Pol Rom bin bɨ kɨrop mɨj ñu kɨl tɨkak 1:21 - Kalam

²¹ Nup niŋbay ak pen; niŋey Gor rek ma ayek, yimb nup ak ma dand aranimbay. Gos monmon okok niŋiy, sakiy sek ay, kisyim wip namb okok rek mindpay.

Kalam Minimib

²¹ Nɨb ak, God nop nɨpal ak pen nop tep agɨl, yɨb nop ak agel ar ma amɨb. Gos abramek nɨŋɨl, saköl ñagɨl, kɨslɨm gɨp okok rek mɨdebal.

Pol Rom bin bɨ kɨrop mɨj ñu kɨl tɨkak 1:21 Iomraidhean Croise

Jisas Krais Mɨnɨm Tep ak Jon ñu kɨl tɨkak 3:19

Minim yomb yimb diniŋgambay junj kun ak, kun giy mindip: Melik tep ak man ar biy wip ak pen; biynimb gok Melik kun ak ker amnun aŋgey, kuyip tep ma gip. Kiyk timey gi mindpay rek, kisyim wip okok nep niŋey tep gip.

Aposɨl 26:18

Kun ak biynimb kisyim wip okok mindpay gok, melik tep ak niŋniŋgambay. Seytan nup gos ak kirgiy, Bapiy gosimb chirupapiy anep niŋniŋgambay. Yip diniŋgambay kun ak, tap yerip yerip timey giyak gok, Bapiy niŋiy kirginiŋgamb. Nuk kuyip niŋek, biynimb yand nindnimb gok niŋek tep gip rek ak giniŋgamb aŋgak.’

Pol Rom bin bɨ kɨrop mɨj ñu kɨl tɨkak 1:19

Kiyk nup ma niŋbun aŋgiy, alemb alemb ñiniŋgambay ak pen; nuk Biyomb mankumb biy alwol gay, tap okok maŋgiysek yimb gayak. Pen nuk tap gayak kun gok niŋiy, Bi tap alwol gayak kun ak Biyomb perper mindip aŋgiy niŋniŋgiy ak pen; kiyk nup ma niŋbun apay. Apay kun ak, Biyomb ak niŋek, kinjeŋ kiyk bap ma mindip.

Pol Rom bin bɨ kɨrop mɨj ñu kɨl tɨkak 1:28

Gor nup gosimb ak ma niŋjun aŋgiy kirgey, kuyip yepyek, tap timey kuyip mindmaŋgiy lim gip gok nep gipay.

Pol Rom bin bɨ kɨrop mɨj ñu kɨl tɨkak 15:9

Jiwda biynimb mer gok kunep simb niŋiy den, yimb yip ak dand araniŋgambay aŋgiy yokek awak. Krays nind Nop nup minim aŋgak rek tikiy aŋgyak: “‘Kun ak, yand Jiwda biynimb mer namb okok mindiy, kamep aŋgiy, yimb nip ak dand araniŋgayn aŋgip’ aŋgyak.”

2 Timoti 3:2

Ñin kun ak, biynimb mindrep ma yimb giniŋgambay. Maniy nep gos niŋiy, mumbwak kiyk nep gos niŋiy, timey nep giy, Gor nup aŋgjiwiy, nop nonim sikop kuyip minim timbrikiy, biynimb gok minim tep ma aŋgiy, Gor nup gosimb ak ma niŋiy,

1 Pita 1:18

Chin basind apis sikop giyiŋgipay ar ak, gi dand amiy kim amniŋgambun aŋgiy, gi mer niŋon, Gor chinup dak ak; gol, maniy, siylpa tap yikop kun gok rek tawiy ma dak. Pen siypsiyp teprep yimb gok dand amiy, pik Gor nup simboŋgñiyiŋgipay rek ak; Ñi tep yimb nuk ak yokek apiy kumek, chinup dak.

1 Pita 2:9

Pen nimb Gor biynimb nuk yimb. Nimbip key niŋiy dek, biynimb suŋ-tep nuk mindiy, nup Biyomb aŋgiy, aŋgniŋyiŋg mindpim. Nind kisyimnamb okok mindiy, kosyam giraŋgyiŋgipim ak pen; nuk gek, melik tep niŋyiŋg tapim ak, yimb nup dand aranimimb.

Repelesin 14:7

kuyip suk yomb aŋgiy aŋgak, “Kor yomb giniŋgamb ñin ak wip rek, Gor nup jel pirikiy, nuk Biyomb semb biyoŋ, man biy, ñiŋg solwara, ñiŋg key paŋgjakip gok maŋgiysek gayak aŋgiy, yimb nup ak dand aranimimb aŋgak.”

Repelesin 15:4

Biynimb maŋgiysek nip niŋiy, ñawil diniŋgambay. Nip Biyomb aŋgiy, yimb dand araniŋgambay. Nand miñ yipund giy ar ak nep gipan ak niŋiy, miñmon okok maŋgiysek ap nip aŋgniŋniŋgambay aŋgyak.”