Aposɨl 4:5 - Kalam

^5-6 Pen minek, Jiwda kanjsol nan-giniŋg, per giyiŋgipay rek, bi low tiysa gunap, bi Gor nup tap simboŋgep yomb gunap, bi kanjsol yikop gunap ap nan-giyak. Pen Anas ak, Kayapas ak, Jon ak, Aleksanda ak, Anas biynimb nuk gunap sek minim aŋgeyak namb kun ak, ap niŋmindeyak.

Kalam Minimib

⁵ Pen mɨnek, Juda bɨ kɨb karɨp lɨm nɨbak kod mɨdelɨgɨpal okok abe, bɨ mɨnɨm tɨg bɨlokep okok abe, bɨ lo mɨnɨm ag ñeb bɨ okok abe, Jerusalem sɨŋak ap mogɨm gɨlak.

Aposɨl 4:5 Iomraidhean Croise

Jisas Krais Mɨnɨm Tep ak Mak ñu kɨl tɨkak 15:1

Miñmon yowakniŋ, bi Gor nup simboŋgep yomb gok diy, bi low tiysa gok diy, bi kanjsol yikop gok diy miytiyŋ giy, minim aŋg ar nokom ay, Jiysis nup sen ayñiy, dand gapman biyomb Paylat mindek ak amniyak.

Jisas Krais Mɨnɨm Tep ak Luk ñu kɨl tɨkak 20:1

Pen ñin namb kun siŋak, Jiysis Gor aŋgniŋep korip miŋgan ak amiy, nuk biynimb di Gor yip jimñiy ayniŋgamb minim tep ak aŋgñakniŋ, bi Gor nup tap simboŋgep yomb gok, bi low tiysa gok, bi minim tuŋgasikep gok apiy,

Jisas Krais Mɨnɨm Tep ak Luk ñu kɨl tɨkak 22:66

Miñmon yowakniŋ, miytiyŋ gun aŋgiy, Jiwda bi minim tuŋgasikep gok, biyomb Gor nup simboŋgep gok, bi low tiysa gok ap nan-giy, Jiysis nup dand Jiwda kanjsol miytiyŋ kun ak amiy aŋgyak,

Jisas Krais Mɨnɨm Tep ak Luk ñu kɨl tɨkak 23:13

Pen Paylat, biyomb Gor nup tap simboŋgep gok sek, bi minim tuŋgasikep gok sek, biynimb yikop gok sek aŋgek, ap nan-gey aŋgak,

Jisas Krais Mɨnɨm Tep ak Luk ñu kɨl tɨkak 24:20

Kun gek, gosimb chin niŋiy aŋgnuk; nuk bi chinup Yisrel biynimb diy, kond mind-tep giniŋgamb aŋgiy niŋnuk ak pen; biyomb Gor nup tap simboŋgep gok sek, bi minim tuŋgasikep gok sek minim aŋg nan-giy, di Rom gapman biyomb anup ñeyak, nuk amiybi nuk gok kuyip ñek, dam mon kiros bak biyoŋ ñaŋgrimbik ayey kumak. Tap gak kun ak, ñin omiŋal pandikak.

Aposɨl 4:8

Aŋgeyak, Piyta Gor Kawnan yip mindek ak mey aŋgak, “Nimb Yisrel biyomb gok sek,

Aposɨl 5:34

Kun aŋgyak ak pen, namb kun ak, bi bap mindek. Yimb nuk ak Gameliyel. Nuk bi Peresiy low tiysa kiyk bap. Jiwda biynimb maŋgiysek nup niŋey tep giyiŋgip. Bi Gameliyel kun ak tikjakiy aŋgak, “Bi tiwin biy kuyip aŋgem mis amey, nimbip minim bap aŋgiyn aŋgak.” Kun aŋgek, aŋg mis yokyakniŋ,

Aposɨl 6:12

Kun aŋgiy, bi low tiysa gok diy, bi kanjsol gok diy, biynimb yikop gok diy simbwur kuyip ak timey gek, Stiypin nup kor giniŋg, dand kanjsol kay mindeyak ak amniyak.