Mikeia 7:19 - O Mikanda Ikola

¹⁹ Muene ua kà tona dingi o ku tu kuatela henda; milonga ietu ua kà i titidila muene bhoxi dia inama iê anga u i jimba kiá, o ituxi ietu ioso anga ua kà i texi muʼalunga mua zongo!

Mikeia 7:19 Iomraidhean Croise

II Samuuele 24:14

Davidi anga u ambela Ngadi, uixi: Ngala bhu kíbhidi kia dikota! Maji kota ngi dibhalela bhu lukuaku lua Jihova, kuma muene o jihenda jê jivula; nguami kudibhalela bhu lukuaku lua muthu!

Jisálamu 103:12

Tunde kuthundʼèlele katé ku mazanga, mukuâ ni dikanga dia texe o ikuma ietu.

Jisálamu 130:8

Muene u kula Izalaiele mu itondalu ni ikuma ié ioso.

Jisálamu 85:3

Ua kexe kueha o kubhana kaxtiku, o njinda ié ia teme anga u i tula.

Izaía 33:24

Ki bhua kà kala mukuabhata mu Jeluzaleme uila: Nga kata, lémbua, mukonda o mundu ua kà tunga-mu, ki ua kà kala dingi ni kikuma, mbata o ituxi iâ ioso a kà a loloka-iu.

Izaía 38:17

Tala-ze, phala kutululuka kuami, nga bhiti-phe ni mavuua a vulu; eie-phe, mu henda ié, ua bhulula o muenhu uami, kua u ehela kulaúka mu kina mua kala o kusekumuka; kuma o ituxi iami iene ioso, eie Ngana, ua i takula ku dima dié.

Izaía 43:25

Eme, eme-muène ngi jimuna o itondalu ié mu henda iami; o ituxi ié ki ngi i banze dingi.

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Jelemiia 33:8

Nga-nda kua kà a sukula o kuiibha kuâ kuoso, kua ta jinga na-ku ituxi kokuami; nga kà a loloka o ikuma iâ ioso ia ta jinga na-iu ituxi kokuami, ia a bhekesa o ku ngi tondalela.

Jelemiia 50:20

Mu izuuʼomo ni mu kithanganʼokio, Jihova uixi, kuiibha kua Izalaiele a-nda kuà ku sota, maji ki kuanda kumoneka dingi; ni ituxi ia Juda ue, maji ki ia kà moneka; kuma eme nga-nda kuloloka oso u ngi xisa masubhu.

Kuditenda 3:22

Kuma o jihenda ja Jihova jene-ze ja bhiti-bhu, etu tua kambe kujima o mbutu; mbata jihenda jê ki jene ni dizubhilu.

Kuditenda 3:32

Kuma, né kia beta muthu hé u mu bheka mu lamba, sai bhua-nda ku mu lendukila, kuma ukaiela kia soko o nzungule ia jihenda jê.

Izekiiele 18:22

O ikuma iê iosololo ia bhanga jinga ka kà i xinganeka dingi ni ku mu bhanga phulu; mukonda dia kuiuka kua bhangiʼuku, u kola muenhu.

Izekiiele 39:29

Eme ue ki mungu dingi ngi sueka o pholo iami koku ʼâ, kioso ki nga-nda kulundulula o Nzumbi iami ku thanduʼa muiji ua Izalaiele, Jihova Nzambi ua ki tange.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Hozeia 14:2

Endenu ni ku di tela mudienu maka a kudiela, phala mu vutuke kua Jihova. Ngana mu tangedienu, kuila: Tu loloke o ikuma ietu ioso, u tu tambulule; bhu kididi kia ku ku satela tungombe, xikina, Ngana, o sata ia ujitu i tunda ku mizumbu ietu, kuma diene dibhôko di tua ku tela.

Hozeia 14:4

Eme nga-nda kuilula o kuxibhaka kuâ ni kudianguka kuâ, anga ngʼa zola muene ni muẋima uoso, mukonda njinda iami ku thandu diâ ki iala-ku dingi.

Zakadiia 3:4

Bheneʼobho mu kuzuela anju uambela iá a kexi bhu pholo iê, uixi: Mu katudienu izuatu iii ia xidi. O muene ue ua mu tangela, uixi: Tala, nga bhangesa kuila o ikuma ié i ku somboka, nga-nda ku ku zuika izuatu ia ubhe ia makembu.

Loma 6:14

Kuma o ituxi ki i fuama ku mi tolola dingi, mbata enu ka mi bhake dingi bhoxi dia Kitumu, maji a mi bhake kiá bhoxi dia kiadi kia Nzambi.

Loma 8:13

Kuma se mua kaiela xitu, mua kinga kufua. Maji mu nguzu ia Nzumbi, se mua fuisa o imbamba i bhanga o mukutu, mu tambula muenhu.

Matendelelu 30:3

bhenhobho-phe o Jihova Nzambi ié, ua kà ku takana dingi ku ubhika ku uaiioko, anga u ku lendukila; hé ukuata ku ku phopha bhuamoxi, u ku bhongolola dingi mu jixi joso mua ku muangenene Jihova Nzambi ié muène.

Matendelelu 30:6

Jihova Nzambi ié ua-nda ku ku saia o muxima ué moxi, ni muxima ua mbutu ié ia-nda ku ku kaiela, phala kuzola jinga Jihova Nzambi ié ni muxima uoso, ni muenhu ué uoso, nda u kole muenhu.

Matendelelu 32:36

Mbata Jihova ua-nda kubatuila o povo iê kiaiuka, Jiselevende jê u a kuatela henda. Kia mona kuila abhânge, alémbua, ki bhua subhuka muthu, né fôlo.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 8:12

Anga Eme nga kà loloka o ibhengele iâ, o ituxi iâ ki ngà i lembalala dingi.

I Nzuá 3:8

Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.