Mikeia 7:4 - O Mikanda Ikola

⁴ O uala kota mu kuiuka mudiâ, uadifuʼê ngó ni muinha; o ua beta ku uabha o muẋima muʼaxaxe kâ, kota mu kuiibha o muxitu ua misonge ndenge; maji o kizuua kia ku ku ta diesu ni kia ku ku vutuila o phonzo kia bhiẋila; kindala hadi ia ku tula.

Mikeia 7:4 Iomraidhean Croise

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Izaía 22:5

Kuma o kiki kizuua kia kibulukutu, kia ku di-lebhula, kia kavanza ka tundu kia Jihova dia Ilombo Ieta, keza, ka tula mu dikôlo dia kisuma; kizuua kia kulundumuna imbaka ni kuia ku milundu ni kudikola-kola.

Izaía 55:13

bhu kididi kia musonge, bhua kà sabhuka mufaia; o bhu kididi kia musuna, bhua kà sabhuka mumurta; anga kia kà fumanesa dijina dia Jihova, kià kala kijimbuete kinangenena ki kia kà bua-ku dingi.

Jelemiia 10:15

Ia di bhange kingoho, midimu ia mangonha; o bhu kithangana kia ku a zungila, hinu a jima o mbutu.

Jelemiia 11:23

Ki bhuanda kuxala masubhu, mukonda eme nga-nda ku bheka divuua ku athu akua Anathothe, bhu muvu ua kua ebhula o mulonga.

Jelemiia 46:21

Katé ni masoladiʼé a ku futila, edi kala tungombe tua nete, tuʼòbhange mu kaxi ké; maji enhá ue a bhe-ku makunda ia a lengela kumoxi; a lémbua kuimana, kuma o kizuua kiâ kia kusenguluka kia bhiẋila kumoxi ni kithangana kiâ kia ku a zungila.

Jelemiia 8:12

Ene kia bhanga ufusa, manhi a kala ni sonhi? lémbue! ene kene mu kala ni sonhi ia kima, né ngó bhuofele kuijiia kioso ki kuata o sonhi; kala kiki ene ue a-nda kutenuka kumoxi ni iá a tenuka; bhu kithangana ki nga-nda ku azungila a-nda ku di lukula bhoxi, Jihova ua ki tange.

Izekiiele 2:6

Eie-phe, u monʼa muthu, kana ku a kuatela uôma, mba u kala ni uôma ua ioso ia zuela; né-mbe hanji o izuelu iâ i di-bhanga muxitu ua minha ni jisongo phala eie, eie anga u tunga ni jimvuanga, kana kukala ni uôma ua izuelu iâ, mba u teketa ki u mona o jipholo jâ, kuma ene ala dibhata dia ẋinuka.

Izekiiele 28:24

Phala o muiji ua Izalaiele, ki mungu dingi u kala ni muinha uia ni ku mu ẋuka, mba muinha uia ni ku mu bhana misusu, ia uoso-uoso uia ni ku a nhana mu jimbandu jâ; hé a kà kʼijiia kuila emʼeme ngi Jihova Nzambi.

Amoji 8:2

Uixi-phe: Eie, Amoji, ihi i ua-lu mona? Eme ngixi: Kinda kia ibundu iabhi ia kixibhu. Bheneʼobho Jihova ua ngʼambela, uixi: Dizubhilu-phe dia Kifuẋi kiami kia Izalaiele, dia bhiẋila! Tundé kiá lelu ni ku pholo dia kuia, ki nga-nda ku a kuatela dingi henda mu kithangana kia dikota.

Nahumu 1:10

Mukonda né hanji ene a di lunga-lunga kala minha, anga ezala ni vinhu kala jihólua, a kà jimuka ene oso muene kala iangu iakukuta.

Luka 21:25

Muène hé u zuela dingi, uixi: Kua-ndu kala isuma ku dikumbi, ni ku mbeji ni ku jithéthembua. O mu ngongo ifuẋi ia kà di kuata mukondo, i kala mu jiphata mukonda dia kavanza ni kuzuma kua kalunga ni mabhuku mê.

Jihebeleu 6:8

O ki kala-phe ma bhana ngó minha ni holokoso, ma kuata usudi; kua kambe ngó a ma ta mazui kuala Nzambi, o hinu kua suka a ma ta mu tubhia.