Hiybriw 7:1 - Kalam

^1-2 Melkiysadek kun ak nuk kiyŋ mindiy, miñmon Salem kond mindyiŋg, bi Gor nup simboŋgep ak kunep mindyiŋgip. Yimb nup ak tuŋgandikiy, “Bi suŋg-tep yimb apay.” Pen biyomb gunap ap, basind yes Ebraham nup timey geyak, kuyip yuk yokiy, tap tep tep gok dand awakniŋ, Melkiysadek ap nup kinjeŋnamb ak niŋiy bilesiym gek, tap piliŋg dand awak gok, bilok Melkiysadek nup nokom nokom, Gor nup ñimbay rek ak ñiy, nuk tap maŋgiysek onep anjip gok dak.

Kalam Minimib

¹ Melkisedek nɨbak ne kiŋ mɨdɨl, bin bɨ karɨp lɨm Salem kod mɨdlɨg gɨ, bɨ God kɨlɨs sek yɨb ak nop tap sobok gep bɨ ak, ak rek nep mɨdolɨgɨp. Pen kiŋ ognap apɨl, based acɨk Ebraham nop gɨ tɨmel gelak, kɨrop yok gɨ yokɨl, tap tep tep kɨri okok dad apek nɨŋlɨg gɨ, Melkisedek apɨl nop kanɨb nab sɨŋak nɨŋɨl, God nop sobok gɨl, Ebraham nop kod mɨdenɨmɨn agak.

Hiybriw 7:1 Iomraidhean Croise

Jisas Krais Mɨnɨm Tep ak Mak ñu kɨl tɨkak 5:7

Jiysis kichekiy ambaŋ aymindek anup aŋgak, “Kiriŋg mis amnoŋ aŋgak.” Aŋgek aŋgak, “Jiysis. Gor Biyomb sikerek Ñinuk. Yip yerginiŋg opan? Gor mindip rek yip miker ma ñinimin aŋgak.”

Aposɨl 16:17

Chin amninukniŋ, pañ kun ak chinup kisen giyiŋg aŋgyiŋgip, “Bi guniy, Gor Biyomb ak nup woŋg giyiŋg, nimb yergem Gor nimbip diniŋgamb minim ak aŋgñiraspay aŋgyiŋgip.”

Hiybriw 6:20

Biyomb Gor nup simboŋgep chin ak, Melkiysadek woŋg gak rek giyn aŋgiy, tip chinup ak diy, tap siy tap timey gipun rek, Gor korip ñiluk miŋgan suŋ-tep yimb ak nind amiy, chinup nen Nop nup aŋgniŋ mindip.

Hiybriw 7:3

Bi kun ak Gor nup simboŋgep ak pen, nonim kiñiŋ ak kun giy mindip, nop nusind kiñiŋ ak kun giy mindip aŋgiy aŋgey, ma niŋbun. Pen nup tikyak ñin ak, kumak ñin ak aŋgiy kunep aŋgey ma niŋbun. Nuk bi Gor nup perper simboŋgip, Gor Ñinuk rek mindip.

Hiybriw 7:6

Pen Gor basind Ebraham nup niŋek tep gek aŋgak, “Biynimb nip gok direp giniŋgayn aŋgiy” minim aŋgñak ak, nuk bi gunap kuyip opriyŋ ma ñiyiŋgip; pen Melkiysadek ap nup niŋiy, bilesiym gek tap dand owak gok, gunap bilok nup opriyŋ rek ñak.