Mikeia 6:8 - O Mikanda Ikola

⁸ Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Mikeia 6:8 Iomraidhean Croise

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Dimatekenu 5:22

Enoko anga uenda ni Nzambi; kia zubha kuvuala Matúzala, u laia hama jitatu ja mivu, hé u vuala anʼa mala ni anʼahatu.

II Malunda 30:11

Sumbala kiene, maji amoxi-mu, ku akua Asele, ni ku akua Manasa, ni akua Nzebulone, a toloka, ia eza mu Jeluzaleme.

II Malunda 32:26

Ezekiia-phe anga u di tolesa mukonda dia kudizangeleka kua muẋima uê, ni muene ni ene oso a tungu mu Jeluzaleme anga o njinda ia dikota ia Jihova i fula kuiza ku thandu diâ mu izuua ia Ezekiia.

II Malunda 33:19

Ni musambu uê ua sambela Nzambi, ni kioso Ngana Nzambi kia mu tambuijila anga u sosoloka mu kutema kuê, ni kituxi kiê kioso ni mulonga uê, ni ididi ioso ia tungile matala anga u i kuna mixitu ni ku ta-mu iteka ia kusonga, kioso hanji sobha kiluua a toloka kua Jihova, tala ima ioso iii a i soneka mu madivulu ma akua kuzambula.

II Malunda 33:23

Maji ua tokoka o ku tolokela Jihova kala kia tolokele Manasa dia tatʼâ; muene-phe kia mu kexile kota o kuvudisa dingi o ikuma ni milonga iê.

II Malunda 34:27

Kuma o muẋima ué eie ua teketa, eie ua tolokela Nzambi, kioso ki uevu o maka ma tange kubhanga o kididi kiki, ni ió oso a tungu-bhu, eie ua toloka bhu pholo iami, eie ua tandula o izuatu ié, eie ua ngi didila, eme ue nga kuivu, kienhiki kiene kiambe Jihova.

Nehemiia 9:13

Anga u tuluka ku mulundu ua Sinai, hé u a zuelesa tunde ku diulu; anga u a bhana mabatuilu ma iuku, ni itumu ia kidi, ni matendelelu ni ijila iambote.

Jisálamu 101:1

Ni kulenduka ni kufundisa mu kidi ngi ku ta ku mukumbi; eie-muène u Jihova ngi ku imbila jinga jisálamu.

Jisálamu 112:4

O muthu uaiuka, ni mu kitombe kúkia mukengeji uê; u kala mukua ujitu, mukua henda, mukua kiadi.

Jisálamu 112:9

Kʼemina, maji u bhana, u uanena o jingadiama; ka kuata sonhi, o mútue uê u bhetuka muene ni kijingo.

Jisálamu 37:26

Kumbi dioso u kuatela henda, u bindumuna akuâ atate, o mbutu iê i zediua kiengi.

Jisálamu 73:28

Eme-phe kia ngi uabhela o kuzukama kua Nzambi; nga solo Ngana Nzambi, muene u kala kibúta kiami, phala ngende jinge ni kutumbula o ikalakalu ié ioso.

Jisabhu 21:3

Kubatula o milonga mu kidi ni kufundisa athu sè katungu, kia beta ku uabhela Jihova, ku mu bhakuila jisata, ndenge.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Izaía 56:1

Jihova, uambe kiki: Kuatenu kilunji, mu bhange ima ia iuka, mbata kubhuluka kuami kua zukama, kufundisa kuami kua-nda kutukuluka kiá.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Jelemiia 22:16

Kia kexi, o hukunhu ni phulungu u a zokela o mvunda; ua bongele-phe ujitu; abha ki kuene o ku ngijiiʼoko? Eme ngi Jihova.

Jelemiia 22:3

Jihova uambe kiki: Kumbidila ubatuilu ua mbote ni uiukilu, muende ni kusukununa uoso a mu bhundu kuala kingumba; o nzuángiza ki mu mu tatese, mba monʼa difundu, mba mutudi, ki mu mu bhange kusuína, ki mu bhubhise manhinga ma muthu ua bene, bhu kididiʼabha.

Jelemiia 9:23

Jihova uambe kiki: njimu ka di thathe mu unjimu uê, mba dizonda u di thatha mu uzonda uê; mvuama ka di thathe mu unvuama uê.

Kuditenda 3:26

Kima kiambote o ku kala ni kudielela, ni kuxibhidila sé jibuia o kubhuluka ku tunda kua Jihova.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Izekiiele 33:14

Kioso eme ue ki ngiia o mukua phulu, ngixi: Ni kidi kiene ua-nda kufua; o muene hé u diela o kituxi kiê, anga u bhanga mabatuilu a kidi ni kuiuka,

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Hozeia 12:6

Eie-phe vutukila kua Nzambi ié, jijila kubhanga mbote ni kubatula milonga mu kidi, kuata-phe kuxibhidila jinga Nzambi ié ni kukinga kua muene mu thembu joso.

Hozeia 6:6

Kuma Eme nginda o kukuatela henda, ki ngindi sata; o kuijiia Nzambi ue kota, o kuoha ibhaku ia jisata, ndenge.

Ijila 26:41

Eme uami, mu kuenda-nâ ene, nga a balukila jinga ʼte ki nga a tande mʼoxi ia jinguma jâ; bhenhobho-phe se o muxima uâ ua dibôlo u di tululula, anga o kibetuʼiki kia ikuma iâ a di ẋikina na-kiu, kuamba kia a fuama,

Amoji 5:24

Inda, o kufundisa kua kidi-phe, ku kunguluke kala menha; o ku batula milonga mu kidi, kuile kala kangiji ka mabhubha, ki kene dingi kukukuta.

Mikeia 6:9

Dízui dia Jihova dì diʼixana o sanzala, o uoso njimu, u kala ni uôma ua dijina diê. Ivenu enu mu akua sanzala, ni ió uoso ua mu i tumina.

Sofoniia 2:3

Sotenu Jihova enu oso mua batama miẋima, muala mu ngongo, muene mu ku kaiela o mabatuilu mê; Sotenu kubhanga o mbote, Sotenu o kulenduka ni kubatama, sumba bhu kizuua kia njinda iê, Jihova u mi sueka.

Zakadiia 7:9

Jihova dia Ilombo Ieta uambe kiki: Fundisenu mu kidi, londekesenu kiadi ni henda muthu ni muthu kua phangʼiê;

Matesu 5:3

A zediua jingadiama ja muẋima, mukonda o Utuminu ua Diulu uâ ene.

Matesu 5:7

A zediua akua henda, ene ue Nzambi u a kuatela henda.

Luka 10:42

Maji kia kate-phe ngó kima kimoxi: Madiia ua solo o mbandu iambote, kà tena ku mu tambula-iu.

Luka 11:42

Lamba dienu-phe, mu jifalizeu! Mukonda enu Nzambi mu mu futa o dijimu dia kizaka, ni dia sabhola, ni dia tu-idima tuoso, o kufundisa-phe, mu kidi, ni henda ia Nzambi, mua i xé bhoxi. Mua fuamene kuila o iíi mu i bhanga, o ioio-phe ue ki mu i xi dingi.

Luka 12:14

Jezú-phe uixi: Ialʼé, eme nanhi ua ngi bhange ngi mufundixi, mba ngi muthu ua ku mi uanesa jimbongo?

Luka 6:36

Kalenu mu akua henda, kala kiene Tatʼenu mukua henda.

Loma 7:16

O ima-phe ki nga i solo, se iene i ngi bhanga, kia lomboloka kuila o Kitumu nga ki xikana kuma kia uabha.

Loma 9:20

Maji eie nanhi, kamba diami, eie u muthu u kuata phata ni Nzambi? Manhi o imbia ia utuma ibhula ió ua i bhange, kuila: Eie ua ngi bhangela-hi kiki?

I Kolindo 7:16

Eie u muhatu ua kidistá, ua kʼ ijiia kiebhi se muadi ué u mu bhulula? Ni eie u diiala dia kidistá, ua kʼ ijiia kiebhi se muhatuʼé u mu bhulula?

Efezo 4:32

Inda kota o ku di kuatekesa mudienu, ni ku di xinganeka. Muenda ni ku di loloka, kala Nzambi kia mi loloka enu mukonda dia Kristu.

Matendelelu 27:10

Kala kiki, enda ni kutumaka jinga o dízui dia Jihova Nzambi ié, o ijiia enda ni ku i kumbidila jinga, ni jingonge joso, ji ngala ku ku tendelela lelu.

Matendelelu 30:15

Ua ki mono-phe, kuma, lelu ngala ku ku tudila o muenhu ni mbote ku mbandu kuku; ngala ku ku tudila ue o kúfua ni ʼlamba ku mbandu iamukuá.

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

II Tesalonika 2:16

Kiki-phe, Ngana ietu Jezú Kristu muène, ni Nzambi, Tata ietu ua tu zola, ió ua tu bhana o kubhua uôma ni kukondoka o malamba sè kufula, ni kudielela kuambote mu kiadi kiê,

Tiiaku 2:20

Semenhi ia muthu! Tuma-phe ku kʼijiia, kuma: O kuxikana kua di kalela sè ima ia kubhanga, kuxikana kua ngoho.

Josuué 24:14

Kiki-phe Jihova mu kuatedienu uoma, muende ni ku mu bhikila ni muẋima ua tenena ni kidi. Texenu o mahamba oso a xingidisa jinga o jitata jenu mu sámbua dia ngiji ia Ufalate ni ku Ijitu, nda mu bhikile Jihova.

I Phetele 3:8

Mu kuzubha-phe, kalenu ni muẋima umoxi ni kixinganeku kimoxi, mu di xinganeke jinge mudienu. Mu di zole kala mu jiphange, mu nengane miẋima, mu batâma.

I Samuuele 12:23

Eme bhabha ue, ki ngi tena kukala ngi muthu uengi, ni ngi te kituxi kua Jihova mu kuzumbuka ku mi sambela. Eme ngenda jinga muene ni ku mi longa mu njila iauabha, ia kuiuka.

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.