Jisas Krais Mɨnɨm Tep ak Luk ñu kɨl tɨkak 8:10 - Kalam

¹⁰ Aŋgey, Jiysis kuyip aŋgak, “Gor biynimb nuk diy kond mindeniŋgamb minim weygiy mindyiŋgip ak, nimbip gos ñek niŋniŋgambim; pen biynimb yikop gok: ‘Aŋgip kun aŋgiy ma piyow niŋniŋgambay.’

Kalam Minimib

¹⁰ Agelak, Jisas kɨrop agak, “God bin bɨ ne dɨl kod mɨdenɨgab mɨnɨm we gɨl mɨdolɨgɨp ak, God nɨbep gos ñek nɨŋebɨm, pen bin bɨ ognap okok, yad kɨrop mɨnɨm sɨd tɨkɨl nep agen, ‘kɨri nɨŋɨl ma nɨŋnɨmel, mɨnɨm magɨl peyɨg nɨŋɨl mɨnɨm wagɨn ma nɨŋ dɨnɨmel.’

Jisas Krais Mɨnɨm Tep ak Luk ñu kɨl tɨkak 8:10 Iomraidhean Croise

Matyiw 11:25

Ñin kun ak Jiysis Nop nup aŋgak, “Bapiy nand Biyomb. Semb biyoŋ sek, man biy sek kond mindpan ak, gos nand key niŋey tep gip rek, biynimb gos tipaŋgiy niŋbun apay gok kuyip kirgiy, biynimb ñapan ŋaŋ rek mindpay gok kuyip gos tep ñimban ak, nip tep aspiyn aŋgak.”

Matyiw 16:17

Aŋgek Jiysis aŋgak, “Saymon Jona ñinuk. Nand gos niŋban kun ak, key okok nimb ma wip; Bapiy semb biyoŋ anep nip gos tep ñek niŋban.

Jisas Krais Mɨnɨm Tep ak Mak ñu kɨl tɨkak 4:11

Aŋgeyak aŋgak, “Gor biynimb diy kond mindeniŋgamb minim ma niŋyiŋgipay ak; nimb niŋiy niŋniŋgambim ak pen; biynimb gunap minim nup ma niŋjun apay rek, kuyip paydoŋ ay nep aŋgñimbiyn.

Jisas Krais Mɨnɨm Tep ak Mak ñu kɨl tɨkak 4:12

Kiyk Asaya aŋgak rek: ‘Windin niŋbay ak pen, tap gunap ma niŋbay. Minim niŋbay ak pen, minim kiñiŋ aŋgip kun aŋgiy ma niŋbay. Niŋrep gipyap rek, Gor nup aŋgniŋembiyap, tap siy tap timey gipay ak niŋiy kirgipkop’ aŋgak.”

Jisas Krais Mɨnɨm Tep ak Jon ñu kɨl tɨkak 12:40

“Gor Yisrel biynimb gok kuyip gek, windin koy rek mindey, kuyip gos timund teprep ak ma ñiniŋgamb. Yenen: nuk aŋgak, kuyip gen windin ma niŋiy, gos timund teprep ak ma niŋiy, nup ker amon chinup suŋ ayniŋgamb aŋgiy, yip ker ma winiŋgambay aŋgak.”

Pol Rom bin bɨ kɨrop mɨj ñu kɨl tɨkak 16:25

Pen Gor nup yimb ak dand aranjun. Nuk nep mey nimbip kond mindakniŋ, nup chiŋgrep giy mindeniŋgambim. Jiysis minim tep kun ak nind weygiy mindyiŋgip; pen miñiy bi Gor minim aŋgep gok minim nup tikyak ak miseŋ gamb, minim tep kun ak biynimb okok kuyip per aŋgñimbiyn. Gor nep aŋgek mey, biynimb miñmon okok maŋgiysek aŋgon, nup gosimb niŋiy aŋgip rek gipay.

1 Korid 12:11

Pen Gor Kawnan nokom yimb mindip ak, gos key niŋimb rek, chin biynimb nuk mindpun gok, kilis keykey ñakniŋ, woŋg ar keykey gipun.

Kolosi 2:2

Kun ak nimb maŋgiysek gos sek mindiy, penpen wasemb ay, gosimb tep niŋiy mey, minim tep ma niŋyiŋgipay ak niŋrep yimb giniŋgambim. Minim nind ma niŋyiŋgipay kun ak mey, Krays minim tep ak nep.

1 Timoti 3:16

Minim tep chin niŋbun ak key yimb. Jiysis Krays Nop yip mindiy, bi yimb ay miseŋ owak. Kun giy apek enjol gok niŋyak. Gor Kawnan nuk ak, biynimb gok kuyip aŋgak, “Gor Ñinuk wip aŋgak.” Minim tep nup ak, miñmon okok aŋgñey amnakniŋ, nup gosimb niŋyak. Nop nup dand andkind miñmon tep nuk biyoŋ amnak.