Hiybriw 2:2 - Kalam

² Enjol gok nep, low minim ak dand apiy, Mosis nup ñiyak ak pen; biynimb minim kun ak kirgiyak gok, yiwur yomb yimb diyak.

Kalam Minimib

² Ejol okok nep lo mɨnɨm ak damɨl, Mosɨs nop ñɨlak ak pen mɨnɨm nɨbak mɨnɨm nɨŋɨd nep mɨdek nɨŋlɨg gɨ, bin bɨ mɨnɨm nɨbak won alap ageb rek ma gɨlak okok abe, bin bɨ won alap tɨb tɨklak okok abe, yur pen dɨlak.

Hiybriw 2:2 Iomraidhean Croise

Aposɨl 7:53

Pen Gor low minim nuk, enjol gok kuyip aŋgek dand wiyak ak, niŋiy ma dipik aŋgak.”

Galesia 3:19

Pen kun apiyn ak nimb aŋgniŋgambim, “Gor Ebraham nup yikop dak kun ak; nuk yenen Jiwda biynimb gok kuyip, low minim ak aŋgñak aŋgniŋgambim.” Pen Gor nup giniŋgayn aŋgiy aŋgayak minim ak, aŋgak rek mindakniŋ, low minim ak kisen sesek aŋgak. Pen gak kun ak aŋgak, “Giniŋgayn aŋgiy aŋgaynik rek, Ebraham tikek tik dand amiy tikniŋgamb Ñi ak, kuyip aŋgyokniŋgayn ak pen, ñin namb biy tap siy tap timey keykey gispay rek, kuyip low minim ak aŋgen mey; low kun gok timbrikyiŋg, Gor minim nup timbriksipun aŋgiy, niŋrep giniŋgambay aŋgak.” Pen low minim ak enjol gok nep dand apiy, Mosis nup aŋgñeyak, Mosis nund pen biynimb gok kuyip aŋgñak. Minim chinup giniŋgayn aŋgiy aŋgayak ak, minim yomb yimb ak mey, nuk key apiy Ebraham nup aŋgñak.

Hiybriw 1:1

Gor basind apis ikop kuyip minim aŋgniŋg, bi minim nup aŋgep gok gek, minim nup ar ak wisin niŋiy akaŋ, day niŋiy akaŋ, gos kiyk namb okok niŋiy aŋgñiyiŋgipay.

Hiybriw 10:28

Biynimb Mosis low tikak gok niŋiy, tap yikop rek ayek timbrikyak gok; biynimb omiŋal akaŋ, omiŋal nokom windin niŋey, kor giyiŋgipay ñin ak, kuyip simb niŋnimuŋ rek ma ayek, biyomb gok minim kun ak niŋrep giy, aŋgey pisnep pik ayiŋgipay.

Hiybriw 10:35

Kun ak sisiŋ ma aynimimb; Gor nup nokom gosimb ak niŋmindiy mey, perper mindeniŋgambim.

Hiybriw 12:25

Kun ak niŋrep ginjun. Biynimb Saynay dum mindiy, minim aŋgek ma niŋyak gok, kim amniŋgiy rek ma ayak ak, minim nuk kisenimb ak kirgoniŋgambun; chinup yerip rek giniŋgamb.

2 Pita 1:19

Kun ak bi Gor minim aŋgep minim aŋgyak gok, yesek ma aŋgyak; minim pisnep dep gok nep aŋgyak. Minim aŋgyak kun ak, lam kisyimken daŋgiy ayey, chinup melik yomimb rek ak gip. Melik kun ak, niŋdand amiy, gap poŋglin miñmon yowniŋg gakniŋ arachakip rek ak, lim giniŋgamb gos namb nimbip biyaŋ. Lim gek mey, miñmon pisnep yowip rek ak giniŋgamb.

Jud mɨj ñu kɨl tɨkak 1:5

Wosrey gak ak niŋbim ak pen, tip aŋgniŋg gispiyn. Gor biynimb nuk Yisrel kay, Yijip mindeyak ñin ak, tuŋgasik dand awak ak pen, kisen nup gosimb ma niŋyak gok kuyip, pikayek kumyak.