Mikeia 7:2 - O Mikanda Ikola

² Athu akua kubhanga o mbote mu ngongo a jimuka-mu, o ua iuka muʼaxaxe ka athu ka moneka dingi; enhoso aia ni kubatamena phala kubhubhisa manhinga, muthu uia ni kutomba phangʼié ni uanda.

Mikeia 7:2 Iomraidhean Croise

Jisálamu 10:9

U suama ni kubatamena akuá, u butama kala hoji mu kisasa; u butamena kukuata phulungu ni ku mu bhunda; o ngadiama u fua mu uanda uê, u mu kuata hé u mu ambata.

Jisálamu 12:1

Meia! u Jihova! kuma mujitu ua kambe; akua kitongola ka vulu muʼaxaxi ka anʼathu.

Jisálamu 12:2

Kala muthu u tanga makutu kua mukuá; mizumbu iâ ia kutobhesa ngó akuʼá; a zuela ni miẋima iiadi.

Jisálamu 57:6

Kuma a ngi tela uanda ua ku ngi kuata o inama, ni muẋima moxi ua ngi zondo; a ngi kandeia diela mu njila mu ngi bhita, iá-phe a dibhadiâ-mu ene. (Selah.)

Jisabhu 1:11

O kia kuambela, exi: Tu bande kunu, tu batamene mu kubhubhisa manhinga; tu zombe muthu ua kambe kikuma tu mu bhange-kiu;

Jisabhu 12:6

Maka ma athu a bhumu, ma kana ngó kubatamena manhinga ma akuá; maji o dikanu-phe dia athu aiuka, diene dia a bhulula.

Izaía 3:5

Mundu phe a kà u bhondeleka; bhua kà kala ku dikuata jimvunda, kala muthu ua kà lungulukila mukuâ; Mona ndenge, ukitukila muadi-akime; o sébhue, u balukila mona-ngana bhu kididi.

Izaía 57:1

Muthu uaiuka iu uia muʼalunga, kana-bhu muthu u ki xinganeka ku muẋima uê; athu a lenduka a ololabhu, kana-bhu-phe ulembalala kuila muthu uambote a dianga ku mu sondolola kioso o kuiibha kiluua kuiza.

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Izaía 9:19

Mukonda dia njinda ia Jihova dia Ilômbo Ieta, oxi, ia kà vunda, o mundu ua kà kituka kala iangu ia kuoha; ki bhuá kala muthu u kondeka phangʼiê.

Jelemiia 16:16

Talesa nga-nda ku tuma atona a nzungule, eme Jihova, ene a-nda ku a tamba; anga ngi kasa kiua nzungule ia manhanga ene a-nda ku a tomba ku milundu ioso, ni ku tu-thuthulundu tuoso katé ni mu mabanda ku jindanji.

Jelemiia 5:16

O kizu kiâ ufika kala mbila ia jikuka: Ene oso mazonda mu mazonda.

Jelemiia 5:26

Mbata muʼaxaxi ka mundu uami muala ni akua-phulu: Muthu ni muthu uenda ni kubatamena, kala akua kuolekela mabhebhe a tunjila; oleka mibhetu iaiibha muenda ni kukuatela o athu.

Jelemiia 8:6

Eme ngʼevidila, eme ngevu: Kala kuzuela kia iuka; ki bhuala muthu u diela ku usuéia uê, uixi: Nga bhangʼehi? Kala muthu ni muthu u bhambuka mu njila iê, mukua ni kabalu ka di takula ni nguzu ku ita.

Kuditenda 4:18

O ki tua zangula jinga díkanda dia kuenda, akala mu ku tu tola, o kuenda mu jiluua jetu-phe kia tu bhonzele: Tuexi-phe: Lamba dietu dia tuiza, izuua ietu ieza-bhu; xi, kuma disukilu dietu dia bhixila.

Izekiiele 22:12

Mu kaxi kê eie a tambuila-mu ue ni nduta ia kuzunza o manhinga; dikongo ua di vualesa ni kuvudisa o kitadi ku uenji, iene o ima i ua tambula, eie uemina mukuenu ni ku mu tatesa; maji eme ua ngi jimbi, eme ngi Jihova.

Izekiiele 24:6

Kala kiki, o Jihova Nzambi uambe kiki, uixi: Kokolo dia mbonge i kala kijibhanganga ni ímbia i fuáfua kifulu, o kifulu kiene ki ki tundu momuʼê! u zanze mʼombia kiẋimbuʼé-kiẋimbu, o muene kana ku mu xinda dikanda;

Hozeia 5:1

Ivuenu-kiu, enu mu jinganga; batekelenu, enu mu dibhata dia Izalaiele; enu ue, mu mbèle ia muenexi, bhanenu mátui, kuma mulonga iú ua mi tokala enu; mbata enu mua di bhange mu dibhèbhe mu Mixipa, muedi kala uanda ua di zale ku thala ia mulundu ua Tabole.

Hozeia 6:9

Kala kilômbo kia ingumba kia batamena muthu, kiene ue kiala o kilunga kia jinganga, ji kuata kujibha athu mu kikoka kia Xikeme; xi, kuma ala kubhanga usuéia.

Mikeia 2:8

Kindalʼiki akua muiji uami a balumuka mu ku lunguluka mukuâ ni nguma; iú ua kexile mu kubhita njila ié o thanga a mu bhûndu-iu, edi kala mala ala kutunda ku ita.

Mikeia 3:10

Ziione anga mu mu tunga ni manhinga, o Jeluzaleme ni kubatula kua mangonha.

Mikeia 3:2

Enu mua dizemba ni kubhanga o mbote anga mu dizola ni kubhanga kiaiibha, akua muiji uami mu a kalumuna o kikonda ku kanga ni xitu mʼoxi ku thandu dia ifuba iâ.

Zakadiia 11:6

Jihova iu uambe kiki: A tungu mu ixi mumu eme ue, ni kidi kiene, ki nganda ku a kuatela dingi henda; nga-nda kuila muthu ngi mu bhakula bhu maku ma mukuá ni bhu maku ma sobha iê, ixi ioso ene anga a i kuama, eme ue ki nga-nda ku a bhulula bhu maku mâ.

Jipoxolo 24:9

Jijudé anga ji mu kuatekesa mu kufunda exi imʼ iii ia kidi.

I Samuuele 24:11

Luamukuá, Phaphai, talesa hanji mbandu ia divunga dié bhu lukuaku luami. O ki ua monuʼiki, nga batula ngó mbandu ku divunga dié, eme nga kambe ku ku jibha, ijiia na-kiu kuma, bhu lukuaku luami ki bhuala phulu ki bhuala kikuma. Eme-phe ki nga te kituxi kokué, sumbala eie uala ku ngi seia o muenhu uami phala ku ngi tambula-u.

I Samuuele 26:20

Kikiphe manhinga mami ka bhubhile ngó bhoxi ku makanga mengi, mukonda dia ku ngi kaia bhu pholo ia Jihova. Kuma muenexi a Izalaiele ua di te ni ku ngi kenga kala ueza mu sota mbuanana, ua soko ni dinhanga u seia nguadi mu milundu!