1 Jon 1:7 - Kalam Minimib

⁷ Pen God melɨk tep per per mɨdeb rek, cɨn melɨk tep ne pɨs ken mɨdenɨgabɨn ak, cɨn ai mam Jisas nop nɨŋ dɨpal okok eip jɨm ñɨl mɨdon, Ñɨ ne Jisas lakañ ne ak tap si tap tɨmel gɨpɨn gac ak magɨlsek lɨg gɨ yoknɨgab.

Kalam

⁷ Pen Gor yip mindiy, melik nup ar ak taŋgiy jimñiy mindon, Ñinuk chinup aŋgiy likañ yapek kumak rek, gach chinup wiykyokyiŋg nep mindeniŋgamb.

1 Jon 1:7 Iomraidhean Croise

Matyiw 6:12

Bin bɨ ognap cɨnop gɨ tɨmel gɨpal nɨŋɨl kɨrɨg gɨpɨn rek, cɨn gɨ tɨmel gɨpɨn ak rek nep nɨŋɨl kɨrɨg gɨnɨmɨn.

Jisas Krais Mɨnɨm Tep ak Jon ñu kɨl tɨkak 1:29

Mɨnek Jisas apek nɨŋlɨg gɨ, Jon Jisas nɨŋɨl bin bɨ okok kɨrop agak, “Nɨŋɨm! God Sipsip Ñɨlɨk ne cɨnop ag yokɨp me ak. Ne me bin bɨ lɨm dai ar wagɨn aul tɨgoŋ tɨgoŋ magɨlsek tap si tap tɨmel gɨpal gac ak lɨg gɨ yoknɨgab.

Jisas Krais Mɨnɨm Tep ak Jon ñu kɨl tɨkak 12:35

Agelak, Jisas agak, “Melɨk ak sɨkol eñap sek nɨbep eip mɨdenɨgab. Nɨb ak, melɨk nɨbep eip mɨdeb won aul, kanɨb tag tep gɨnɨmɨb; mer ak, kɨslɨm apɨl nɨbep karɨk yugnɨgab. Bin bɨ an kɨslɨm sɨŋak ajenɨgab, akal amebin, agɨl ma nɨŋnɨgab.

Jisas Krais Mɨnɨm Tep ak Jon ñu kɨl tɨkak 5:4

Ñɨn ognap God ejol alap apɨl, ñɨg cöb ak dɨ kaun gek, bin bɨ an ned preŋɨd ñɨg cöb nɨb eyaŋ yapolɨgɨp ak, nop tap tari golɨgɨp ak komɨŋ lolɨgɨp.

Pol Rom bin bɨ kɨrop mɨj ñu kɨl tɨkak 13:12

Tapɨn kɨslɨm nab mɨdobɨn rek, karɨp tɨknɨg geb. Nɨb ak me, kɨri tap tari tari kɨslɨm nab eyaŋ rek ajɨl gɨ tɨmel gɨ mɨdebal ar ak kɨrɨg gɨl, Seten eip pen pen gep sior kɨlɨs, usajɨl bad kɨlɨs, tap melɨk sek God ñɨb okok dɨ yɨmɨn.

1 Korid 6:11

Nɨbi ognap ned nɨg rek gɨ mɨdelɨgɨpɨm. Pen Bɨ Kɨb Jisas Krais cɨnop nen agɨl kɨmak ak me, God cɨn Kaun ne ak apɨl, tap si tap tɨmel gac nɨbi ak lɨg gɨ yokɨl, nɨbep God nop wög gep bin bɨ ke lɨl, bin bɨ asɨŋ ma mɨdeb mɨdebɨm agak.

Epesas 1:7

Jisas Krais lakañ ne yapek kɨmɨl cɨnop tau adɨk dek, God, Bɨ tep yɨb ak, cɨnop yɨmɨg yɨb nɨŋɨl, tap si tap tɨmel gɨpɨn okok nɨŋɨl kɨrɨg gɨp. Nɨb ak, cɨn nɨpɨn God ne bin bɨ okok mapɨn yɨb nɨŋɨp.

Epesas 5:8

Ned kɨslɨm nab okok mɨdelɨgɨpɨm ak pen mɨñi Bɨ Kɨb bin bɨ ne lɨl melɨk ne ar ak mɨdebɨm. Mɨñi melɨk ne ar ak mɨdebɨm rek, bin bɨ melɨk ar ak ajpal rek ajenɨmɨb. Melɨk ñɨ pai rek mɨdenɨmɨb.

1 Timoti 6:16

Pen ne nokɨm nep kɨmnɨmɨŋ rek ma lɨp; ne per per nep mɨdenɨgab. Melɨk tep ne ak ke yɨb mɨdeb. Bin bɨ ognap nop udɨn ma nɨpal yɨb; bin bɨ ognap nop udɨn nɨŋnɨmel rek ma lɨp. Bin bɨ alap ne mɨdeb maŋ sɨŋak amnɨmel rek ma lɨp. Ne God Bɨ kɨlɨs yɨb aknɨb ke ak, bin bɨ magɨlsek nɨŋɨl, yɨb ne ak per per nep agel ar amnaŋ. Nɨb aknɨb rek tep.

Taitas 2:14

Jisas cɨnop nen agɨl kɨmak ak, “Tap si tap tɨmel gɨpal okok magɨlsek pen ñen, kɨri bin bɨ asɨŋ ma mɨdeb yad ke mɨdɨl, gɨ tep nep gɨn agɨl gos nɨŋ mɨdenɨmel,” agɨl, cɨnop nen agɨl kɨmak.

Hiybriw 9:14

Lakañ yokop pɨsmas gɨ yokel komɨŋ lolɨgɨp nɨbak nɨŋɨl nɨpɨn, Krais Bɨ Sɨŋ Ke Yɨb ak Kaun per per nep mɨdeb ak eip mɨdɨl, cɨnop nen agɨl kɨmek, lakañ yokak ak cɨnop gek, tap si tap tɨmel gɨpɨn gac ak mɨdmagɨl nab cɨnop adaŋ mɨdeb ak lɨg gɨ yokek, nag kɨbɨŋ ap yap pakɨl kɨmnɨgal ar ak kɨrɨg gɨl, God per komɨŋ mɨdeb ak nop nep wög gɨ ñɨn.

Jemis 1:17

Tap tep tari tari yɨpɨd gɨl dɨpɨn okok, ke okok nɨb apek ma dɨpɨn. Bapi ne pɨb, takɨn, gap melɨk ñɨbal okok gɨ lak ne nep, cɨnop ar alaŋ nɨb ñɨb. Ne nag ar alap gɨ damɨl, tap kaunan rek adɨk gɨl, nag ar alap ke ma gɨnɨgab.

1 Jon 1:3

Tap tari tari udɨn nɨŋnok ak, mɨnɨm tari tari peyɨg nɨŋnok ak, nɨbep abe agobɨn. Cɨn Bapi God Ñɨ ne Jisas Krais apɨl mal eip jɨm ñɨl mɨdobɨn. Pen nɨbep mɨnɨm nɨbak agon, nɨŋɨl nɨŋ denɨgabɨm, cɨn magɨlsek God apɨl mal eip jɨm ñɨl mɨdonɨgabɨn.

1 Jon 1:5

Jisas Krais cɨnop agek nɨŋnok mɨnɨm ak nɨbep agnɨg gebin. God ne melɨk; ne kɨslɨm sek ma mɨdeb.

1 Jon 5:6

Jisas Krais owak ak, bɨ yokop ma owak. Ne ñɨg pakak; kɨsen lakañ ne yapek kɨmak. Ñɨg nep pakek, God Ñɨ ne ak, agɨl, ma apɨn; ñɨg pakɨl kɨsen lakañ ne yapek kɨmak ak me, God Ñɨ ne mɨdeb ak nɨpɨn. God Kaun ne ak, ak rek nep cɨnop gos ñek nɨpɨn, Jisas God Ñɨ ne yɨb ak mɨdeb. Tari gɨnɨg: God Kaun per per mɨnɨm nɨŋɨd nep agɨp.

1 Jon 5:8

Kaun ak; ñɨg ak; lakañ ak. Mɨnɨm omal nokɨm nɨbak, jɨm ñɨl ar nokɨm agɨp rek, Jisas ne God Ñɨ ne mɨdeb ak, nɨŋ tep gɨpɨn.

2 Jon 1:4

Ñɨ pai nɨbi ognap Jisas Krais mɨnɨm nɨŋɨd nɨŋ dɨl, ageb rek gɨpal ak nɨŋɨl, yad mɨñ mɨñ yɨb gɨpin; Bapi cɨnop, nɨg gɨnɨmɨb, agɨp.

3 Jon 1:4

Ñɨ pai yad okok, Jisas Krais mɨnɨm nɨŋɨd ageb rek nep gɨpal, agenɨgal ak, yad mɨñ mɨñ yɨb gɨnɨgain.

Repelesin 1:5

Jisas Krais, mɨnɨm tep ak damɨl, God agak rek nep gɨl kɨmɨl, wagɨn gɨ warɨkɨl, karɨp lɨm okok kiŋ mɨdebal okok kɨrop magɨlsek kod mɨdeb Bɨ Kɨb ak, ne ak rek nep nɨbep yɨmɨg nɨŋɨl, dɨ tep gɨl, kod mɨdek, nɨbi kapkap sain tɨkɨl mɨd tep gɨ mɨdenɨmɨb. Ne cɨnop mɨdmagɨl lɨl, lakañ ne yapek kɨmɨl, tap si tap tɨmel gɨpɨn gac ak lɨg gɨ yokɨp.

Repelesin 12:11

Pen ai mam cɨn okok, Sipsip Ñɨlɨk lakañ ne ak abe, Krais mɨnɨm nɨŋɨd ne ak mɨseŋ ag ñölɨgɨpal ak abe gek, Seten nop dɨ mok kɨrop okok lɨlak. Bin bɨ ne nep mɨdobɨn, agɨl, ma pɨrɨk gɨl, cɨnop ñag pak lɨnɨg ñag pak lɨlaŋ, ag gos nɨŋlak.

Repelesin 7:14

Agek agnek, “Bɨ kɨb. Yad ma nɨpin; pen nak ke nɨpan,” agnek. Nɨb agen, yɨp agak, “Bin bɨ sɨŋ aul kɨrop mɨker ñel, koslam yɨb mɨdɨl komɨŋ opal. Pen kɨri Sipsip Ñɨlɨk lakañ ne ak dɨl, walɨj kɨri okok ulɨk malɨk gel, tɨd gɨp.