Jemis 5:16 - Kalam

¹⁶ Kun ak nen, tap siy tap timey gipim gok, penpen aŋgyiknimimb. Aŋgyikiy, Gor nup aŋgniŋem, nuk gek suŋ mindeniŋgambim. Biynimb suŋ-tep gok nup aŋgniŋey, nuk key yimb giniŋgamb.

Kalam Minimib

¹⁶ Nɨb ak, tap si tap tɨmel gɨpɨm ak, pen pen ag yɨkɨl, nak ke abe, ai mam okok abe, Bɨ Kɨb nop sobok gem, ne gek nɨbep komɨŋ lɨnɨmɨŋ. Bin bɨ Bɨ Kɨb ageb rek gɨpal okok, nop sobok gel, Bɨ Kɨb ne kɨlɨs ne gɨl, ke yɨb gɨnɨgab.

Jemis 5:16 Iomraidhean Croise

Matyiw 21:22

Gor chinup direp giniŋgamb aŋgiy aŋgniŋem, aŋgniŋgambim rek giniŋgamb aŋgak.”

Matyiw 3:6

tap siy tap timey giyak gok aŋg yikyakniŋ, kuyip Joden ñiŋg namb ak ñiŋg pikñak.

Jisas Krais Mɨnɨm Tep ak Mak ñu kɨl tɨkak 1:5

Nuk kun aŋgakniŋ, biynimb Jiwdiya propens yep kun okok mindeyak gok sek, Jerusalem biynimb sek minim nup ak niŋniŋg amniyak. Amiy, tap yerip yerip timey giyak gok miseŋ aŋgñey, kuyip Joden ñiŋg namb ak ñiŋg pikñak.

Jisas Krais Mɨnɨm Tep ak Luk ñu kɨl tɨkak 9:6

Kun aŋgakniŋ, kiyk miñmon sikoy okok amiy, minim tep nup ak aŋgñiyiŋg, biynimb tap gak gok, gey suŋ ayak.

Jisas Krais Mɨnɨm Tep ak Jon ñu kɨl tɨkak 9:31

Pen chin niŋbun; tap siy tap timey giyiŋg, Gor nup aŋgniŋon ma niŋniŋgamb; biynimb mindrep gipay gok nep aŋgniŋey, aŋgniŋgambay rek giniŋgamb.

Aposɨl 10:38

Pen niŋbim! Bi Jiysis miñmon Nasaret nimb apun ak; Gor yip mindiy Kawnan nuk ak nup yokek kond mindakniŋ, miñmon okok taŋgiy, biynimb yikop gok direp giyiŋg, biynimb Seytan gek kosyam mindeyak gok kuyip gek, suŋ ayak.

Aposɨl 19:18

Jiysis biynimb nuk mindeyak gok, gunap ap nan-giy, kunj tap yerip timey giyak gok, miseŋ aŋgyak.

Aposɨl 8:24

Aŋgek, Saymon aŋgak, “Nirmiŋay biyomb anup aŋgniŋer, tap yip ginimuŋ aŋgiy aspiyr kun ak ma ginimuŋ aŋgak.” Aŋgek, aŋgak rek girik.

Pol Rom bin bɨ kɨrop mɨj ñu kɨl tɨkak 3:10

Minim kun ak rek, Baybol buk ak tikiy aŋgyak; “Biynimb tep Gor kuyip dep rek gunap ma mindpay. Mer yimb!

Pol Rom bin bɨ kɨrop mɨj ñu kɨl tɨkak 5:19

Bi nokom bap Gor nup minim ak timbrikak rek, biynimb kuŋaynep kuyip asiŋ ayip. Kun ak rek pen Bi nokom bap Nop minim aŋgak rek niŋdiy kumek mey, biynimb kuŋaynep suŋ-tep ayniŋgamb.

Kolosi 1:9

Aŋgek, Timotiy chir niŋiy, nimbip nen Gor nup per aŋgniŋbur. Pen chinup tep giniŋgamb ak mey, Gor Kawnan ak nimbip gos tep yimb ñonimuŋ, niŋrep giy, gos nuk ñiniŋgamb ar ak nep giniŋgambim.

1 Tesalonaika 5:23

Gor Biyomb biynimb direp gip ak nup aŋgniŋiy apun, “Tesalonayka biynimb nip gosimb niŋbay gok kuyip, kond mindenimin ñin ar nip ak mindey, kuyip kond mindrep yimb ginimin. Biyomb chin Jiysis Krays andkind winiŋgamb ñin ak, minim bap ma mindek; gos kuŋay ma niŋniŋgiy apun.” Chin niŋbun: gos nuk key niŋiy nimbip dak ak, apun apun rek nimbip giniŋgamb. Pen nuk aŋgip rek nep gip ak, nimbip kond mindeniŋgamb ak mey, gos sek mindenimimb.

1 Tesalonaika 5:25

Mam ay sikop. Chinup gos niŋiy, Gor nup aŋgniŋnimimb.

Hiybriw 11:4

Wosrey binak Ebol Gor nup gosimb niŋiy, minim aŋgip gok niŋind aŋgip aŋgiy mey, tap dand apiy pik simboŋgñek, Gor niŋek tep gak. Pen numam Keyn tap dand apiy simboŋgñak ak, Gor niŋek tep ma gak. Ebol Gor nup gosimb niŋiy, niŋind aŋgip aŋgek mey, nup pen bi suŋ-tep yand aŋgiy, tap simboŋgñak ak niŋiy, yip tep gip aŋgak. Ebol kumiy amek, miñiy yip ma mindpun ak pen, nuk Gor nup gosimb niŋak kesim kun ak, chinup biynimb gunap gos ñiyiŋg nep mindip.

Hiybriw 11:7

Gor Nowa nup kunep: miñmon yomb pikniŋgamb aŋgek, windin ma niŋak ak pen, Gor nup gosimb niŋak rek niŋind aŋgip aŋgiy, siyip yomb ak gak. Siyip yomb kun ak giy, biyn nuk ñapan nuk gok maŋgiysek miŋgan kun ak amdey, miñmon yomb yimb ak pikek mindrep giyak. Pen miñmon pikniŋgamb aŋgek, windin ma niŋak ñin ak, Gor aŋgip ak niŋind aŋgip aŋgiy, gek amek mey, nuk kim amnakniŋ, biynimb yikop gok, Gor nup minim bap pen aŋgniŋgiy rek ma ayak.

Hiybriw 12:13

Kinjeŋ yipund giy tep tep ar ak amem, gunap tomb puŋgjiwonimuŋ, kilis giy am gem gem, suŋ ayniŋgamb.

Hiybriw 13:18

Pen Gor nup aŋgniŋem, chinup kond mindonimuŋ. Gor yip mindrep giy gos par ayiŋg ma mindpun ak pen, per kun ak rek nep ginjun aŋgiy mindpun.

1 Pita 2:24

Pen chinup aŋgiy aŋgak, “Yand gach kuyip ak diy kumen, kiyk kim amniyaŋ aŋgiy,” kumak. Nuk yiwur yomb dak rek; chin tap siy tap timey gok kirgiy, suŋrep mindonjun rek ayak.

1 Jon 3:22

Minim aŋgip rek giyiŋg nup aŋgniŋoniŋgambun, tep gakniŋ, aŋgniŋgambun rek giniŋgamb.