2 Timoti 4:14 - Kalam Minimib

¹⁴ Bɨ kapa wög gɨp Aleksada yɨp gɨ tɨmel yɨb gak. Yɨp gak nɨbak, God nop pen ak rek nep gɨnɨgab.

Kalam

¹⁴ Bi kapa woŋg gip Aleksanda yip minim yesek yimb aŋgiy kor gip. Yip gip kun ak, Gor nup pen kunep giniŋgamb.

2 Timoti 4:14 Iomraidhean Croise

Pol Rom bin bɨ kɨrop mɨj ñu kɨl tɨkak 12:19

Pen bin bɨ tep yad okok. Bin bɨ ognap nɨbep gɨ tɨmel genɨmel ak, kɨrop pen gɨ tɨmel gɨn, agɨl, gos ak ma nɨŋnɨmɨb. Ak God tap ne, agɨl nɨŋnɨmɨb. Yad kɨrop pen abe gɨ tɨmel gin, agɨl, God ne ke gos nɨŋɨp rek gɨnɨgab. Mosɨs ne God mɨnɨm agak ak dɨl, God Mɨnɨm dai alap ñu kɨl tɨkɨl agak, “God ageb, ‘Nɨbep gɨ tɨmel genɨmel ak, yad kɨrop pen abe gɨ tɨmel gɨnɨgain; ak gos yad,’ ageb,” agak.

Pol Rom bin bɨ kɨrop mɨj ñu kɨl tɨkak 2:6

“Bin bɨ nokɨm nokɨm gɨpal gɨpal rek nɨŋɨl, God kɨrop ak rek nep nokɨm nokɨm pen ñɨnɨgab.”

2 Tesalonaika 1:6

God ne mɨnɨm tɨg bɨlok tep gɨp rek, bin bɨ nɨbep mɨker ñɨbal okok kɨrop pen ak rek nep mɨker ñɨnɨgab.

1 Timoti 1:20

Bɨ nak Aimenias eip Aleksada eip nɨg gɨrek agnek, “Nɨg gɨpir ak, cɨn eip jɨm ñɨl God nop sobok ma gɨn. Kɨrop bɨ omal kɨrɨg gon, Seten pɨs ak mɨdɨl, mɨker yɨb gek, God nop ag jupir ak kɨrɨg gɨnɨmir rek lɨp,” agnek.

2 Timoti 4:15

Krais Jisas mɨnɨm tep ag ñɨbɨn ak, Aleksada ne gɨ tɨmel yɨb gak ak me, yɨp gɨ tɨmel gak rek, nep ak rek nep gɨnɨmɨŋ rek lɨp ak, nɨŋ tep gɨnɨmɨn.

1 Jon 5:16

Pen ai mam alap, tap si tap tɨmel mab ke eyaŋ ma ameb rek ak genɨgab ak, nɨbi God nop sobok gem, God ne ai mam nɨbak komɨŋ mɨdep magɨl ak kauyaŋ ñɨnɨgab. Pen ai mam alap, tap si tap tɨmel mab ke eyaŋ ameb rek ak genɨgab ak, nɨbi God nop sobok gɨnɨmɨb, agɨl, ma agebin.

Repelesin 18:20

“Pen God ne gek Babilon pɨs nep pag jɨsɨpɨk masɨpɨk gɨ yap mɨdeb ak, nɨbi seb kab ar alaŋ mɨdebɨm okok paj agɨl wobi yal yal agɨl mɨñ mɨñ gɨnɨmɨb! God gek, bɨ si dep bin nɨbak pɨs nep ap yap pakɨp ak, nɨbi Krais bin bɨ ne mɨdebɨm okok abe, Krais mɨnɨm tep ne dad ameb bɨ okok abe, God mɨnɨm agep bɨ okok abe, nɨbi wobi yal yal agɨl mɨñ mɨñ gɨnɨmɨb! Ne nɨbep gɨ tɨmel gɨp ak nɨŋɨl, God ne nop mɨnɨm kɨb agɨl, nop pen yur kɨb yɨb ñɨb me ak,” agak.

Repelesin 18:6

Babilon ne bin bɨ ognap kɨrop gɨ tɨmel gɨp rek ak, nak pen nop ak rek nep gɨ tɨmel gɨnɨmɨn. Pen Babilon ne bin bɨ ognap kɨrop gɨ tɨmel gɨp rek nep mer; nop pen gɨ tɨmel ke yɨb gɨnɨmɨn. Babilon ne bin bɨ ognap kɨrop ñɨg sɨlek ñɨb rek mer; nop pen ñɨg sɨlek ke yɨb kap ne soŋ gɨl nop ñek ñɨŋnɨmɨŋ.

Repelesin 6:10

Kɨri sɨk kɨb agɨl aglak, “God Bɨ Kɨb kɨlɨs yɨb, nak Bɨ Sɨŋ. Nak nɨŋɨd yɨb ar ak nep gɨpan! Pen ñɨn titi rek mɨdɨl, bin bɨ karɨp lɨm wagɨn eyaŋ, cɨnop ñag pak lɨlak okok kɨrop mɨnɨm kɨb agɨl, yur ñɨnɨgan?” aglak.