Mikeia 6:4 - O Mikanda Ikola

⁴ Eme, ni kidi kiene, nga ku tombola mu ixi ia Ijitu; mu inzu ia ubhika mu ua kexile, nga ku kulamu; Eme nga katula Mozé, ni Alá, ni Midiiana, ià u nga tumine ku ku tuamenena o njila.

Mikeia 6:4 Iomraidhean Croise

II Samuuele 7:23

Mundu uahi ue mu ngongʼumu u soka ni mundu ué ua Izalaiele, ene ngó ubheka uâ ku mundu, a bhingi Nzambi iâ uia ni ku a kudila, ni ku a bhangesa kukala mundu uê uangene, muene, nʼa di bhangela dijina, nʼa mi bhangela ue ima iónene, ni ima i kuatesa uoma mʼoxi ienu, bhu pholo ia mundu ué katé ki ua a kula mu Ijito ku akuaʼxi iengi ni ku nzambi jâ, hé u a bheka dingi ku mukutu uê.

Jisálamu 77:20

Mundu ué-phe ua endesa kala kilunga kia jimbudi, abidi muene Mozé ni Alá.

Makatukilu 12:51

Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Makatukilu 3:10

Ndoko-phe, eie-muene ngi ku katula mu ku ku tuma kua Falaó, phala u tundise mundu uami ua anʼa Izalaiele mu Ijitu.

Makatukilu 4:10

Mozé anga u ambela, Jihova, uixi: Uá, Ngana, tata! eme ki ngi mesene ia kuzuela, né mʼokulu, né kiki ki ua mu zuelesa selevende iéʼiki; ngi muthu nga kokoloka mu kanu, nga neme o dimi mu zuela.

Makatukilu 4:16

Muene u kala muzumbu ué uakuzuela ni mundu; o ki muia ni kuenda, muene u kala diaknu dié, eie-phe u mu kala mukuâ ni Nzambi.

Makatukilu 6:27

Mozé ni Alá ene a zuela ni Falaó, muenexiʼa Ijitu, phala kukatula anʼa Izalaiele mu Ijitu.

Jelemiia 32:21

Eie ua katula mundu ué ua Izalaiele mʼoxi ia Ijitu ni kubhanga isunji ni madiuanu ni lukuaku lué lua nguzu, ni lukuaku lué lu ua tandeleka ni kimbuua kionéne.

Amoji 2:10

Moxi ia Ijitu ue Eme-muène nga mi katula-mu; makuinhi a uana a mivu u nga mi endesa mu kikangalakata, phala o ixi ia mamodi ni ngi mi bhane-iu i mi kale ixi ienu.

Dialuilu 12:1

Ni Midiiana ni Alá a di kuata ni Mozé Ni Midiiana ni Alá anga a di kuata ni Mozé mukonda dia muhatu, mukua Kuxi a mu sakana kuala Mozé, mukonda ua sakana ni muhatu mukua Kuxi.

Dialuilu 33:1

Jiji jene jinjila ja anʼa Izalaiele, a tunda mu Ijitu, mu ilombo iâ, mu kitumu kia Mozé ni Alá.

Jipoxolo 7:36

Muene muthu ua katula anʼ a Izalaiele mu Ijitu, iú ua endesa jinjila, kia zubha kubhanga madiuanu ni isuma mu Ijitu, ni mu Kalunga Kakusuka, ni mu kikangalakata, mu makuinhi a uana a muvu.

Matendelelu 15:15

Uxinganeka jinga, ulembalale kuma eie ue ua kexi u mubhika mʼoxi ia Ijito, maji Jihova Nzambi ié muene ua ku kula. Eie ue nga ku tumu kubhanga jinga kienhiki.

Matendelelu 24:18

Maji uenda ni ku lembalala jinga kuila eie uakexe u mubhika mu Ijito, eué Jihova ua ku katula-ku; kiene ki nga ku tendelela kuila eie ue bhanga jinga kienhiki.

Matendelelu 4:20

Mukonda enu Jihova ua, mi solo iu ua mi tombola mu folno ia felu mu Ijito phala mu kale mu mundu uê ua mi lundula mu ubhinganu, kala ki kia di monekena leluʼiki.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

Matendelelu 5:6

Eme Jihova Nzambi ié, nga ku katula mʼoxi ia Ijito, mu dibhata dia ubhika:

Matendelelu 7:8

Jihova muene-ku ua mi te muxima kuma ua mi zola, mu ku kumbidila o muloko uê ua lokela jitata jenu; Jihova iu ua mi katula ni lukuaku luê lua suina, iu ua mi kula ku dibhata dia ubhika ku mua kexile, bhu lukuaku lua Falaó, sobha ia Ijito.

Matendelelu 9:26

Eme-phe hé ngi sambela Jihova, ngixi: Ngana Nzambi, Nzambi tata, ku ki bhange kubuikisa o povo ia tokala undundu ué, povo i ua kula ni unéne uoso, Eie ua i jituna ku Ijito, ni lukuaku lua undanda.

I Samuuele 12:6

Samuuele anga u ambela o mundu, uixi: Kiene-phe muene, Jihova a kale mbangi kuma muene ua sola Mozé ni Alá, iu ua katula o jitata jetu mʼoxi ia Ijito, iu ua a bheka kunu.