Jisas Krais Mɨnɨm Tep ak Luk ñu kɨl tɨkak 11:2 - Kalam

² Aŋgek, Jiysis kuyip aŋgak, “Gor nup aŋgniŋniŋg, kun giy aŋgnimimb: ‘Bapiy. Nand timey ma giy, Bi tep yimb mindpan ak, yimb nip dand aranemb. Nand nep Biyomb chin mindiy, chinup kond mindenimin.

Kalam Minimib

² Agek, Jisas kɨrop pen agak, “God nop sobok gɨnɨg gɨl, nɨbgɨl agnɨmɨb, ‘Bapi, bin bɨ okok yɨb nak agel ar amnaŋ. Nak bin bɨ dɨl kod mɨdenɨgan ñɨn ak kasek onɨmɨŋ.

Jisas Krais Mɨnɨm Tep ak Luk ñu kɨl tɨkak 11:2 Iomraidhean Croise

Matyiw 10:32

“Biynimb yip ker mindiy, biynimb okok kuyip miseŋ aŋgñiniŋgambay gok, yand pen Bapiy yomb semb biyoŋ mindip ak nup, yip ker mindpay aŋgiy, miseŋ aŋgñiniŋgayn.

Matyiw 3:2

Kuyip aŋgñiy aŋgyiŋgip, “Maŋ mindip; Gor biynimb diy kond mindeniŋgamb ak mey; tap siy tap timey gipim ak yenen kun gipun aŋgiy kirgiy, Gor nup nep gosimb niŋnimimb aŋgyiŋgip.”

Matyiw 5:16

Kun ak rek, nimb mind tep gem, biynimb niŋiy, Nap semb biyoŋ mindip anup yimb ak dand araniŋgiy.

Jisas Krais Mɨnɨm Tep ak Luk ñu kɨl tɨkak 11:1

Ñin bap, Jiysis miñmon wikan bap mindiy, Nop Gor nup aŋgniŋ jiwakniŋ, binuk bap ap nup aŋgak, “Gor nup yergiy rek aŋgniŋbay? Jon binuk gok kuyip, aŋgñek niŋyak rek, chinup kunep aŋgñey niŋjun aŋgak.”

Pol Rom bin bɨ kɨrop mɨj ñu kɨl tɨkak 1:7

Kun ak Gor nimbip biynimb yand mindeyaŋ aŋgiy diy wasemb yimb ayip gok, nimbip minj tiksipiyn. Yip tep gip ak; Gor apiymiŋay nimbip simb niŋiy kond minder, mindrep yimb giniŋgambim.

Pol Rom bin bɨ kɨrop mɨj ñu kɨl tɨkak 8:15

Kun ak nind pirikyiŋgipun rek, Gor Kawnan ak chinup gos yerip rek ñiniŋgamb aŋgiy, jep diy, biynimb yikop woŋg giñemb rek ak ma mindonjun. Yenen; Kawnan nuk ak chin yip mindiy, gos ñakniŋ, ñapan nuk mindpun ak niŋrep giy, nup “Bapiy! Bapiy!” apun.

1 Korid 1:3

Bapiy Gor yip, Ñinuk Jiysis Krays yip nimbip simb niŋiy direp ginimiyr.

2 Korid 1:2

Biyomb chin apiymiŋay ak nimbip simb niŋiy kond minder, mindrep ginimimb.

Galesia 1:4

Tap siy tap timey gach ak, chinup pisnep timey ginimuŋ rek ayek, Nop Ñinuk nup ginimuŋ aŋgak rek, chinup di Nop yip jimñiniŋg kumek mey, biynimb tap siy tap timey giyiŋg nep mindpay gok yip, yiwur yomb ma diniŋgambun.

Epesas 1:2

Biyomb chin apiymiŋay ak nimbip simb niŋiy kond minder, mindrep ginimimb.

Pilipai 1:2

Gor apiymiŋay nimbip simb niŋiy, kond minder, mindrep ginimimb.

Pilipai 4:20

Kun ak Bapiy yomb ak nup nep, yimb dand aranjun. Tep.

1 Tesalonaika 1:1

Chin Pol, Salas, Timotiy nimbip Tesalonayka biynimb Gor Biyomb chin apiymiŋay ak ker mindpim gok, minj tiksipun. Gor apiymiŋay nimbip simb niŋiy direp ger, mindrep ginimimb.

1 Tesalonaika 1:3

Pen nimb Gor nup gosimb niŋiy, aŋgip rek giyiŋg, biynimb gok kuyip wasemb ay direp giyiŋg, Biyomb chin Jiysis Krays andkind winiŋgamb aŋgiy kond mindem amjap ak; Bapiy Gor nup aŋgniŋyiŋg tep apun.

2 Tesalonaika 2:16

Bapiy yomb apiymiŋay chinup gos niŋiy kond mindrep gipiyr ak, chinup per kond mindeniŋgayr aŋgiy, gos sek mindpun.

Repelesin 11:15

Won kun siŋak nep enjol ar ak, biykul nuk ak puŋgakniŋ, minim bap semb biyoŋ nimb aŋgiy aŋgak, “Miñiy tikiy biyomb gunap key mer: Biyomb chin ak sek, Kiyŋ yomb key yimb nuk ak sek kiyŋ mindiy, miñmon okok maŋgiysek perper kond mindeniŋgayr aŋgak.”

Repelesin 15:4

Biynimb maŋgiysek nip niŋiy, ñawil diniŋgambay. Nip Biyomb aŋgiy, yimb dand araniŋgambay. Nand miñ yipund giy ar ak nep gipan ak niŋiy, miñmon okok maŋgiysek ap nip aŋgniŋniŋgambay aŋgyak.”

Repelesin 19:6

Kun aŋgakniŋ niŋnik: biynimb kuŋaynep ñiŋg sinj piŋiy aŋgip rek akaŋ, timuk aŋgakniŋ giw yomb aŋgip rek aŋgyiŋg aŋgyak, “Gor nup yimb ak dand aranjun! Nuk miñiy biynimb gok kuyip maŋgiysek kond mindip.

Repelesin 20:4

Pen niŋnik: Gor aŋgayak biynimb gok ap, biynimb yomb bispay siya ar gok bisiŋg mindeyak. Pen biynimb tap ayndik ak nup asikrep giy, kil nup jun biyoŋ akaŋ, ñin maŋgiy kiyk ak ma diy, Gor apiymiŋay kuyip nep chiŋgeyak ñaŋgyak gok niŋnik. Kiyk kim mindiy, Krays yip woŋg giyiŋg, biynimb gok kuyip kond mindey mindey, simiy wan tawsin ak yinak.