Taitas 1:2 - Kalam

² per mindeniŋgambun aŋgiy nup kond mindpay. Gor bi minim niŋind yimb nep aŋgip ak, biynimb ma gayak ñin ak, biynimb yand gok kuyip gen perper mindeniŋgambay aŋgek mey, nuk yesek ma aŋgip rek,

Kalam Minimib

² God ne mɨnɨm esek alap ma ageb. Ne bɨrarɨk ped okok karɨp lɨm ma gɨ lak ñɨn ak mɨnɨm nɨŋɨd agɨl agak rek, bin bɨ an an mɨnɨm nɨŋɨd ne nɨbak nɨŋ dɨl, mɨnɨm nɨŋɨd yɨpɨl ak nɨŋ tep gɨl, ak rek nep gɨnɨgal okok, ne kɨrop komɨŋ per mɨdep won ak ñɨnɨgab.

Taitas 1:2 Iomraidhean Croise

Matyiw 25:34

Nuk kiyŋ yomb ak mey, biynimb tep gok kuyip aŋgniŋgamb, ‘Bapiy nimbip niŋimb. Wosrey nuk miñmon alwol gayak ñin ak, tip nimbip gayak ak mey, apiy tip tep kun ak dim.

Matyiw 25:46

Kun aŋgiy, kuyip aŋgyokek am tip pernep yiwur gakniŋ mindeniŋgambay ak amniŋgambay. Pen biynimb tep nuk gok aŋgek, perper mindeniŋgambay tip ak amniŋgambay aŋgak.”

Jisas Krais Mɨnɨm Tep ak Mak ñu kɨl tɨkak 10:17

Pen Jiysis amnakniŋ, bi bap puŋgrikind aŋgiy amek kiñiŋ siŋak koŋgim yimiy aŋgak, “Tiysa tep yimb! Yand yerer gen, Gor gek perper mindeniŋgayn?”

Jisas Krais Mɨnɨm Tep ak Jon ñu kɨl tɨkak 10:28

Kiyk yip dipay rek, gen perper mindeniŋgambay. Ñin ar yip mindpay ak, biynimb gunap ap kuyip lipiŋg dand amniŋgiy rek ma mindip.

Jisas Krais Mɨnɨm Tep ak Jon ñu kɨl tɨkak 17:2

Yip key aŋgnak rek, biynimb okok maŋgiysek niŋmindiy, biynimb yip aŋgaynak gok kuyip den perper mindeniŋgambay.

Jisas Krais Mɨnɨm Tep ak Jon ñu kɨl tɨkak 17:24

“Bapiy! Yip tep gip ak; biynimb yip aŋgnak gok, yand yip nep mindiy mey; miñmon ma alwol gayruk ñin ak yip wasemb ay, biyomb yimb mindonimuŋ aŋgiy niŋaynak rek mindnikniŋ, yip niŋniŋgiy.

Jisas Krais Mɨnɨm Tep ak Jon ñu kɨl tɨkak 5:39

“Nimb perper mindenjun aŋgiy, Baybol buk day nind tikyak gok niŋrep gun aŋgiy, per niŋbim ak, tep gipim ak pen; yip aŋgiy tikyak rek niŋiy, yip ker apem, nimbip gen suŋ-tep mindiy perper ma mindeniŋgambim.

Jisas Krais Mɨnɨm Tep ak Jon ñu kɨl tɨkak 6:54

Kun ak biynimb mumbwak likañ yip diniŋgambay gok, perper mindeniŋgiy rek ayniŋgamb. Ñin kisen ak apek, kuyip gen tip ak tikjakiy, perper mindeniŋgambay.

Jisas Krais Mɨnɨm Tep ak Jon ñu kɨl tɨkak 6:68

Aŋgek, Saymon Piyta aŋgak, “Biyomb. An ker amjun? Minim nand apan ak niŋiy mey, perper mindeniŋgambun.

Aposɨl 15:18

Tap yerip yerip kisen giniŋgamb ak niŋbiyn ak mey, kun aspiyn aŋgip’ aŋgyak.”

Pol Rom bin bɨ kɨrop mɨj ñu kɨl tɨkak 1:2

Pen minim tep kun ak, Gor wosrey, bi minim nup aŋgep gok kuyip aŋgek, Baybol buk ak tikiy aŋgyak, “Kisen Depiyt tikek, tik dand amiy tikniŋgambay Bi bap, biynimb di Nop Gor yip jimñiy ayniŋgamb aŋgyak.” Minim nind aŋgiy tikyak kun ak, aŋgyak rek nep gip. Bi aŋgyak kun ak; Gor Ñinuk Biyomb chin Jiysis Krays nup nep aŋgyak. Nuk lum biy awak rek, Depiyt kiñiŋ ak tik dand amiy nup tikyak.

Pol Rom bin bɨ kɨrop mɨj ñu kɨl tɨkak 16:25

Pen Gor nup yimb ak dand aranjun. Nuk nep mey nimbip kond mindakniŋ, nup chiŋgrep giy mindeniŋgambim. Jiysis minim tep kun ak nind weygiy mindyiŋgip; pen miñiy bi Gor minim aŋgep gok minim nup tikyak ak miseŋ gamb, minim tep kun ak biynimb okok kuyip per aŋgñimbiyn. Gor nep aŋgek mey, biynimb miñmon okok maŋgiysek aŋgon, nup gosimb niŋiy aŋgip rek gipay.

Pol Rom bin bɨ kɨrop mɨj ñu kɨl tɨkak 2:7

Pen biynimb mumbwak kisenimb ak diy, perper mindon aŋgiy mindrep giy gey amjap gok kuyip gek, nuk yip perper mindeniŋgambay.

Pol Rom bin bɨ kɨrop mɨj ñu kɨl tɨkak 5:21

Asiŋ kun ak kilis yimb; key kim amjun rek ma mindip ak pen; Gor chinup simb niŋimb ak kunep, tap kilis yimb ak mey; mam nind chin Jiysis Krays nup yokek apiy kumiy tikjakak ak mey, biynimb nup chiŋgipun gok kim amniŋgambun.

Pol Rom bin bɨ kɨrop mɨj ñu kɨl tɨkak 6:23

Yenen: tap siy tap timey gep ar ak giy, yiwur yomb diniŋgambay; pen Jiysis Krays Biyomb chinup tuŋgasik dak ak nup diy, perper nep mindeniŋgambay.

1 Tesalonaika 2:15

Pen Jiwda biynimb gok Gor nup miluk niŋiy, biynimb okok miluk niŋiy gipay. Kiyk bi Gor minim aŋgep gok kuyip ñaŋgiy, Biyomb chin Jiysis nup ñaŋgiy, chinup yukyokyak.

1 Tesalonaika 5:8

Pen chin biynimb pumbnamb tapun gok, gosimb niŋyiŋg mindenjun. Biyomb anup gosimb niŋiy wasemb ay gon mey, chinup boŋg rek giniŋgamb. Chinup di nop yip jimñiy ayniŋgamb aŋgiy niŋmindiy mey, kim amniŋgambun.

1 Timoti 6:12

Kosyam mindeniŋgayn aŋgiy gos ak ma niŋnimin; Gor nip diniŋg gek, biynimb kuŋay niŋmindyakniŋ, Gor nup chiŋgipiyn aŋgnak ak, nup ma kirginimin. Aŋgip rek, sakiy giy nep gey amek mey, perper mindeniŋgamban.

1 Timoti 6:19

Kun ak rek giy mey, miñiy mindrep giy, ñin kisen ak apek, Gor yip perper mindrep giniŋgambay.

2 Timoti 1:1

Yand Pol. Gor yip aŋgek, bi minim nup dand amemb ak mindiy, Jiysis Krays nup chiŋgiy, perper mindeniŋgambim aŋgak minim ak aŋgñirapiyn.

2 Timoti 1:9

Chinup dak ak, miñ tep gonuk niŋiy ma dak; nuk key chinup simb niŋak rek dek, biynimb suŋ-tep nuk mindpun. Miñmon ma alwol gayak ñin ak, nuk biynimb simb niŋiy diniŋgamb rek, gos niŋak ak mey,

2 Timoti 2:10

Kun ak, yip timey gipay rek, gos yomb ma niŋbiyn; Gor biynimb nuk diniŋg niŋayak gok, Jiysis Krays nup gosimb niŋsipay rek, perper mindeniŋgambay gos anep niŋbiyn.

2 Timoti 2:13

Nup minim gunap aŋgiy, kisen kirginiŋgambun ak pen; nuk minim chinup aŋgip ak ma kirginiŋgamb; giniŋg nep aŋgip.

2 Timoti 2:15

Pen Gor minim nup ak niŋrep giy, kuyip aŋgñirep giyiŋg, nambiŋ ma dinimin.

Taitas 3:7

Gor biynimb suŋ-tep nuk gok perper mindonjun aŋgiy niŋbun rek nep, perper mindoniŋgambun.

1 Jon 2:25

Kiy apiymiŋay yip jimñiy mindiy mey, Krays biynimb nuk dip gok perper mindeniŋgambay aŋgak rek, nimbip giniŋgamb.

1 Jon 5:20

Gor Ñinuk awak rek, Gor yipund giy ak nup niŋrep gipun. Amemb owep chinup ak, Gor yipund giy ak kond mindip. Gor yipund giy kun ak mey, Jiysis Krays. Nuk gak ak perper mindeniŋgambun.

Jud mɨj ñu kɨl tɨkak 1:21

Nimbip simb niŋimb rek, gek nuk yip perper mindeniŋgambim. Pen am nuk yip perper mindenjun aŋgiy, kond mindpim ñin biy, monmon ma giy, Gor niŋimb ar ak nep gi mindem, nimbip wasemb ayiŋg nep mindonimuŋ.

Repelesin 13:8

Biynimb maŋgiysek rek, tap ayndik kun anup lotiw giniŋgambay. Pen biynimb siŋok: miñmon ma alwol gayak ñin ak, Gor per mindeniŋgambay aŋgiy, yimb kuyip Siypsiyp Ñiluk kumak buk yomb nup biyaŋ tikayak gok nep, tap ayndik kun ak nup, lotiw ma giniŋgambay.

Repelesin 17:8

Tap ayndik niŋamban kun ak, nind mindyiŋgip; miñiy ma mindip; pen maŋ mindip; nuk kaw miŋgan kiruŋ ma tikak biyaŋ nimb apek, Gor gek pisnep kurginiŋgamb. Gor miñmon ma alwol gayak ñin ak, biynimb lum ar biy diniŋgayn aŋgiy niŋak gok, yimb tikayak buk nuk biyaŋ. Pen biynimb yimb kuyip ma tikayak gok, tap ayndik kun ak tip mindek niŋiy, wal yimb aŋgniŋgambay. Yenen, nuk nind mindyiŋgip, miñiy ma mindip ak pen, kisen tip ak mindeniŋgamb.