Mikeia 7:10 - O Mikanda Ikola

¹⁰ O kienhiki nguma iami ia muhatu anga ua kà ki mona, jisonhi anga ja kà mu kuata muene. Kuma uene mu ku ngʼibhula, uixi: O Jihova, Nzambi ié, uala kuebhi? Mesu mami-phe ma kà mu mona ia a mu diota-diota kala malôua mu nzunga.

Mikeia 7:10 Iomraidhean Croise

II Samuuele 22:43

Bhenhobho-phe eme ngʼa beta katé a fufuka kala mavu a bhoxi, ngʼa titidila muene kala malôua mu nzunga; a phephuluka aii ni kitembu.

Jisálamu 109:29

Ene oso a ngi balukilʼó, a zuate kujingunuka, jisonhi jâ ji a vungine kala dibeka dia di futu.

Jisálamu 115:2

Phalahi ki bhinga matumbu a kèla, Nzambi iâ iú kuebhi?

Jisálamu 18:42

Bhenhobho nga a fufujula, a phephuluka ni kitembu; nga a titidila kala mavu a malôua mu nzunga.

Jisálamu 35:26

A kakuke, ene, a diuane, sonhi ja a kuatele kumoxi, oso a bhindamena ku ngi kuama; a kale ni jisonhi ni kusekala kala kizuatu, oso a di kaka mu ku ngi bhanga eme o phulu.

Jisálamu 42:10

Môndo uala ku ngi ta o jinguma jami ua di bhange mukua ni xibhata ia mu ngi toma mu ifuba; kioso ki ala ku ngʼila izuua ioso, exi: Nzambi ié ua ku kala kuebhi?

Jisálamu 42:3

Muanha ni usuku, kúdia kuami masoxi; mbe iá ala ku ngi ta môndo izuua ioso, exi: Nzambi ié ua ku kala kuebhi?

Jisálamu 58:10

Uaiuka-phe hinu u ki sakidila, kia mona o kaxtiku kâ; hé u sukula o inama iê mu manhinga ma isuéia.

Jisálamu 79:10

Phalahi o matumbu a kala mu kuila, exi: Nzambi iâ iú kuebhi? A vutuile o ditota dia manhinga ma ẋamuna ma jiselevende jé, o matumbu a kʼijiie, etu ue tu ki mone ni mesu.

Jisálamu 92:12

Uaiuka-phe u koma kala diie; u kula hé u jinga kala muxi ua muxitu ua Libano.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 41:25

Ngi balumuna muthu ku suku, muthu muenhú hé uiza, ua tundu tundé bhu tundila o dikumbi, muene ua-nda kuhingila o dijina diami; muene ua-nda kutula ku thanduʼa jingana kala ku thanduʼa malôua, kala mumbi kia toxa o utuma, kiene kia-nda ku a diota-diota.

Jelemiia 49:15

Kuma, talesa, nga ku bhange u ndenge muʼaxaxe ka Huxi, mu kizomba kia athu, eie a ku sebulula.

Jelemiia 51:24

Anga mua kà ki mona ku mesuʼenu, kioso Babilonha ni ene oso a tungu mu Kaldeia, ki nga-nda ku a futa o ufusa uâ uoso ua bhanga jinga mu Ziione, Jihova ua ki tange.

Jelemiia 51:51

Mua kà kiʼamba, kuila: Sonhi ja tu kuata muene mukonda tua sebuluka; pholo ia tuʼizala jisonhi, mbata kueza akua jixi jengi mu mabhezelu a kola a inzu ia Jihova.

Izekiiele 7:18

Anga a ka di-kuta jisaku, o kiteketela kia kà a vungina; o ku jipholo joso kua kà kala jisonhi, o mu mítue ioso mabhaia.

Daniiele 3:15

Kiki-phe, hé kia mi tetulukila kiá, enu muala kiá polondo, kioso ki mu ívua mbimbi ia buzina, ni ia mbèndu, ni ia kakoxi, ni ia mbànza, ni ia kisanji, ni ia ngaieta ia jiphukila, ni maxikile oso a kuxika, anga mu diunda hé mu bheza o kiteka ki nga iudika, kiauabha! O ki muila, nguenu ku ki bheza, mu kithangana kienhokio muene, a-nda ku mi takuila mu kijiku kia túbhia tua muzukuta; Nzambi kuxi-phe ua-nda kutena o ku mi kudila bhu lukuaku luami?

Jouele 2:17

Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Obadiia 1:10

Mukonda dia kukakela phangʼié Jakobo, kua kèza kavanza ku thandu dié, katé ki u jima mbutu ku hádia ni hádia, nzaká.

Obadiia 1:12

Eie kua tokalele kusangulukila kizuua kia phangʼiê, o kizuua kia kubhondalala kuê, kia mu bheka mu ubhika; né o kizuua kia kubuika kua anʼa Juda eie u ki tanena, mba kanu dié u di zambesa ni kuzuela mu kizuua kia kubhondalala kuâ.

Mikeia 4:11

Kindala, miji iavulu a ku bhongolokela, a di te mu kuzoka nʼeie, iá ala kuila, exi: A mu sebulule muene, mesu etu a ki mone, nda a tane kala kia kiandalele mu kumona bhu suka Ziione.

Mikeia 7:8

Eie kana kusanguluka, nguma iami, ki u mona nga di-bhale, kuma né nga di bhale, hádia ngi balumuka dingi. O kioso ki ngiza kitombe, Ngana ua kà kala mukengeji uami.

Sofoniia 3:15

Jihova ua sondolola o kufundisa kué ni ioso ia xindile ku ku bhanga; o nguma jé ua ku takuilá-ju dikanga; Jihova, Sobha ia Izalaiele, uala muʼaxaxi ké, kana-ku dingi kiaiibha ki ku kana.

Zakadiia 10:5

Ene oso a kà di bhanga jingunza ja ita ji titidila jinguma jâ bhoxi, mu malôua a jinzunga; a kà bhanga undanda kuma ala ni Jihova; a kà tolola muene iá a mondala ku jikabalu.

Malakiia 1:5

Mesu menu ma-nda ku di muena-kiu, anga muila, muexi; Jihova a mu jingise tunde mu jimbambe joso ja Izalaiele.

Malakiia 4:3

Akua ituxi mua kà a diota-diota, mbata a kà di bhanga kala utôkua koxi dia inama ienu, mu kizuua kienhókio ki nga-nda kua kà bhanga; eme ngi Jihova dia Ilombo Ieta.

Matesu 27:43

Ua kexi mu kudielela Nzambi, kiki a mu kudile, se ua mu mesena; kuma uambe uixi: Ngi Monʼa Nzambi!

Josuué 7:9

Mukonda akua Kanana, ni akuaʼxi oso, kia-nda ku kʼivua, a-nda ku tu konda, anga a tu batula dijina dietu mu ngongo. Eie-phe Ngana, o dijina dié diajingi, dia dikota, ua-nda ku di bhanga kiebhi?

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!