Aposɨl 13:24 - Kalam Minimib

²⁴ Pen Jisas wagɨn gɨl wög ma gak won ak, Jon ne apɨl, Isrel bin bɨ kɨrop agak, ‘Tap si tap tɨmel gɨpɨm ak, tari gɨnɨg nɨg gɨpɨn, agɨl, kɨrɨg gem, nɨbep ñɨg pak ñɨnɨgain,’ agak.

Kalam

²⁴ “Pen Jiysis Krays tikjak woŋg ma gak ñin ak, Jon bi ñiŋg pikñemb ak ap Yisrel biynimb kuyip aŋgak, ‘Gor nup yenen timey gipun aŋgiy, tap siy tap timey gipim ak kirgem, nimbip ñiŋg pikñiniŋgayn aŋgak.’

Aposɨl 13:24 Iomraidhean Croise

Jisas Krais Mɨnɨm Tep ak Mak ñu kɨl tɨkak 1:1

Jisas Krais, God Ñɨ ne mɨnɨm tep ak agnɨg gebin.

Jisas Krais Mɨnɨm Tep ak Luk ñu kɨl tɨkak 1:76

Pen ñɨ yad, nak God Bɨ Kɨb nop wög gek, bin bɨ okok kɨri nɨŋɨl agnɨgal, ‘God Bɨ Kɨb yɨb ar i oklaŋ mɨdeb ak, bɨ mɨnɨm ne agep me ak,’ agnɨgal. Tari gɨnɨg: nak ned amɨl, bin bɨ okok kɨrop ag ñɨ tep gek, kɨri nɨŋɨl Bɨ Kɨb ak nop kod mɨdel nɨŋlɨg gɨ, ne onɨgab.

Aposɨl 1:22

Bɨ cɨn eip per tagɨl, Jon Jisas nop ñɨg pak ñak ak nɨŋɨl, mɨd damɨl, Jisas kɨmɨl warɨkɨl seb kab ar alaŋ amnak nɨŋak bɨ alap nɨŋɨl dɨnɨgabɨn. Bɨ nɨbak rek don me, Bɨ Kɨb Jisas kɨmɨl warɨkak mɨnɨm ak ag ñɨ tep gɨnɨgab,” agak.

Aposɨl 10:37

Nɨbi ke nɨpɨm, Jon bɨ ñɨg pak ñeb ak, ñɨg pak ñɨlɨg gɨ, mɨnɨm tep nɨbak wagɨn gɨl, karɨp lɨm Galili ag ñak. Nɨg gɨl agek, ag damlɨg, ag damlɨg, bin bɨ karɨp lɨm Isrel mɨdebal okok magɨlsek nɨŋlak.