Hiybriw 1:8 - Kalam

⁸ Pen Ñinuk nup minim ak aŋgiy aŋgak: “Gor. Nand kiyŋ gunap monmon gipay rek ma giniŋgamban; suŋ-tep mindiy, biynimb gok perper kond mindeniŋgamban.

Kalam Minimib

⁸ Pen God ne Ñɨ ne nop mɨnɨm agɨl agak, “Nak God. Nak Kiŋ per nep per nep mɨdɨl, bin bɨ nak okok per nep kod mɨdenɨgan. Bin bɨ nak kod mɨdɨl, gɨ tep gɨl, yɨpɨd gɨl nep gɨl, kod mɨdenɨgan.

Hiybriw 1:8 Iomraidhean Croise

Matyiw 1:23

Nuk aŋgak: “Biyn piñ bi yip ma kiniŋgamb bap, ñapan koŋgiy mindiy, ñi bap tikeniŋgamb; yimb nup ak Yimanwel aŋgniŋgambay aŋgak.” Yimanwel minim kiñiŋ ak, Gor chin yip mindip apay.

Jisas Krais Mɨnɨm Tep ak Jon ñu kɨl tɨkak 10:30

Bapiy key, yand key mer; chirapiy bi nokom yimb aŋgak.”

Jisas Krais Mɨnɨm Tep ak Jon ñu kɨl tɨkak 10:33

Aŋgek aŋgyak, “Tap mageprek gipan kun gok niŋiy, nip ñaŋg pikayniŋg ma gispun; Gor nup yimb ak aŋg sikoy giyiŋg, yand nuk rek aŋgey mey, nip ñaŋg pikayniŋg gispun aŋgyak.”

Jisas Krais Mɨnɨm Tep ak Jon ñu kɨl tɨkak 20:28

Aŋgek, Tomas aŋgak, “Biyomb. Nand mey, Gor yand aŋgak.”

Pol Rom bin bɨ kɨrop mɨj ñu kɨl tɨkak 9:5

Basind chin Ebraham, Aysek, Jekop Gor nup gosimb niŋyak gok, tik dand amiy apiy giy kuyip tikyak. Kiñiŋ nokom kun anep tik dand amiy apiy giy, Krays nup biyimb rek tikayey, nuk Biyomb yimb mindiy, biynimb maŋgiysek kond mindip! Kun ak yimb nup ak nep dand aranemb! Tep.

1 Korid 15:25

Yenen: Krays biynimb tap okok kond mind dand amiy, Nop gek; biynimb yomb, biynimb tam okok; kichekiy, malñiluk tap yerip yerip mindip gok, Krays beŋ okok mindeniŋgambay.

1 Timoti 3:16

Minim tep chin niŋbun ak key yimb. Jiysis Krays Nop yip mindiy, bi yimb ay miseŋ owak. Kun giy apek enjol gok niŋyak. Gor Kawnan nuk ak, biynimb gok kuyip aŋgak, “Gor Ñinuk wip aŋgak.” Minim tep nup ak, miñmon okok aŋgñey amnakniŋ, nup gosimb niŋyak. Nop nup dand andkind miñmon tep nuk biyoŋ amnak.

2 Pita 1:11

Pen Ñinuk Jiysis Krays chinup aŋgiy kumak ak apiy, nimbip wasiw giyiŋg, di biynimb nuk per kond mindeniŋgamb namb ak ay, kond mindeniŋgamb.

1 Jon 5:20

Gor Ñinuk awak rek, Gor yipund giy ak nup niŋrep gipun. Amemb owep chinup ak, Gor yipund giy ak kond mindip. Gor yipund giy kun ak mey, Jiysis Krays. Nuk gak ak perper mindeniŋgambun.