaŋ,” ma agak. Nɨb ak, Bɨ Kɨb ejol ne alap ag yokek, apɨl Herod nop gek, mɨñak kɨb gɨl, kɨsoi lek pɨs nep kɨmak.

Aposɨl 16:17

Cɨn amonok nɨŋlɨg gɨ, pai nɨbak cɨnop kɨsen gɨlɨg gɨ agak, “Bɨ sɨŋ aul, God ar i oklaŋ mɨdeb ak nop wög gɨpal. God titi gɨl nɨbep dɨ komɨŋ yoknɨgab, mɨnɨm ar nɨbak nep nɨbep ag ñebal,” agak.

Aposɨl 18:9

Ñɨn alap kɨslɨm eyaŋ Pol nɨgrɨkep nɨŋak, Bɨ Kɨb nop agak, “Nak ma pɨrɨknɨmɨn. Nak gos sek mɨdɨl, kɨlɨs gɨl, mɨnɨm tep yad ak bin bɨ okok kɨrop abramek ag ñek amnaŋ.

Aposɨl 23:11

Pen ñɨn nɨbak kɨslɨm nab eyaŋ Bɨ Kɨb apɨl Pol mɨdek ulep sɨŋak warɨk mɨdɨl agak, “Gos sek mɨdenɨmɨn. Mɨnɨm tep yad ak Jerusalem aul apan rek, taun kɨb Rom amɨl, ak rek nep agnɨgan,” agak.

Aposɨl 5:19

Mɨñ lɨlak ak, pen ñɨn nɨbak nep kɨslɨm eyaŋ, Bɨ Kɨb agek, ejol alap apɨl, kɨjoŋ ak yɨkɨl, kɨrop poŋ dad söŋ amnɨlak.

Aposɨl 8:26

Pen Bɨ Kɨb ejol alap apɨl Pilip nop agak, “Jerusalem nɨb taun kɨb Gasa ambal kanɨb par ak amnoŋ,” agak.

Pol Rom bin bɨ kɨrop mɨj ñu kɨl tɨkak 1:1

Yad Pol. Krais Jisas wög gɨ ñeb bɨ ne mɨdebin. God yɨp ag lek, Krais Jisas mɨnɨm tep dad ameb bɨ alap mɨdebin. God ne yɨp dek, God mɨnɨm tep ak dad ajpin.

Pol Rom bin bɨ kɨrop mɨj ñu kɨl tɨkak 1:9

Yad God Ñɨ ne mɨnɨm tep ak, gos ar nokɨm ak nep nɨŋɨl kɨlɨs gɨl, ag ñɨ ajɨl, God nop wög gebin. God ne nɨŋɨp, yad nop sobok gɨl, per nep yɨb nɨbep agebin. God ne kanɨb yɨkek, nɨbi mɨdebɨm sɨŋak am nɨŋnɨgain, agɨl, nop sobok gebin.

Pol Rom bin bɨ kɨrop mɨj ñu kɨl tɨkak 6:22

Pen mɨñi God ne gek, nɨbi tap si tap tɨmel mok okok mɨdɨl, aŋ dɨl, God mɨñ wög gep bin bɨ rek mɨdɨl, God nɨŋek tep gɨnɨgab ar ak nep gɨl, komɨŋ per mɨdep magɨl ak dɨnɨgabɨm.

1 Korid 6:20

Krais ne tap tep yɨb yokɨl nɨbep tau adɨk dak. Nɨb ak me, mɨb goŋ nɨbi okok gɨ tep gɨlɨg gɨ mɨdem nɨŋlɨg gɨ, God nɨŋek nop tep gɨnɨmɨŋ; bin bɨ okok nɨŋɨl God nop tep agnɨmel.

2 Timoti 1:3

Apɨs based sɨkop God nop wög gɨ ñɨ mɨdelɨgɨpal rek ak, yad ak rek nep gos omal ma nɨŋɨl God nop nep gos nɨŋɨl, wög ne gɨ ñɨbin. Yad pɨb nab kɨslɨm eyaŋ God nop sobok gɨpin ak, yad per nep yɨb nep aglɨg gɨ, God nop tep agebin.

2 Timoti 2:24

Bin bɨ Bɨ Kɨb nop wög genɨgal okok, pen pen ma agɨl, kapkap mɨdɨl, bin bɨ dɨ tep gɨl, ag ñɨ tep gɨnɨgal. Kɨrop gɨ tɨmel genɨmel, pen gɨ tɨmel ma gɨnɨmel.

2 Timoti 4:17

Yɨp mɨnɨm kɨb aglak nɨbak, Bɨ Kɨb yɨp kod mɨdek nɨŋlɨg gɨ, mɨnɨm tep ne ak, bin bɨ okok nɨb koŋai nep apɨl mɨdelak okok kɨrop abramek agenek nɨŋlak. Bɨ Kɨb gek, kaj layon yɨp su ñɨŋnɨmɨŋ rek ma lak.

Taitas 1:1

Yad Pol. God yɨp ag lek wög gɨ ñeb bɨ ne alap mɨdɨl, Jisas Krais mɨnɨm tep ne dad ajep bɨ ne alap mɨdebin. God yɨp ag lak ak, bin bɨ ne dɨnɨg geb okok kɨrop God Mɨnɨm ak ag ñen kɨri mɨnɨm nɨbak nɨŋ dɨ wös gɨl, mɨnɨm nɨŋɨd yɨpɨl ak nɨŋ tep gɨl, ageb rek nep gɨnɨmel, agɨl, God yɨp wög nɨbak ag lak.

Taitas 2:14

Jisas cɨnop nen agɨl kɨmak ak, “Tap si tap tɨmel gɨpal okok magɨlsek pen ñen, kɨri bin bɨ asɨŋ ma mɨdeb yad ke mɨdɨl, gɨ tep nep gɨn agɨl gos nɨŋ mɨdenɨmel,” agɨl, cɨnop nen agɨl kɨmak.

Hiybriw 1:14

Nɨb ak, ejol okok tari rek mɨdebal? God kɨrop ag yokek, nop wög gɨ ñɨlɨg gɨ, bin bɨ Krais dɨ komɨŋ yokek seb kab ar alaŋ sɨŋak God eip per nep komɨŋ mɨdenɨgal bin bɨ okok kɨrop gɨ ñɨbal.

Repelesin 22:16

“Yad Jisas, ejol yad ak ag yoken, amɨl nɨbep bin bɨ yad cöc karɨp lɨm ke ke okok mɨdebɨm okok, nɨbep mɨnɨm yad nɨbaul ag ñɨb. Yad me, Depid tɨkek, tɨkel tɨk dam dapɨl gel, Bɨ Kɨb mɨdenɨgab aglak ak nep, yad mɨdebin. Yad me, gap poglɨn kɨb karɨp tɨknɨg gek nɨŋlɨg gɨ ap raneb, apal ak yad nep mɨdebin,” agak.