Hiybriw 11:31 - Kalam

³¹ Pen kesim ar nokom kun ak nep, kinjeŋram biyn Reyap miñmon Jeriykow nimb ak, Gor nup gosimb niŋiy, biynimb Gor nup minim kirgiyak gok yip ma kumak. Yenen: bi Yisrel omiŋal miñmon Jeriykow amer, kuyipmiŋay pikayniŋg gey, Gor nep aŋgek miñmon chinup niŋayniŋg opiyr aŋgiy, di kasin gek, kim mindiy andkind amnirik.

Kalam Minimib

³¹ Bɨ si dep bin Rehap ak, God nop nɨŋ dɨl, God mɨnɨm tari ageb ak mɨnɨm nɨŋɨd nep ageb, agɨl, bin bɨ ne God mɨnɨm ne kɨrɨg gɨlak okok eip ma kɨmak. Tari gɨnɨg: Isrel bɨ omal taun kɨb Jeriko amer, kɨrop mal ñag pak lɨnɨg gelak, pen God Rehap nop agek, karɨp lɨm cɨn nɨŋ lɨnɨg opir, agɨl, dɨ kasɨn gek, komɨŋ mɨdɨl adɨk gɨ amnɨrek.

Hiybriw 11:31 Iomraidhean Croise

Matyiw 1:1

Jiysis Krays nop nusind yes nuk gok tikey amiy apiy gek nup tikyak rek aŋgniŋg gispiyn. Biyomb Ebraham tikek tik dand amiy, kiyŋ Depiyt nup tikeyak mey; Depiyt nund tikek tik dand amiy mey, Jiysis Krays nup tikyak.

Matyiw 1:5

Salmon, Bowas nup tikak. Bowas nonim nuk ak Reyap. Bowas, Obet nup tikak. Obet, nonim nuk ak Rut. Obet, Jesiy nup tikak.

Hiybriw 3:18

Gor biynimb minim kilis aŋgiy, ap yand yip ma mindeniŋgambay aŋgak gok an? Mey biynimb minim nup ma niŋniŋgambun aŋgyak gok nep.

Jemis 2:25

Kun ak rek nep, biyn Reyap gak. Nuk kinjeŋram biyn mindyiŋgip ak pen; bi Yisrel omiŋal aperik, Reyap biynimb nuk gok, kuyipmiŋay pikayniŋg geyak, nuk niŋiy kasin gek mey, piyow mer niŋyak. Kisen kuyipmiŋay aŋgyokek, pirik kinjeŋ ar bap amiy, korip amnirik. Reyap gak rek niŋiy, Gor biyn suŋrep yand aŋgak.

1 Pita 2:8

Pen minim bap aŋgyak: “Biynimb kamb ar nokom kun ak apyap pikniŋgambay rek, tapin nep apyap pikniŋgambay aŋgyak.” Gor minim ak ma niŋiy apyap pikpay kun ak, giniŋgamb aŋgak rek nep gey amjap.

1 Pita 3:20

Biynimb kun gok, Nowa mindek ñin ak, Gor nup minim ak ma niŋeyak, kuyip minim yomb ma aŋgak: minim yip niŋniŋgambay akaŋ aŋgiy, kond mindek. Kond mind dand amiy, Nowa nup siyip ginimin aŋgak ak gi diy, aŋgek Nowa apyoŋg onep jiy ak siyip miŋgan amey, Gor gek miñmon pikiy ñiŋg tan araniy, man ak yiwiŋgdak.