Mikeia 6:16 - O Mikanda Ikola

¹⁶ Kuma kia mi beta kota o ku dituma ni itumu ia Omedi, ni kubhanga o ima kala ia bhanga jinga akua bhata dia Akabe, enu muala mu kuendela mu jingonge jala ku mi longa ene, phala eme ni ngi ku jime o mbutu, o ió a tungu mu diembu dié, ni ua a tumbula dingi ka moneka; endelela muene kala muphióphio; o kusekala kua mundu uami anga mu ku bheka ku thandu dienu.

Mikeia 6:16 Iomraidhean Croise

I Jisobha 18:4

Mukonda kia bhitile kiki kuma, kioso Jezabele kia kuata kujibha jipolofeta ja ngene ja Ngana, Obadiia-phe ua sueka-ku hamʼa jipolofeta; anga u a bhaka mu dibànda ku ibuka ia makuinhʼatanu-makuinhʼatanu, anga u kala mu ku a dikila ni mbolo ni menha.

I Jisobha 9:8

Anga o inzo iii, ia mu zangeleka kiosuʼiki, uoso ió ua kà bhitila-bhu, ua kà kakuka anga ua kà xika muixi, ni kudiuana, uixi: Ngana ua bangelaʼhi kiki ku ixi iii ni inzo iii?

II Jisobha 16:3

Mukonda muene uende mu jinjila ja jisobha ja Izalaiele; kí kia bhingi kuila ni monʼê ua mu bhitisa mu túbhia, kala kiene o ufusa ua akua matumbu, a a kaiesela kuengi kuala Jihova iá a tundu bhu mesu ma akua Izalaiele.

II Jisobha 21:3

Mbata ua tona dingi o kutunga o matala a muangene tatʼâ Ezekiia, o Baale ua mu tungila jikalatódio, iu ua bhange muxitu kala kia Akabe, sobha ia Izalaiele; o kilômbo kioso kia diulu, ua ki fukamena iu ua ki bhikila.

II Malunda 22:4

Anga u bhanga muene kia ibha ku mesu ma Jihova, kala akua dibhata dia Akabe, mukonda ene a kexile ku mu bhana o kaiula, kioso kia fu tatʼâ, phala o dibuikilu diê.

II Malunda 34:25

Mbata a ngi xisa, o uasu ua dizumba iá a uohela ku jinzambi jengi, mbé o ku ngi lokalala o njinda iami ni ibhangelu ia maku mâ; uila kiki, o njinda iami ia laukila bhu kididi kienhiki ki ia-nda kuẋikina kujima,

Jisálamu 1:1

Ua zediua o muthu ió ka ẋikina kuenda mu phangu ia iiala ia bhumu, kemana mu njila ia akua ituxi, ka xikama bhu nangu dia jisemenhi.

Jisálamu 44:13

Tua bongo malebhu ku akua madiembu u tua zukama na-u; tua di bhange tu jisemenhi, tu ioua ia iá a tungu mu jimbandu jetu.

Jisálamu 44:14

Tua fumana mukua ni Sabhu ku akua jixi ja matumbu; athu amukuá kia tu mona a kubuakesa ku mítue.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Izaía 9:16

Mbata asonguedi a mundu iú akua-mangonha, oso ala ku a kaiela, a kà buila.

Jelemiia 19:8

Ni mbonge iii nga kà i bhanga kidiuanu, anga i xalela bhu ditala dia kusebhuluka; uoso u bhita-mu anga u di uana, hé u xika muphióphio, mukonda dia mabhebhu mê ma bhitimu.

Jelemiia 25:18

Kua Jeluzaleme ni mabhata ma Juda, ni jisobha jâ ni ilamba iâ phala, ku a kitula jingundu, a di bhanga kisunji ki kuatesa uoma, ela kala muixi, a kituka kuxixima kala ki kia di monekena lelu;

Jelemiia 25:9

nga-nda ku tuma kutakana miji ioso iala kusuku, eme Jihova, ni mubhikʼami Nabukodonozolo ue, sobha ia Babilonha, anga ngʼa bheka mu ixi ienhiʼii ni ku thandu dia oso a tungu-mu ni ku thandu dia miji ioso mu jimbandu, anga nga kà a jimisa mbutu muene xatababá; nga-nda ku a bilula a kituka kisunji; a di bhanga supiia, a kala jingundu ji nangenena.

Jelemiia 29:18

Nga-nda ku a zuididika ni xibhata, ni nzala, ni kipheku; nga-nda ku a bhakula nʼai ni kusengana, lelu kuku, mungu koko, mu kaxi ka jixi joso mu ngongo, nda a kale akua mázui, a di bhange kisunji, mukua ni muphióphio, kífua dilebhu mu kaxi ka miji ioso mu nga-nda ku a takuila.

Jelemiia 51:51

Mua kà kiʼamba, kuila: Sonhi ja tu kuata muene mukonda tua sebuluka; pholo ia tuʼizala jisonhi, mbata kueza akua jixi jengi mu mabhezelu a kola a inzu ia Jihova.

Jelemiia 7:24

Maji ene-phe kʼevu, mba a bheteka o matui mâ nʼevue, inda a kaiela jiphangu ja ene, kima kia kane muẋima uâ ua kudianguka; anga enda ni kuvutuka kuema, o kusuluka ku pholo nguâ.

Kuditenda 5:1

Lembalala, Jihova, kia tu izʼiki! Tongolola hanji, utale o mondo ua tu tula!

Izekiiele 39:26

anga o jisonhi jâ, à kʼàia-na-ju ku thandu diâ, kumoxi ni kubhukumuka kuâ, kua ngi bhukumukina na-ku eme, kioso ene kia tungu ia a somo mʼoxi iâ, kuila kana-ku ngó uoso u a sasumuisa.

Daniiele 9:16

Jihova tata, mukonda dia jihenda jé ja vulu kinéne, sondolola njinda ié ni kutemanana kuosʼuku ku ua tula ku thandu dia dibhata dié dikôla Jeluzaleme, uene ku mulundu ué uangene; mukonda o ki tualʼiki ituxi ietu, ni ikuma ia jitata jetu, iabheka môndo kua Jeluzaleme ni ku mundu ué, ala ku tu ta-u muene kuala athu oso u tua tunga-nâ a tu kondoloka mu jimbandu.

Hozeia 12:14

Ifalaíme ua lokalala kiavulu muene o njinda ia Jihova, maji o manhinga mê ma bhubhisa a-nda ku mu lunduluila-u ku thandu dia mútue uê, o Ngana iê ua-nda ku mu bhana o futu ia fuama o maufusa mê.

Hozeia 5:11

Ifalaíme a mu xina katé kia mu bueta mu kufundisa; mukonda kima kia vondadi iê muene, kia kaiela, o kubheza mahamba.

Mikeia 2:6

Ki mu tange maka ma upolofeta; akua kutanga maka mu upolofeta kà ka ki zuele dingi kuila jisonhi ki ja-nda ku tu bhua.

Mikeia 6:13

Kienhiki-phe ni eme uami nguzu nga-nda ku ku bua-iu ni ngi ku kuame, ni ngi ku sengulule mukonda dia ituxi ié.

Dijingunuinu 2:20

Nga ku êlesa-phe kima kimoxi. Kuma ua xididikila o muhatu ió Jezabele, ua mu dʼixana kuila polofeta ia Nzambi. Eie ua mu ehela kubhomba ni kulonga selevende jami kubhanga undumbu, ni kudia jisata ja makudia ma satela o itèka.