Mikeia 5:2 - O Mikanda Ikola

² Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Mikeia 5:2 Iomraidhean Croise

Dimatekenu 35:16

Anga a tunda bhu Betele, o mu kuia bhu Efalata, kua kambe ngó kadikanga mu kubiẋila, Lakele u vuala, anga u tala hadi iavulu mu kuvuala.

Dimatekenu 35:19

Lakele anga u fua, hé a mu fundila mu njila ia Efalata (bhene bhu Beleme).

Dimatekenu 48:7

Kuma eme-phe mu kutunda ku Padalane, Lakele ua ngi fuila bhu maku, mu njila, mʼoxi ia Kanana, kua tu kambele ngó kadikanga mu ku bhiẋila bhu Efalata; eme nga mu fundila koko mu njila ia Efalata, a muila Beleme.

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

I Malunda 2:54

O ana a Salama enhá: Akua Beleme ni akua Netofa, ni akua Xitalote, ni akua Bete-Jouabe, ni kaxaxe ka jimanatita, ni akua Zola.

I Malunda 4:4

Kua di-te dingi Penuuele, tata ia Ngedole, ni Ezele, tata ia Huza: Iá ene o ana a Hulu, phande-kumbi ia Efalata, tata ia Beleme.

I Malunda 5:2

Sumbala o Juda ua kexile kindanda muaxaxe ka jiphange jê, o kua muene kuene kutunda o Dikota, maji o uphande-kumbi uangene ua Zuze.

Jisálamu 132:6

Álaka tua ivu exi, iala bhu Efalata, tua i bongela mu mukáu ua ditutu dia Jahale.

Jisálamu 90:2

Kioso milundu kiluua a i vuala, ni mavu ni ixi kiluua u i umba, tunde xahulu katé ku hádia, eie Nzambi u nangenena.

Makatukilu 18:21

Sota mu mundu, oso athu a tena, ala ni kilunji, akua uoma ua Nzambi, akua kidi, ka ẋikina kúdia mangonha, u a tese ku pholo; iá a tambula konda ia jimidi, iá a tambula konda ia jihama, iá a tambula konda ia makuinhi atanu, o iá dikuinhi-dikuinhi;

Makatukilu 18:25

Mozé anga u sola adiakimi akua kilunji mu axaxi ka Izalaiele ioso, u a ta ku pholo mu tambula konda ia mundu, o iá jimidi, o iá jihama, o iá makuinhi atanu, o iá dikuinhi-dikuinhi.

Izaía 11:1

Mbata ku kixina kia Jese kuanda kusabhuka Luthangu, o ku jindanji jê kua-nda kufuafua ngolongo ia-nda kuima.

Izaía 53:2

Kuma muene uaii ni ku kula bhu pholo ia Nzambi mukuâ ni luthangu lu fuafua, kala lundanji lua xoxouela mu mavu ma kukuta; o ku mu tala, ka kexi ni kidifua mba uuabhelu ua pholo; o ki tua mu idi sui, ki tua mu muene ni kuuabha kua kima, kuila tu mu inda.

Izaía 55:4

Talesa, eme nga mu bhana a kale mbangi ku athuʼoso, a kale kilolo, a kale nguvulu ia mundu.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Jelemiia 30:21

Kota diâ dia ngana ua kà tunda momuʼâ, o uoso ua-nda ku a tumina, ua kà tunda mu kaxi kâ muene, nda eme ngi mu zukamesa; o muene nʼa kà bhixila kokuami; kuma muthu nanhi u sota mudiê ku ngi bhixila eme? Jihova uzuelʼó.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Mikeia 4:10

Eie tala hanji hadi ni misusu ni ikalakalu, eie u monʼa Ziione ua muhatu, ni phaxi ni lamba kala ià ió uala ni mika ia kuvuala; mukonda kindala mu sanzala ua-nda kutunda-mu, ua kà tunga ku mukáu anga ua kʼèza katé ku Babilonha. Kueneʼoko-phe kuene ku ua kà bhandulukila; kueneʼoko kuene kua kà ku kudila Ngana, bhu maku ma jinguma jé.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Matesu 2:1

Kiki kuila Jezú a mu vuala kiá mu Beleme ia Judeia, mu izuua ia sobha Helode, jinganga ku Thunda jiza mu Jeluzaleme, exi:

Matesu 2:6

Eie Beleme, mʼoxi ia Juda, kualʼé ngó u ndenge mu makota a Juda; mbata mó mué muene mua kà tunda o Dikota ua kà kala mubidi ua athu ami a Izalaiele.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Luka 23:2

O kuenhoko anga a kuata ku mu tatela, exi: Muthu iú tua mu kuata ni kufunhisa o kifuẋi kia mundu uetu. Uala ku fudisa athu kubhana lubhaku lua Sézalu, uixi: Eme-muène ngi Kristu, ngi muenexi.

Luka 23:38

Ku thandu dia mútue uê, kukala kadibaia kòsoneke: Muenʼiú Muenexi ua Jijudé.

Nzuá 7:42

Mu Madivulu ma Kôla ki mualu kuamba kuma Kristu u tunda ku muiji ua Davidi, ni bhu sanzala ia Beleme, bhua tungile Davidi?

Matendelelu 1:15

Nga kuatele-phe adienu mu miji ienu, mala a jinjimu, ende kiabhu o ngongo, eme nga a bhange makota phala ku mi tambula konda; o iá jikabhitangu ja kutumina jimidi, o iá jikabhitangu ja kutumina jihama, o iá jikabhitangu ja kutumina makuinhi atanu, o iá jikabhitangu ja kutumina dikuinhi; amoxi nga a bhange jinguvulu ja kuendesa ibuka ia miji ienu.

Kolose 1:17

Kioso ima ioso kiluua i moneka, muène ua dianga. Muène ua i kuatesa mu ididi iê, o mua muène ima ioso i bhanga o kikalakalu kiâ kia kidi.

Jihebeleu 13:8

Jezú Kristu muène umoxi, ni mazá, ni lelu, katé ku hádia.

Jihebeleu 7:14

Tua kʼijiia kuma Ngana Jezú ua tokala ku muiji ua Juda. O muiji iú-phe Mozé ka u tange kukala ni kima, kioso kia zuela bhu kaxi ni jinganga.

I Nzuá 1:1

Tua mi sonekena o kima kia kalé tunde ku dimatekenu dia mundu, o Diambu diene dia muenhu. Etu tua dʼivua, tua di mona ni mesu etuʼèlele muene. Ni kidi muene, etu tua di tongolola, tua di babata ni maku metu.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki:

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.

Afundixi 17:7

Anga ku kala munzangala ua diiala u tunda mu Beleme ia Juda, mukua muiji ua Juda maji u kala levita, ueza mu nakina bhu bhata bhenhabha.

Lute 1:1

Anga ki bhita kuma, mu izuua kia kexile afundixi kufundisa mu Izalaiele, mʼoxi mu kala nzala ia dikota; Anga bhu kala muthu, mukua Beleme ia Juda, uia kunakina mʼoxi ia Mouabhe, ni muene ni mukajiʼê ni anʼê kiiadi a mala.

Lute 4:11

Mundu uoso a xikama bhu muelu ua kimbaka, ni adiakimi, bhenhobho exi: Tu jimbangi muene. O Jihova a bhangese kuila muhatu iú ueza mʼonzo ié a soke ni Lakele ni Liia, a tenene kiiadi kiâ kubhanga o dibhata dia muiji ua Izalaiele. Eie muene ue Bouaji, kala u dikuenze, o Nzambi a ku bhane kuzediua mu Efrata, ni kujinga o dijina mu Beleme.

I Samuuele 10:19

Enu-phe kizuua kia lelu mua ditunu Nzambi ienu uene ku mi kudila mu mavuua menu moso ni mu malamba menu; mua mu ambela, muixi: Kana, tu bhane sobha i tu tumina. Kiki-phe di tienu ku minono bhu pholo ia Jihova, mu di tungule kala kioso ki mua di kaiejela mu miji ienu ni mu jimidi jenu.

I Samuuele 17:12

Davidi-phe monʼa mukua Efalata mu Beleme ku Juda, dijina diê Jese; muenʼiu anga u kala ni nake dia ana a mala; muadiakimi kiá mu izuua ia Saúlo, ua kuka kiá muene muʼaxaxi ka athu.

I Samuuele 17:18

O kuinhi dia hejuʼidi u di bhekela kaphitangu ka jimidi jâ, u kunde o makotʼé kioso kia zekele se ala kiambote, uize-ku ni njimbu iâ u tu tudile se a bhindamena ue kima.

I Samuuele 23:23

Ka tadienu-phe kiambote hanji, mu lange ididi ioso bhuene kusuama, se mua mono bhuoso bhu tu mu kuatela sé kufula, kiene ki muiza dingi ku ngi takana eme, tuile kumoxi. Hé kiene-phe, se mu ngongo Davidi iú momo, né uala koxiʼa mavu eme ngi mu seia muene ni jimidi joso ja masoladi a Juda.

I Samuuele 8:12

Momuenu ua kà tumbika-mu jikabhitangu jitumina jimidi, ji tumina makuinhi atanu; amoxi ua a tuma kudima mavuʼê, ni kumuna jimbutu jê, kusula jifelu jê ja ita, ni jifelu jê ja makalu.