Jisas Krais Mɨnɨm Tep ak Luk ñu kɨl tɨkak 5:8 - Kalam

^8-10 Kun gek niŋiy, Saymon Piyta binuk yip bot ar mindeyak gok gos kuŋay yimb niŋyak. Pen Sebediy ñinuk Jemis yip, Jon yip, bot bap diy Saymon yip woŋg jimñiy giyiŋgipiyr ak, kunep gos kuŋay niŋrik. Pen Saymon am Jiysis mindek maŋ siŋak koŋgim yimiy aŋgak, “Biyomb. Yand bi tap siy tap timey gipiyn ak, nand key okok amnoŋ aŋgak.” Aŋgek, Jiysis aŋgak, “Ma piriknimin. Miñiy ñin biy tikiy, bi piys dep ak kirgiy, bi biynimb dand Gor ker owep ak mindeniŋgamban aŋgak.”

Kalam Minimib

^8-10 Nɨg gak nɨŋɨl, Saimon Pita bɨ ne eip ñɨg magöb ar mɨdelak okok, kɨbsal koŋai yɨb dɨlak okok nɨŋɨl, gos par nep nɨŋlak. Pen Sebedi ñɨ ne Jems eip Jon eip, ñɨg magöb alap dɨl Saimon eip wög jɨm ñɨl gölɨgɨpir bɨ omal, ak rek nep gos par nɨŋrek. Pen Saimon amɨl Jisas mɨdek ulep sɨŋak kogɨm yɨmɨl agak, “Bɨ Kɨb, yad bɨ tap si tap tɨmel gɨpin ak, nak ke okok amnoŋ,” agak. Agek Jisas agak, “Nak ma pɨrɨknɨmɨn. Mɨñi ñɨn aul tɨkɨl, bɨ kɨbsal dep ak kɨrɨg gɨl, bin bɨ dɨl God nop dowep bɨ mɨdenɨgan,” agak.

Jisas Krais Mɨnɨm Tep ak Luk ñu kɨl tɨkak 5:8 Iomraidhean Croise

Matyiw 17:6

Minim kun ak kun giy aŋgek niŋiy, Jiysis binuk gok gos kuŋay niŋiy pirikiy, apyap koŋgim yimiy, jomluk kiyk ak man akyaŋ ken ay mindeyak.

Matyiw 2:11

korip miŋgan biyaŋ amiy niŋyak: ñapan ŋaŋ ak nonim Mariya yip minderik. Am koŋgim yimiy, nup lotiw giy, wand kiyk gok aŋiy, nup gol gunap, pawil kuyrep wip rek gunap, wel kuy wip rek gunap ñiyak.

Matyiw 8:8

Aŋgek amiy biyomb kun ak aŋgak, “Niŋind apan ak pen, yand bi tep rek korip yip ak amnimin. Yand niŋbiyn ak, amiy biyomb gunap yip kond mindey, yand pen amiybi gunap kuyip kond mindiy; amnimimb aŋgen, ambay sek; winimimb aŋgen, opay sek. Bi yip woŋg gip ak nup, woŋg gok kun kun giy ginimin aŋgen gip aŋgak.”

Jisas Krais Mɨnɨm Tep ak Luk ñu kɨl tɨkak 5:7

Kun gek niŋiy, numam bot ar bap mindeyak gok kuyip ñinan gek apeyak; piys kun gok diy, bot omiŋal kun ak ayey, pisnep aranjakiy, poŋgek yowniŋg rek gak.

Jisas Krais Mɨnɨm Tep ak Jon ñu kɨl tɨkak 11:32

Mariya am nup niŋiy, mindek ak jun paŋgiy aŋgak, “Biyomb. Biy mindembinap rek, mam yand ak ma kumbikop aŋgak!”

1 Korid 13:12

Miñiy ñiŋg kawnan paŋgniŋbay rek ak niŋbun: kisen ñin kun ak, Krays chinup niŋrep gip rek ak, nup niŋrep giniŋgambun.

Repelesin 1:17

Yand nup niŋen nambiŋ gek, tomb aŋgin nup siŋak apyap memben yimiy, biynimb pisnep kumbay par rek ak mindenik. Kun genik, ñin yipund kind nuk ak yip diniŋyiŋg aŋgak, “Ma piriknimin! Yand bi nind yimb mindiy, mind dand amiy, kisen mindnep mindeniŋgayn.