Hiybriw 11:8 - Kalam

⁸ Basind yes Ebraham kunep, Gor nup gosimb niŋiy, aŋgak rek gak. Nop miñmon ak mindakniŋ Gor aŋgak, “Ñapan nand tikeniŋgamban tikey amniŋgamb gok, nimbip miñmon yomb bap pisnep aŋgniŋgayn ak mey; am kun okok mindenimin aŋgak.” Aŋgek, miñmon kun ak mindip okok aŋgiy ma niŋak; yip kond mindeniŋgamb aŋgiy, monmon amnak.

Kalam Minimib

⁸ Based acɨk Ebraham ak rek nep God nop nɨŋ dɨl, God mɨnɨm tari ageb ak mɨnɨm nɨŋɨd nep ageb, agɨl, agak rek nep gak. Nap karɨp lɨm ak mɨdek nɨŋlɨg gɨ God agak, “Ñɨ pai nak tɨk donɨgan tɨk dapel amnɨgab okok, nɨbep karɨp lɨm kɨb alap pɨs nep agnɨgain ak me, amɨl nɨb okok mɨdenɨmɨn,” agak. God nɨb agek, Ebraham God agak karɨp lɨm nɨbak mɨdeb okok, agɨl, ma nɨŋak; God yɨp kod mɨdenɨgab, agɨl, abramek amnak.

Hiybriw 11:8 Iomraidhean Croise

Matyiw 2:21

Aŋgek, Josep biyn amiymiŋay ak poŋind, andkind Yisrel amnak.

Pol Rom bin bɨ kɨrop mɨj ñu kɨl tɨkak 1:5

Pen biynimb kuŋaynep Gor nup yimb ak dand araniyaŋ aŋgiy, yip dek, bi minim nup dand amemb ak mindiy, biynimb miñmon okok kuyip, minim tep nup ak aŋgñen, nup gosimb niŋiy, aŋgip rek gipay.

Pol Rom bin bɨ kɨrop mɨj ñu kɨl tɨkak 10:16

Pen bi Asaya Gor minim tep ak aŋgek, biynimb gunap ma niŋey, nuk Gor nup aŋgak, “Chin minim tep nip ak aŋgon, ma nep dipay aŋgak.”

Pol Rom bin bɨ kɨrop mɨj ñu kɨl tɨkak 6:17

Nind nimbip tap siy tap timey gep gos anep ayek, ar kun ak giyiŋgipim ak pen; kisen Gor minim ak niŋiy dipik ak mey; Gor nup tep apiyn.

2 Korid 10:5

Gor nup gosimb ak kirgiy, yimb key dand araniŋg gipay ak pen; Gor chinup kond mindakniŋ minim aŋgon, kinjeŋ kiyk bap ma mindip ak niŋbay.

Hiybriw 11:33

Biyn bi kun gok: gunap Gor nup gosimb niŋiy, biynimb miñmon key gunap kuyip yuk yokyak; gunap minim yomb gok Gor gos tep niŋimb rek tuŋgasikyak; gunap kuyip kayn ayndik layon mindeyak namb ak diyokeyak, Gor kuyip kond mindek ma siwyak; gunap Gor kuyip minim aŋgek, aŋgip rek giniŋgamb aŋgiy kond mindey mindey, aŋgak rek nep gak.

Hiybriw 5:9

Nop minim aŋgek, maŋgiysek gak ak mey; bi suŋ-tep biynimb minim nup niŋiy dipay gok, di Nop yip jimñiy ayek, perper mindeniŋgambay.

1 Pita 1:22

Nimb minim niŋind yimb ak niŋiy, biynimb suŋ-tep nuk mindpim rek; mam ay nup ker mindpay gok kuyip, wasemb aypim. Kun ak penpen wasemb yimb ayiŋg mindenimimb.

1 Pita 3:1

Pen biyn bi sek mindpim gok, nimbip minim aŋgniŋg gispiyn. Naŋgumiy sikop aŋgniŋgiy rek niŋiy, mindrep ginimimb. Naŋgumiy sikop Gor nup ma deniŋgiy niŋiy, yenen Gor nup ma dipan aŋgiy, ma aŋgnimimb. Pen key mindrep giy, kuyip direp gem mey, biyn yand ak Gor nup chiŋgiy mindrep yimb gip aŋgiy, nup gosimb niŋniŋgambay.

1 Pita 4:17

Miker yomb dep ñin ak asaw rek, chin Gor biynimb nuk gok, kiñiŋ giy miker dispun. Pen miker yomb yimb apek, biynimb minim tep nup ma dipay gok, yergiy rek mindeniŋgambay.