Mikeia 7:1 - O Mikanda Ikola

¹ Kokolo diami! Kuma ngedi kala kiene mu kukanza o ibundu bhu thembu ia ku muna, ngedi kala ibundu bhu kixibhu iaxala mu a kanze kiá! Ni kisaka kia ji-uva ngó phala kúdia ki ki moneka dingi, mba tufiku ngó tua xalela, tuene kuinda o muenhu uami.

Mikeia 7:1 Iomraidhean Croise

Jisálamu 120:5

Kokolo diami, eme ngi nzuángiza, nga mu nhunganena bhu Miseke; eme ngi mukua bhata mu jibalaka ja Kedale.

Jisabhu 20:6

Avuluʼâ akua ku di-ta jinzabala, exi tu athu ambote; maji o muthu uala muene ni kitongola, mukua-hi muene ua mu bongo kiá?

Izaía 17:6

Maji hanji mua kà subhuka tumasa tua jinjonjombolo, tu tokala o kubonga, mukuâ ni kia nhikisa ibundu ku muvide, anga njotona jiiadi mba jitatu jinamininé hanji ku jithangu ja suku-ku bhuluʼobho, ni njotona jiuana mba jitanu jixalela mu jithangu joso ja bhoxi jemine kia soko, Jihova, Nzambi ia Izalaiele, ua ki zuela.

Izaía 24:13

Mbata oxi kiene kia ia-nda ku kala, ni ku matutu, ni muʼaxaxi ka mundu iú, mukua ni muvide kia u lalumuna ibundu, mukua ni jisuênge, kʼibhua o kumuna jiuva.

Izaía 24:16

Ku maẋokololo maʼxi tuevu-ku ià emba mikumbi ia kufumanesa Muthu Uaiuka; maji eme ngedi: Uaué, enu malʼé! Nga bhele, nga tunuka! Akua-mangonha a bhange ufe! kiene muene, akua-mangonha a bhange muene ufe ua nzungule!

Izaía 28:4

O kitulu kia lalumuka ku makembu mâ ma fuma, kiala ku sungu ia dikôlo di bhana idima, kia kà kala mukuâ ni kibundu kia mufiku, kia mutômo, kioso o kixibhu kiluua ngó ki bhixila, uoso u ki mona, uila u ki kuata ngó bhu lukuaku, u ki minha lusolo.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Jelemiia 15:10

Kokolo diami, mamʼetu, tata! ua ngi vualela-hi ku kala iala dia ngongo, ngi muthu ua jinzaia, ngi muthu nga xikamena jimvunda mu ngongo ioso? Eme nuka ngʼa sobhesa ni kuvualesa dikongo, ene ue nuka a ngi sobhesa ni kuvualesa dikongo, hanji-phe a kuata kala muthu ni muthu o ku ngi bhubhidila.

Jelemiia 24:2

Kinda kimoxi, kia kexile ni jifiku ja uabha muene, kala jifiku ja kisonaxi; maji o kinda kia kamukuá kia kexile ni jifiku ja ibha kia vulu, ki ji xikina ku ji dia, mukonda dia ku ibha kuê ku ja ibha.

Jelemiia 4:31

Mbata ngala kuivua kiá mbimbi mukua ni muhatu uala ku isenda, mika kala ia ió u vuala mona ua phande-kumbi; diene o dizue dia mona Ziione ua muhatu, uiza ni kuhaha, iú ua mu sunununa o maku, uixi: Uaué! Kindala kokolo diami: mukonda o muenhu uami uambuka bhu pholo ia ijibhanganga!

Jelemiia 45:3

Eie, uambe, uixi: Kindala, kokolo diami, tatʼé! Kuma ku thandu dia hadi i ngala kumona, Jihova ua ngi ueza-ku dingi dilamba! Nga zondo ni kukema kuami, nhohenu nga di lémbua.

Jelemiia 5:1

Jingujukenu mu jinzunga ja Jeluzaleme, dimueninu kiá, mu tokuesa muene, bhitenu mu jisengu jonéne, mu mone mba mu sanga-mu muthu, mba muala ngó o muthu umoxi u kumbidila o kuiuka, mba u sota o kidi; eme inda ió ngi mu loloka.

Hozeia 9:10

Izalaiele nga mu tuuama kala isaka ia ji-uva mu mikáu ia kukuta, o jitata jenu ki nga a muene, edile kala ibundu ia sambatende ku mufiku ua kindala; maji ene-phe a lengela kua Baale-piiole, ia a di kasanesa ni mahamba a kuatesa jisonhi javulu, ene uâ ia a kasana kiá kala o dihamba diene dia a uabhelele ene.

Dialuilu 18:13

O ibundu ioso ia dianga, ku ima ioso i kala mungongo, ieza-na-iu kua Jihova, i kala ié; uoso ua di zelela uala mʼonzo ié, muene ua kà dia-ku.