Mikeia 7:11 - O Mikanda Ikola

¹¹ Dikumbi di dʼiza di nga kà tona kutunga dingi o imbaka iê, mu kizuuʼokio o ngonge ia kà kala hanji dikanga.

Mikeia 7:11 Iomraidhean Croise

Nehemiia 2:17

Bhenhobho-phe anga ngʼa tangela kiua, ngixi: Enu mua mono kiambote o uíndua mu tuala, kuma Jeluzaleme ua budijika, ni mabhitu mê ma jikata kuma a mʼoha mu túbhia; ndokuenu-phe tu tunge dingi imbaka ia Jeluzaleme, ki tu xikame kiki mu dilebhu.

Nehemiia 2:8

A ngi bhane ne mukanda ua Asafe, o kimbadi ua mu langa o míkáu ia sobha, phala a ngi bhane miẋi ia kuiudika na-iu o mabhitu ma dizemba dia sobha, ni kimbaka kia sanzala, ni ma inzo mu nga kà bokona. Sobha anga u ngi bhana-iu, kala kia ngi xindi o lukuaku lua mbote lua Nzambi lua ngi tudile ku thandu.

Nehemiia 4:3

Eme Tobiia, dia mukua Amone ua kexile-nê, uixi: Kiene kimoxi! Ene né edi a tunga se kuiza ngó mukenge, kimbaka kiá kia matadi ki kia-ndu mu bhonza ku ki lundumunʼê.

Nehemiia 4:6

Kienhiki tu kuata kutunga o kimbaka, anga ki takana kiene kioso katé kaxaxi kê; mukonda muẋima ua kifuxi ua bhetamena o kukalakala.

Izaía 54:11

Eie, mukua-hadi, u muthu ua takujuka ku mabhuku, mukua kikote! Talesa-ze, kuma o matadi mé ngi ma sokeka ni makembu moso, anga ngi ku xikika ku disesa dia matadi ma safídia.

Izaía 54:2

Balaka ié kudisa-iu, kididi ki di-xale, kia tokala o kutunga ni kusoma; ku i phopheke; lebhesa mikolo ié, jiphapha batela-ju kiambote.

Izaía 58:12

Oso a tokala ku mbutu ié, ene a kà tunga ididi ia budika mʼukulu; eie ua-nda kubhetula o madisesa ku muiji ni muiji; anga a kà ku luka exi, Mutungi-a-ibhela ia budika, kilolo kia ku jikula ikoka phala ixi ia kutunga ni kusoma.

Izaía 61:4

Ene a kà tunga jingùndu jòkulu, a kà bhetula dingi ididi ia diangele kusenguluka, madiembu a sekala a kà a bhangulula dingi, ni jingùndu jòkulu jòsengulule ku muiji ni muiji.

Daniiele 9:25

Eie tuma-phe ku kʼijiia: tunde bhu tubhukila o ngonge phala kubhetula dingi Jeluzaleme ni ku mu tunga, katé bhua kéjiia Mexiia, o Mʼona Ngana, bhuala sambuadi dia semana, ni makuinhi asamanu ni kiiadi kia jisemana; a kà tunga dingi o jinzunga ni imbaka, maji a kà ji tungila mu thembu ia hadi ni mbùnda.