Mikeia 7:14 - O Mikanda Ikola

¹⁴ Ni dikoue dié, enda ni kuinga o muiji ué, mukonda kiene o kilunga kia undu-ndu ué, kia tunga kì kia kalé ngó ubheka uê mu ditutu, mu kaxi ka ixi ibhakula kiambote o idima; ua engila mu Basane ni mu Ngiliiade, phala a kà dile mueneʼomo kala mu izuua ia xahulu.

Mikeia 7:14 Iomraidhean Croise

Jisálamu 100:3

Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

Jisálamu 143:5

Ngi lembalala o izuua ia xahulu, ngi xinganeka o ima i ua bhanga jinga; ngi banza o ufunu ua maku mé.

Jisálamu 28:9

Bhulula, Ngana, o mundu ué; undundu ué u kale ni dibesá; kala eʼmuène u mubidi uâ, u a dise izuua ioso.

Jisálamu 95:7

Mukonda muene Nzambi ietu; etu tu athu mu makèla mê, tu jimbudi uala ku tu inga ni lukuaku luê. Lelu-phe se muivua dízui diê,

Makatukilu 33:16

Kuma ki tualʼiki, a kʼijiia kiebhi kuma tua sange ngalasa ku mesu mé ni eme ni mundu ué uenhú? Ka kʼijidila mu kuila tuendela kumoxi, eie muene i uala ku tu bheka, bhene muene bhu tu di tunguila, ni eme ni mundu ué, ku mundu uoso mu ngongo.

Mukumbi ua Mikumbi 4:1

Eie tata, ku uabha kuahi, kazola kami, kuuabha kuahi, ku uala na-ku! O mesu mé medi kala mesu a jiphomba bhu kaẋi ka jingindu jé. O kindemba kié mukuá ni kilunga kia jihombo ja mu tuluka ni kúdia ku mulundu ua Ngiliiade.

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Izaía 35:2

Dia kà tulula muene kiavulu, di sanguluka ni kutana kuonéne, dia kà tumbujuka ni ngalasa; a mu bhe kijingo kia Libano, ni makembu ma Kalamelu ni Salone; ene a kà mona o fuma ia Jihova, kioso kiene o unéne ni kujinga kua Nzambi ietu.

Izaía 37:24

Eie ua tumu o jiselevende jé kule-bhula Jihova, uixi: Ni nzungule ia makalu mami, nga bande bhu thalʼa milundu katé mu jihotʼèlele ja Libano; nga kà batula misédro iê ioso ialebha-mu ni mifaia ioso ia uabha-mu, anga ngi bokona muene katé bhu thalʼélele, bhu muxitu ua vundu bhuene o mavu a idima.

Izaía 40:11

O kilunga kiê, ua kà ki disa kala mubidi; O tumbudi ua kà tu ongeka bhu maku, hé u tu akata bhu jihata jê; o joso javuala, muene u ji endesa kilendu.

Izaía 49:10

Ka kala dingi ni nzala, kà kala dingi ni dinhota, né muzukuta né muanha ki ua kà a kuama dingi; kuma muenhó mukua ku a lendukila, ua kà endesa, anga ua kà a batesa kilendu katé ku jifiẋi ja menha.

Izaía 65:10

Salone ua kà dí-bhanga kibhanga kia jimbudi, o dikôlo dia Akole dinangu dia ibhaku, phala athuʼami a ngi soto.

Jelemiia 49:31

Balumukenu mu bande mu kúlua ni muiji ua tululuka, ua tunga ua soma Jihova ua ki tange, muiji ki u moneka mabhitu mba makumba, kuma ene a tunguʼâ ngó.

Kuditenda 1:7

Mu makumbi a malamba-mê Jeluzaleme iú lembalala-ke ima iê ia ujitu ni malau, iakexi na-iu mu izuua ia xiahulu; u i lembalala kiua kia muiza o hadi ni ngongo!

Kuditenda 5:21

Tu vutule dingi kokué, u Jihova, nda etu tu tene o ku ku vutukila; tu tombuele dingi o izuatu ietu ku ubhe, kala ki tua kexe mu xiahulu.

Izekiiele 36:11

Hé nga kà sokolola athu ni ibhaku ku thandu dienu, ene hé a ka di sokolola ni ku di vualulula; anga ngi mi tungisa kala mʼukulu, anga ngi bhangesa dingi kuila o kikexilu kienu ki beta dingi o kukala kiambote, ku dimatekenu dienu ndenge; anga mu kʼijiia kuila eme-ʼeme ngi Jihova.

Ijila 27:32

Ki tu tanga-phe o tukuinhi ku ibhaku ia jingombe ni jimbudi, ni ibhaku ioso kiá ia seia ni mbangala ia mubidi, mu ku i kondala, o kakuinhi koso muene katokala ku díjimu diangene dia Jihova.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Obadiia 1:19

O akua sulu ene a kà lundula mulundu ua Ezau; o akua mikáu mu kiphenza, ene a kà lundula ixi ia akua Fidíxia; a kà lundula ue mikáu ia Ifalaíme, ni mikáu ia Samádia; o Bejamí ua kà tambula Ngiliiade.

Mikeia 5:4

Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Sofoniia 3:13

Ió oso a subhuka kua Izalaiele kà kenda dingi ni ituxi mba a kuata kuzuela makutu, mukanu diâ ki mu kala dimi dia mangonha, kuma a kà endesa ni ku a batesa kiambote, a a nhohesa muene kiambote ki bhu kala kima ki a kuatesa uoma.

Zakadiia 10:10

Mukonda eme nga-nda ku bhangesa kuila a kà vutuka mu ku tunda ku Ijito, nga kà a bhongolola muene mu ku tunda ku Asídia, hé nga kèza-nâ mʼoxi ia Ngiliiade ni mu Libanu, ki kua-nda kuà kala kididi ki soka phala ene.

Zakadiia 11:7

Eme-phe kiá anga ngi langa o jimbudi ja muia ni ku jibha, o tumbudi tua kilunga, akuetu! Anga ngi katula mbangala jiiadi phala eme: Imoxi nga i luku “Kiadi” o ia mukuá ngixi, “Kuongama”, anga ngi langa na-ju o tumbudi.

Malakiia 3:4

O ujitu ua Juda ni ua Jeluzaleme, Jihova ua kà mu uabhela kiá, kala mu izuua ia bhiti, ni mu mivu ia diangelèku.

Dialuilu 23:9

Tundé ku thandu dia matadi nga mu mono, ku milundu ngi mu tala iuná; kifuẋi kiê, kifuẋi kia di tungidila, ka moneka akuâ a soko-nâ.

Dialuilu 32:1

Kiki-phe anʼa Lubene ni anʼa Ngade a kala ni ibhaku ia nzungule; o kia zubha kumona ixi ia Jazele, ni ixi ia Ngiliiade kuma kididi kiambote kia kuvila-mu ibhaku.

Dialuilu 32:4

ixi ia beta Jihova bhu pholo ia kilômbo kia Izalaiele, ixi ia fuama ibhaku, abhikʼé-phe ala ni ibhaku.

Matesu 2:6

Eie Beleme, mʼoxi ia Juda, kualʼé ngó u ndenge mu makota a Juda; mbata mó mué muene mua kà tunda o Dikota ua kà kala mubidi ua athu ami a Izalaiele.

Nzuá 17:16

Mukuâ ni eme ki ngi tokala mu mundu, ene ua ka tokala-mu.

Matendelelu 33:28

Kala kiki Izalaiele ua kà tunga ua kà soma, ubheka uê, mu ixi ia dijiia dia Jakobo. Mʼoxi ia masa ni maluvu; o maúlu mê ma suka jinga mbundu.