Mikeia 5:8 - O Mikanda Ikola

⁸ O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Mikeia 5:8 Iomraidhean Croise

Dimatekenu 49:9

Eie Juda u munzangala ua hoji; monʼami, kumbi kuẋi dia kʼèza ni mbole iê? U zomba hé u butama kala ndumbe ia hoji mu kisasa, kala mama a hoji; nanhi muene u teza ku mu balumuna?

Jisálamu 104:20

U bheka-ku usuku ni kuvunda kuê, iama anga i tunda mu isasa ni kuzomba.

Jisálamu 44:5

Mu nguzu ié tu lundumuna oso a tu zembe; mu dijina dié tu a titidila muene bhoxi oso a tu balukila.

Jisálamu 50:22

Kala kiki xinganekenu-kiu, enu kua Nzambi mua jimbi-ku; sumba ngi mi sanujuna kala hoje, u mi kudila ki mu mu mono.

Jisabhu 30:30

O hoje ua tunda o iama ioso ku nguzu, kuoso kua lunga pholo uia ngó, ki kuala kima ki xikina ku mu vutula-ku;

Izaía 5:29

O mutendu uâ kala ua hoji, a kà koma muene kala anʼa hoji, xi, a koma anga mbole aia na-iu, o u i kudila ka moneka.

Izekiiele 39:10

Kà kʼeza dingi ni jihuinhi mu ditutu, mba a kà ẋanga mu mixitu, maji o mata ene kiá a kà uika-na-u o túbhia; hé a kʼènda ni kunhana kua ió oso a a nhana jinga ène, anga a kà bhûnda ue kua ió oso a a bhûnda jinga ène, kuma Jihova Nzambi ua ki tange.

Hozeia 5:14

Mbata eme nga-nda kubalukila Ifalaíme mukuâ ni hoji, anga dibhata dia Juda ngi di hamena kala ngi munzangala ua hoji; Eme, eme-muène nga-nda ku a sasujula muene, anga ngiiʼami kiá; Eme nga-nda ku a sumbununa kala kiama kia ambatela ku mazu, u a kudila ka-nda kumoneka.

Mikeia 2:12

Ni kidi kiene, hádia ngi ku bhongolola ni kivimba kioso, eie Jakobo; ni kidi muene, hádia ngi bhongolola o mbandu ia Izalaiele ia xala-bhu; ene oso nga a bhongolola anga nga ongeka bhu kididi kimoxi kala jimbudi ja Bozola; ela kala kilunga kiala muaxaxi ka kibhanga kiâ; ki nga a bhongolola a kà lunguta ni kuta jibuia javulu mukonda dia mundu kuvula.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Mikeia 5:3

Kala kiki, Nzambi ua-nda kuehelela o mundu uê, katé bhu thembu ia kuila, o ió ua mu sènda ni mika ia kuvuala ua vuala kiá, o muene ue kiene kiua kia kà a bhana. Kieneʼokio o mbandu ia jiphange jê iaxala-ku ia kà vutuka kumoxi ni ana a Izalaiele.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Zakadiia 10:5

Ene oso a kà di bhanga jingunza ja ita ji titidila jinguma jâ bhoxi, mu malôua a jinzunga; a kà bhanga undanda kuma ala ni Jihova; a kà tolola muene iá a mondala ku jikabalu.

Zakadiia 11:6

Jihova iu uambe kiki: A tungu mu ixi mumu eme ue, ni kidi kiene, ki nganda ku a kuatela dingi henda; nga-nda kuila muthu ngi mu bhakula bhu maku ma mukuá ni bhu maku ma sobha iê, ixi ioso ene anga a i kuama, eme ue ki nga-nda ku a bhulula bhu maku mâ.

Zakadiia 12:3

Kizuuʼokio Jeluzaleme nga kà mu bhanga ditadi dia neme phala miji ioso; oso a kà di zangula, dia kà sasujula; miji ioso mu ngongo ia kà di bhongolola mu ku mu bilukila.

Zakadiia 14:18

Se o mbutu ia jifamília ja akua Ijitu nguauá kubanda, nguá kuiza, o mvula ki ia kà noka kokuâ, maji ku thandu diâ kua kèza dibhebhu, Jihova dia-nda ku kuama na-diu akua jixi, a kambe kubanda mu kubhanga o fesa ia fundu.

Zakadiia 9:15

Jihova dia Ilombo Ieta muene ua-nda ku a xitila; akua kubhânga ni jimbalafunda a-nda kua kà a jikinisa anga a a titidila muene bhoxi; o manhinga mâ a kà ma nua kala vinhu; a-nda kua kèzala kala jímbia ja sata, a kèla muene kiololo kala bhu jithungi ja Kalatódio.

Malakiia 4:3

Akua ituxi mua kà a diota-diota, mbata a kà di bhanga kala utôkua koxi dia inama ienu, mu kizuua kienhókio ki nga-nda kua kà bhanga; eme ngi Jihova dia Ilombo Ieta.

Dialuilu 24:9

Ua butama, ua zeka kala hoji, mamʼa hoji mukuâ; nanhi u mu lokalala? A-zediue oso a ku zediuisa, a a bhubhidile oso a ku bhubhidila.

Matesu 10:14

Uoso ka mi tambulula, mba u kamba kuívua maka menu, ki mu tunda mu inzuʼ oio mba mu mbongeʼ omo, mu a kukumuina fufuta ia inama ienu.

Jipoxolo 18:6

Ene-phe a lungulukila Phaulu, hé a ẋinuka ni ku mu xinga. Muène anga ua a kukumuina izuatu iê, uixi: Enu se mu texika, o manhinga menu ma kala ku thandu dienu! Eme nga zele, tunde kiki ngi di lunga kiá ni akua matumbu.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.