Pol Rom bin bɨ kɨrop mɨj ñu kɨl tɨkak 4:2 - Kalam

² Low minim ak niŋrep gek nup, bi suŋ-tep aŋgiy dak aŋgjun? Ak kun ma aŋgjun. Biynimb low ar ak niŋiy gipay gok, mindrep gipun aŋgiy, yimb kiyk key dand araneniŋgambay; Gor niŋek tep ma giniŋgamb.

Kalam Minimib

² Ebraham ne ke tap tep alap gek, God nak bɨ tep yad, apkop, Ebraham bɨ okok agɨl “Yad bɨ tep,” apkop. Pen God nɨŋɨp Ebraham yɨb ne ke dap raneb wagɨn alap ma mɨdek.

Pol Rom bin bɨ kɨrop mɨj ñu kɨl tɨkak 4:2 Iomraidhean Croise

Pol Rom bin bɨ kɨrop mɨj ñu kɨl tɨkak 15:17

Krays Jiysis nup chiŋgiy, Nop nup woŋg gipiyn ak, yip key tep gakniŋ gipiyn.

1 Korid 1:29

Kun gip ak biynimb bap Gor windin yirik ar ak, yimb key dand araniŋgiy rek ma ayip.

1 Korid 1:31

Minim ar kun ak, Baybol buk ak tikiy aŋgyak: “Biynimb miñmiñ gun aŋgiy key ma miñmiñ giniŋgiy, Gor gip rek niŋiy, miñmiñ giniŋgiy aŋgyak.”

1 Korid 4:7

Gor nep gek biynimb nuk gok mindiy, gos sek mindpun. Pen gos tep niŋbun ak, nuk nep gek niŋbun. Kun ak yenen yimb nimbik key dand araniy apim, “Chin biynimb niŋrep giy, girep yimb gipun apim?”

1 Korid 9:16

Pen minim aŋgñirapiyn ak, nimb gunap niŋiy aŋgniŋgambim, “Gor nup key yimb gisap aŋgniŋgambim.” Pen ak mer. Woŋg nup gipiyn kun ak, nuk ginimin aŋgak rek nep gipiyn; key yimb ma gipiyn. Pen pey ma diy, nimbip woŋg yikop gi ñimbiyn ak, nuk yip niŋek tep giniŋgamb aŋgiy, miñmiñ yimb gipiyn.

2 Korid 11:12

Pen maniy tap nimbip gok ma nep don, bi Jiysis minim dand amemb mindpun aŋgiy nimbip tom gipay gok, chin gipun rek nep gipay aŋgiy, aŋgniŋgiy rek ma ayniŋgamb.

2 Korid 11:30

Biynimb gunap chin biynimb yomb kalrimey mindpun aŋgiy, tep gakniŋ yimb dand aranimbay ak pen; yand miñ ar kun ak ma giniŋgayn; bi tep ma mindpiyn rek, tep gakniŋ mindeniŋgayn.

2 Korid 5:12

Pen gos chin niŋbun ak; nimb chinup bi yerip rek ak niŋrep giy mey, biynimb yimb kiyk key dand araniy mindrep ma gipay gok yip, penpen aŋg amiy apiy ginimimb rek ayniŋgamb. Pen minim apun kun ak, nimb aŋgniŋgambim; sakiy ayek, yimb kiyk key dand aranyiŋg aspay aŋgniŋgambim ak pen, ak mer. Chin aspun ak; nimb minim kuyip ak kirgiy, minim chin apun ak diy mey, Gor nup minim ak niŋrep giy, yimb nup dand aranimimb aŋgiy aspun.

Galesia 3:22

Baybol buk tikyak rek nep mindip. Chin biynimb miñmon okok maŋgiysek tap siy tap timey ar ak gon gon, gach kun ak kom kom gek, key kim amjun rek ma ayip. Pen biynimb Jiysis Krays nup gosimb niŋniŋgambun gok, Gor giniŋgayn aŋgiy aŋgayak rek giy, chinup diniŋgamb.

Epesas 2:9

Pen chinup dek, biynimb gok kuyip direp giyiŋg mindrep giniŋgambun ak, ginimimb aŋgak rek nep giniŋgambun. Kun ak yimb chin key dand aranjun rek ma ayniŋgamb.

Pilipai 3:9

Jiwda low minim apay ar ak gen amnimuŋ ak pen, yergiy keynep giy, Gor bi suŋrep nuk mindeniŋgayn? Nop chinup gos tep ñek, Ñinuk nup gosimb niŋon mey, chinup dip. Biynimb gunap low minim ar ak gon amek, chinup diniŋgamb aŋgniŋgambay ak pen, maŋgiysek kindik giniŋgiy rek ma ayip ak, Gor kuyip yergiy niŋek, tep giniŋgamb. Biynimb Ñinuk nup dipay gok nep, biynimb suŋ-tep nuk mindeniŋgambay.