Mikeia 7:8 - O Mikanda Ikola

⁸ Eie kana kusanguluka, nguma iami, ki u mona nga di-bhale, kuma né nga di bhale, hádia ngi balumuka dingi. O kioso ki ngiza kitombe, Ngana ua kà kala mukengeji uami.

Mikeia 7:8 Iomraidhean Croise

Jobe 31:29

Se nga sangulukila o uíndua ua mukuetu ua ngi zembe, mba eme nga tana kioso kuxixima ki kua mu tula,

Jisálamu 112:4

O muthu uaiuka, ni mu kitombe kúkia mukengeji uê; u kala mukua ujitu, mukua henda, mukua kiadi.

Jisálamu 143:3

Kuma nguma ia zuididika o muenhu uami, ua ngi xinina muene bhoxi, kala ngi muthu ngʼàfua ukulu.

Jisálamu 20:8

Ene a bulukuta, a dibhale; etu-phe tua bhetuka, tuemana nzanza.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 35:19

Kuehele jinguma jami ku ngʼolela uoua mu kingoho; a ngi zembe sé kikuma ka kale mu di jika-jika mesu, exi tua mu tobhesa.

Jisálamu 37:21

Mukua phulu u sobha ngó, maji ka futu dingi; Uaiuka-phe izuua ioso u kuatela henda, u bhana.

Jisálamu 37:24

Né ua di bhale, ka di bhalelà-ku; kuma Jihova u mu kuata ni lukuaku luê.

Jisálamu 38:16

Nga ku ambela, Ngana, ngixi: Ngʼivue, phala enhó ka kale mu ku ngi uaua. Anga a beta dingi kuzangalala, kia ngi mona nga xangumuka.

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisálamu 97:11

Mukengeji a u kuua, phala athu aiuka; o kusanguluka phala oso emana mixima nzanza.

Izaía 2:5

Enu mu dibhata dia Jakobo, zenu; tuendedienu mu mukengeji ua Jihova.

Izaía 49:9

Phala uambele iá a a kutu, uixi: Jitukenu; oso ene mua vundu uixi: Tukulukenu mu jinjila ja kuenda; a kala ni huta ia ku di-dikila; o mu ididi ioso ia matala, aia ni kusanga-mu sabhèlela ia kúdia kuâ.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Izaía 9:2

O mundu a xikamene mu kitombe a mono mukengeji uònene; o athu a kexi mu kuendela mu kididi kia kizenji kia Kalunga, kuaki mukengeji uâ.

Jelemiia 48:27

Mukonda eie ue Izalaiele ku mu bhanga jinga kasekelu? Manhi a mu sange mu kaxi ka miii? Phalaʼhi-phe ua mu kuila ki uiza mu ku mu zuela uolela?

Jelemiia 50:11

Mukonda mua sanguluka, mua tuka-tuka ni kutana, enu mua bhunda-bhunda o undundu uami! Anga mu di nanukisa kala kangombe ka nete, muia ni kuthúlula kala jikabalu ja nguzu.

Jelemiia 8:4

A tangele dingi: Jihova uambe kiki: abha athu a di bhalelà-ku kiá, kene dingi ku balumuka? A bhambukilà-ku kiá, ka vutuka dingi?

Izekiiele 25:6

Mukonda o Jihova Nzambi, uambe kiki: Kala ki ua beta o jimbanda ku maku eie ua titila ni inama bhoxi, o mu muẋima eie ua sanguluka mu kuiibha kué kuoso, mu kuzemba oxi ia Izalaiele,

Izekiiele 35:15

Kala eie kioso ki ua sangulukila o undundu ua dibhata dia Izalaiele, kuma a mu sengulula, kiene ue ki nganda ku ku bhanga eie; ua-nda kusenguluka, eie u mulundu ua Seíle, kumoxi ni Idomo dioso, xi, Idomo dioso muene; anga a kà kʼijiia kuila emeʼeme ngi Jihova.

Izekiiele 36:5

kala kiki, o Jihova Nzambi uambe kiki, uixi: Ni kidi kiene, mu túbhia tua muanu uami, muene mu nga zuelela mu kuzoka ni masubhu a akua jixi ni Idomo ioso kiá, ala kubhûnda o ixi iami, ni kusanguluka kua muẋima uâ uoso, ni kukamba kusuua o muenhu, mbé ku u takuila ku uiii.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Obadiia 1:12

Eie kua tokalele kusangulukila kizuua kia phangʼiê, o kizuua kia kubhondalala kuê, kia mu bheka mu ubhika; né o kizuua kia kubuika kua anʼa Juda eie u ki tanena, mba kanu dié u di zambesa ni kuzuela mu kizuua kia kubhondalala kuâ.

Mikeia 4:10

Eie tala hanji hadi ni misusu ni ikalakalu, eie u monʼa Ziione ua muhatu, ni phaxi ni lamba kala ià ió uala ni mika ia kuvuala; mukonda kindala mu sanzala ua-nda kutunda-mu, ua kà tunga ku mukáu anga ua kʼèza katé ku Babilonha. Kueneʼoko-phe kuene ku ua kà bhandulukila; kueneʼoko kuene kua kà ku kudila Ngana, bhu maku ma jinguma jé.

Mikeia 7:10

O kienhiki nguma iami ia muhatu anga ua kà ki mona, jisonhi anga ja kà mu kuata muene. Kuma uene mu ku ngʼibhula, uixi: O Jihova, Nzambi ié, uala kuebhi? Mesu mami-phe ma kà mu mona ia a mu diota-diota kala malôua mu nzunga.

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Matesu 4:16

Athu a xikamene mu kitombe a mono mukengeji uonéne! A xikamene kididi kia kizenji kia kalunga, kuaki mukengeji uâ!

Nzuá 16:20

Ni kidi kiene, eme ngi mi ambela: Enu mua-ndu dila, mua-ndu kema, o mundu-phe ua-ndu sanguluka. Kidi mua-ndu kala ni malamba, maji o malamba menu-phe, ma-ndu biluka kusanguluka.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

II Kolindo 4:9

Nguma ji tu vula, maji ki tu kambe dikamba. Sai ni bhabha a tu kuama, maji ki tu jimi o mbutu.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.